Матфеё 6:9 - Библия - Пэ Балтитко Романи чиб (Романэс) 2019

⁹ Мангэ́нпэ жэ адя́кэ: ‘Дад амаро́ Болыбна́скиро, Саво́ исын дро Болыбна́скиро Раё! Мэк тэ славинэлпэ Тыро́ лав;

Biblija - Pe Baltitko Romani čib (Romanes) 2019

⁹ Mangénpe že adiáke: ‘Dad amaró Bolybnáskiro, Savó isyn dro Bolybnáskiro Rajo! Mek te slavinelpe Tyró lav;

Матфеё 6:9 Referans Kwoze

Sykadyipén 4:11

“Амаро́ Рай Дэвэ́л и Дэвэ́л! Ту сан мол тэ прилэс сла́ва, паты́в и зор, пал-дова́ со Ту создыян саро́ и пир Тыри́ во́ля саро́ сыс создыно́ и дживэ́ла.”

Римлянэнгэ 8:15

Палдова́ со тумэ́ на прилынэ́ Ду́хо (Фа́но), Саво́ кэрэ́ла тумэн писхарье́нца, соб (кай) нэвэ́стыр тэ дживэ́н дрэ дар, а тумэ́ прилынэ́ Ду́хо (Фа́но), Саво́ кэрдя́ тумэн пэ́скирэ чхавэ́нца, савэ́са амэ кхараса Дэвлэ́с: “Авва, Да́до!”

Езэкилё 36:23

Мэ свэнцякирава Миро баро́ Лав, савэ́стэ нанэ сла́ва машки́р Наюдэ́ндэ. Машкир яви́р народы тумэ́ отлынэ сла́ва Лэ́стыр и ґалёна народы, со Мэ сом Рай Дэвэ́л, Дэвэ́л, – ракирэ́ла Рай Дэвэ́л, Дэвэ́л, ко́ли Мэ сыкава́ва, со Мэ сом свэ́нто, пэ тумэ́ндэ, анги́л лэ́нгирэ якха́.

Малахия 1:11

Мирэ́ лавэ́скэ явэ́ла бари паты́в машки́р Наюды́тка на́цыи (народы), одотхы́р, кай кхам уштэ́ла и кэ дова́ штэ́то, кай кхам заджа́ла. Пэ кажно штэ́то дрогонэ́-смолакиро тхувипэн явэ́ла Ма́нгэ, жужо́ свэ́нто дыибэ́н; ваш дова́, со Мирэ́ Лавэ́скэ явэ́ла бари паты́в машки́р Наюды́тка на́цыи,” – ракирэ́ла янголэ́нгирэ-болыбна́скиро Рай Дэвэ́л.

Psalmy 111:9

Ёв выракхця Пэ́скирэ манушэ́н, Ёв дыя́ Пэ́скиро Зако́но пэ сарэ́ ве́ки: свэ́нто аж кэ дар исын Лэ́скиро лав.

Isajos 64:8

Нэ какана́, Раё Дэ́вла, Ту сан амаро́ Дад; амэ сам ґлэя (бла́та), савья́тыр кэрэ́на кхорэ́, а Ту – Одова́, Кон создыя́ амэн; сарэ́ амэ – Тырэ́-вастэнгири буты́.

Isajos 57:15

Пал-дова́ со адя́кэ ракирэ́ла Вучо́, Вучэ́с ґаздыно́, Саво́ дживэ́ла ве́чнэс, Лэ́скиро лав исын “Свэ́нто”: “Мэ джива́ва пэ вучо́ болыбэ́н и пэ свэ́нто штэ́то и адя́кэ-паць одолэ́ манушэ́нца, конэ́скиро ду́хо (фа́но) исын пхагирдо́, и кон исын на пхутькирдо, соб (кай) тэ отджидякирав ду́хо (фа́но), кон на пхутькирдо, и тэ отджидякирав илэ, конэ́стэ ду́хо (фа́но) исын пхагирдо́.

Galatenge 4:6

Нэ пал-дова́, со тумэ́ сан Лэ́скирэ чхавэ́, Дэвэ́л бичхадя́ Лэ́скирэ-Чхавэ́скиро Ду́хо (Фа́но) дро амаро́ ило́, Саво́ дэ́ла го́дла: “Авва! Да́до!”

Isajos 6:3

Ёнэ кхарэнас екх екхэ́с и ракирэ́нас: “Свэ́нто, Свэ́нто исын Рай Дэвэ́л, болыбна́скирэ-янголэ́нгиро, сари́ пхув исын пхэрды́ Лэ́скирэ барипнаса!”

Sykadyipén 5:12

и ёнэ ракирдэ́ зоралэ́ заня́са: “Свэ́нто Бакроро́ исын мол, Саво́ сыс мулякирдо тэ прилэл зоралыпэ́н и барвалыпэ́н и зор, и паты́в, и сла́ва и манушэ́нгиро шарибэ́н.”

Psalmy 115:3

[11] Нэ амаро́ Дэвэ́л исын пэ болыбэ́н: Ёв кэрдя́ саро́, со Ёв камдя́.

