Матфеё 7:7 - Библия - Пэ Балтитко Романи чиб (Романэс) 2019

⁷ Мангэ́н, и явэ́ла дыно́ тумэ́нгэ; родэ́н, и латхэ́на; марэ́н дро вуда́р, и псиравэна (отпхандэна) тумэ́нгэ.

Biblija - Pe Baltitko Romani čib (Romanes) 2019

⁷ Mangén, i javéla dynó tuménge; rodén, i lathéna; marén dro vudár, i psiravena (otphandena) tuménge.

Матфеё 7:7 Referans Kwoze

Матфеё 21:22

и саро́, со тумэ́ тэ на помангэн патяибна́са, тумэ́ дорэсэ́на.”

1 Ian 3:22

И со амэ тэ на помангас Лэ́стыр, явэ́ла дыно́ амэ́нгэ, пал-дова́ со амэ ракхаса Лэ́скирэ припхэныбэна́ и кэра́са дова́, со исын пир ило́ Дэвлэ́скэ.

Joannostir 15:7

Нэ ко́ли тумэ́ ячэ́напэ дрэ Ма́ндэ и Мирэ́ лава́ ячэ́напэ дрэ тумэ́ндэ, тэды мангэ́н, со тумэ́нгэ трэй, и тумэ́нгэ явэ́ла дыно́.

Marko 11:24

Палдава́ Мэ ракира́ва тумэ́нгэ: саро́, пал со тумэ́ мангэ́напэ и мангэна, патя́н, со тумэ́ дорэснэ́ (долынэ), и явэ́ла дыно́ тумэ́нгэ.

Ереме́ё 33:3

‘Кхар Ман Мирэ́ лавэ́са, и Мэ отпхэнава ту́кэ, и Мэ сыкава́ва ту́кэ барэ́ и гарадэ́ рэ́нды (де́лы), и савэ́ ту на джинэ́са!’

Матфеё 6:33

Родэ́н жа анги́л Дэвлэ́скиро Кралипэ́н дро Болыбна́скиро Раё и чачипэ́н Лэ́скиро, саро́ яви́р явэ́ла дыно́ тумэ́нгэ упралэстыр.

Матфеё 7:8

Пал-дова́ со кажно, кон мангэ́ла, дорэсэ́ла пэ́скиро; кажно, кон родэ́ла, латхэ́ла; кажнонэ́скэ, кон марэла дро вуда́р, явэ́ла псирадо (отпхандло).

Joannostir 15:16

На тумэ́ выкэдынэ́ Ман, нэ дава́ Мэ тумэн выкэдыём, соб (кай) тумэ́ тэ джа́н и дэн барьякирдо́ и, соб (кай) барьякирдо́ тумаро́ тэ барьёл и тэды, пал со тумэ́ на помангэнас Мирэ́ Дадэ́с Мирэ́ лавэ́стыр, Ёв дэ́ла тумэ́нгэ.

Юдэ́нгэ 11:6

Нэ нашты́ тэ кэрэ́с кучэс Дэвлэ́скэ би патяибнаскиро, пал-дова́ со трэй, соб (кай) ману́ш, саво́ явдя́ кэ Дэвэ́л тэ патял, со Ёв и ваш одолэ́нгэ, кон родэ́ла Лэс, Дэвэ́л отдэ́ла лачхипна́са.

Pritčy 8:17

Мэ кама́м тэ сыкавав паты́в одолэ́нгэ, савэ́ сыкавав паты́в ма́нгэ, и кодолэ́, кон добусовэс родэ́ла ман, ёнэ латхэ́на ман.

Psalmy 10:17

[38] Раё Дэ́вла, Ту шунэса, пал со мангнэпэ Ту́кэ одолэ́, савэ́ страдынэна явирэндыр, Ту зорьякирдян лэ́нгиро ило́.

Joannostir 4:10

Ису́со пхэндя́ дро отпхэныбэ́н ла́кэ: “Ко́ли ту джинэсас, со Дэвэ́л дэ́ла и Кон одова́ исын, Саво́ ракирэ́ла ту́кэ: “Дэ Ма́нгэ тэ пья́в,’ тэды ту кокори мангэсас Лэ́стыр, и Ёв дэ́лас ту́кэ джидо́ пани́.”

Матфеё 18:19

Ишчо Мэ пхэна́ва чачипэ́н тумэ́нгэ, со, ко́ли дуйджинэ́ тумэ́ндыр явэ́на дрэ кхэтаны́ годы́ пэ пхув тэ мангэ́н пал вари-со, явэ́ла дыно́ лэ́нгэ Мирэ́ Дадэ́стыр, Саво́ исын дро Болыбна́скиро Раё.

Amoso 5:4

Палдава́ адя́кэ ракирэ́ла Рай Дэвэ́л кхэрэ́скэ Израилёскирэскэ: “Тумэ́ родэ́н Ман и явэ́на джидэ́.

Jakov 5:15

и мангипэ́н Дэвлэ́скэ патяибна́са высастякирэла насвалэс и Дэвэ́л кэрэ́ла зоралэса лэс; а ко́ли ёв кэрдя́ грэ́хи, тэды саро́ явэ́ла отмэкно лэ́скэ.

Psalmy 27:8

Миро ило́ пхэндя́ ма́нгэ: “Рисёв и поклонинпэ патыва́са (кэр шэрэ́са патыва́са) Ма́нгэ.” Мэ рисёва́ва тэ родав Тыро́ муй, Раё Дэ́вла.”

Luka 18:1

И Ису́со роспхэндя́ лэ́нгэ приме́ро (сыкаибэ́н) ваш дова́, соб (кай) ёнэ тэ мангэ́нпэ Дэвлэ́скэ и тэ на обмэкэн шэрэ́:

Матфеё 7:11

Ко́ли тумэ́ сан налачхэ́, и джинэ́на тэ кэрэ́н лачхипэ́н пэ́скирэ чхавэ́нгэ, пэ кицы́ буты́р тумэ́ндыр тумаро́ Болыбна́скиро Дад кэрэ́ла лачхипэ́н одолэ́нгэ, савэ́ мангэна Лэ́стыр.

Psalmy 50:15

И кхар Ман дрэ дывэса́, ке́ли Ту́тэ исын бари дар, и Мэ зракха́ва тут, и ту барьякирэса кэ вучипэ́н Ман.”

Гиленгири (Соломоно́скири) Гилы́ 3:2

Мэ уштава фэды́р и обпрастава фо́ро, вули́цы (га́сы) и штэ́ты, кай мануша́ кэдэнапэ; мэ ява́ва тэ родав лэс, кэ саво́ миро ди притырдэла; мэ родыём лэс, нэ мэ на латхём (ластём) лэс.

Римлянэнгэ 2:7

одолэ́нгэ, кон саро́ часо кэрэ́ла лачхэ́ рэ́нды и пир дава́ родэ́ла сла́ва, чачипэ́н и бимэрибнаскиро ко́нцо (яго́ро), Ёв дэ́ла ве́чно джиибэ́н.

Psalmy 119:12

Тэ шарэ́н зоралэ́с и тэ парикирэ́н Ту́кэ, о Раё Дэ́вла! Сыкля́кир ман Тырэ́ припхэныбнэнгэ.

Psalmy 86:5

Пал-дова́ со Ту, Раё Дэ́вла, сан лачхо́ и Ту камэ́са тэ примангэс: Ту сан барвало́ лачхэ́-илыткимаса сарэ́нгэ, кон прикхарэла Тут.

Psalmy 70:4

Мэк тэ рисён палэ и тэ пэрэ́н дрэ ладж одолэ́, кон ракирэ́ла: “Мишто́, мэк тэ явэ́л.”

Psalmy 69:32

Дава́ явэ́ла лачхо́ Лэ́скэ буты́р, сыр тэ янав гурувэ́н ци гуруворэ́н ваш хачкирибнаскиро свэ́нто дыибэ́н, савэ́ндэ исын шынга́ (ро́ги) и ґэра́.

3 Kralip 3:5

Дро Гавао́но явдя́ Рай Дэвэ́л Соломоно́скэ дро сунэ́ раты́, и пхэндя́ Дэвэ́л: “Манг, со тэ дав ту́кэ.”

Psalmy 10:4

[25] Фуй мануша́ пал пэ́скирэ пхутькирибэ́н на дыкхэ́на пэ Лэ́стэ, дрэ лэ́нгири годы́ нанэ штэ́то ваш Дэвлэ́скэ.

Римлянэнгэ 3:11

нанэ нико́н, соб (кай) тэ ґалёл и тэ родэ́л Дэвлэ́с.

Luka 13:25

Пало́ дава́, ке́ли кхэрэ́скиро хула́й уштэ́ла и запхандэла вуда́р, тэды тумэ́ явэ́на тэ тэрдён яври́ и явэ́на тэ марэ́н дро вуда́р, ракири́: ‘Раё Дэ́вла! Раё Дэ́вла.” Псирав (отпхандэ) вуда́р амэ́нгэ,” а Ёв отпхэнэ́ла тумэ́нгэ: “Мэ на джино́м (на джина́в) тумэн, каты́р тумэ́ сан?’

Psalmy 34:4

Шарэ́н и славинэ́н Рас-Дэвлэ́с ма́нца, ява́са кхэтанэ́ тэ барьякирас Лэ́скиро лав.

Psalmy 37:4

Бахталёв куч миштыпнаса Ра́стыр-Дэвлэ́стыр, соб (кай) Ёв тэ дэл тумэ́нгэ, со тыро́ ило́ древа́н ужакирэ́ла.

Isajos 30:19

Народо явэ́ла тэ дживэ́л пэ Сио́но кэ Ерусалимо, ту бут на явэ́са тэ ровэс, – Ёв потангинэла (пожалинэла) тут, ко́ли ту загодлэса, Ёв шунэ́ла тыри́ зан и отпхэнэ́ла ту́кэ.

Džiibén 26:32

Дро дова́-паць дывэ́с явнэ́ Исаакоскирэ писха́рья, и роспхэндлэ́ лэ́скэ пал ґаны́нг, сави́ ёнэ ґанадэ, и пхэндлэ́ лэ́скэ: “Амэ латхям пани́.”