Ниеми́я 9:5

Леви́ты пхэндлэ́: “Ису́со (Ёхошуа́), Кадмиило, Ванея, Хашавния, Шэревия, Годия, Шэвания, Петахия: “Уштэ́н и барьякирэ́н Рас-Дэвлэ́с, Дэвлэ́с тумарэс пэ сарэ́ бэрша́.

Матфеё 7:11

Ко́ли тумэ́ сан налачхэ́, и джинэ́на тэ кэрэ́н лачхипэ́н пэ́скирэ чхавэ́нгэ, пэ кицы́ буты́р тумэ́ндыр тумаро́ Болыбна́скиро Дад кэрэ́ла лачхипэ́н одолэ́нгэ, савэ́ мангэна Лэ́стыр.

Isajos 63:16

Ту сан Екх амаро́ Дад Дэвэ́л; пал-дова́ со Авраа́мо на джинэ́ла амэн, Израилё на приджинэла амэн пал пэ́скирэ манушэ́ндэ. Ту, Раё Дэ́вла, сан амаро́ Дад, Тыро́ лав векостыр исын дасаво: “Одова́, Кон выкиндя амэн.”

Psalmy 72:18

Тэ явэ́л бахтякирдо́ Рай Дэвэ́л, Израилёскиро Дэвэ́л, Саво́ Екхджино́ кэрэ́ла ди́вна бутя́.

Матфеё 26:29

И Мэ пхэна́ва тумэ́нгэ: Мэ на ява́ва далэ́ дывэсэ́стыр буты́р тэ пья́в аплодо далэ́ винаградытконэ хрустостыр кэ/жы́ко дова́ дывэ́с, ке́ли Мэ ява́ва тэ пья́в тумэ́нца нэви́ мол (вино) дрэ Мирэ́-Дадэ́скиро Кралипэ́н’”

Матфеё 23:9

И никонэ́с пэ пхув тэ на кхарэ́н ‘дадэ́са’, пал-дова́ со тумэ́ндэ исын екх Дад, Саво́ исын дро Болыбна́скиро Раё.

Матфеё 5:16

Адя́кэ мэк тэ свэнцынэл тумари́ яг анги́л манушэ́ндэ, соб (кай) ёнэ тэ дыкхэ́н тумарэ́ лачхэ́ рэ́нды и тэ славинэ́н Дадэ́с тумарэс Болыбнаскирэс.

2 Паралипоменоно 20:6

и пхэндя́: “Раё Дэ́вла, амарэ́ дадэ́нгиро! Ци на сан Ту, Дэвэ́л пэ болыбэ́н? И Ту хулаинэса пэ сарэ́ндэ кралипнаскирэ манушэ́ндэ, и дро Тыро́ васт зор и зоралыпэ́н, и нико́н на утэрдёла проти Ту́тэ!

Luka 15:18

Уштава мэ и джа́ва кэ пэ́скиро дад, пхэна́ва лэ́скэ: ‘Да́до! Мэ кэрдём грэ́хо анги́л Дэвлэ́стэ и анги́л ту́тэ.

Заха́рия 14:9

И Рай Дэвэ́л явэ́ла кра́ли пир сари́ пхув; дро дова́ дывэ́с явэ́ла фэ́ни (екх) Рай Дэвэ́л, и лав Лэ́скиро-фэ́ни екх.

3 Kralip 8:43

Ту пошун болыбна́стыр, Тырэ́ штэто́стыр, кай Ту дживэса, и кэр саро́, пал со явэ́на тэ мангэ́н Тут мануша́, савэ́ явнэ́ явирэ рига́тыр, соб (кай) сарэ́ мануша́ пхувья́кирэ тэ джинэ́н лав Тыро́, соб (кай) тэ дарэ́н Ту́тыр, сыр тырэ́ мануша́ Израилё, соб (кай) джиндлэ́, со лавэ́са Тырэса кхарэ́лапэ дая́ Кхангири́, сави́ мэ кэрдём.

Avakumo 2:14

Пал-дова́ со пхув явэ́ла пхэрды́ джиныбнаса пал Ра́скирэ-Дэвлэ́скири сла́ва, сыр паня́ учхакирэна (пхэрдякирэна) мо́рё (дэрья́в).

Езэкилё 38:23

И Мэ сыкава́ва, со Мэ сом Баро́ и Свэ́нто, Мэ сыкава́ва Пэс анги́л бутэ́-народэнгирэ якха́, и ёнэ ґалёна, со Мэ сом Рай Дэвэ́л, Дэвэ́л.”

1 Паралипоменоно 17:24

И мэк тэ явэ́л и мэк тэ барьёл лав Тыро́ дро ве́ко, соб (кай) ракирдэ́: “Рай Дэвэ́л, болыбна́скирэ-янголэ́нгиро Дэвэ́л Израилёскиро, исын Дэвэ́л пэ Израилё”; и кхэр Тырэ́ писхарискиро Давидо́скиро, мэк тэ явэ́л твардо анги́л Тыро́ муй.

2 Kralip 7:26

И мэк тэ славинэлпэ лав Тыро́ дрэ ве́ки, соб (кай) тэ ракирэ́н: “Рай Дэвэ́л, болыбна́скирэ-янголэ́нгиро – Дэвэ́л пэ Израилё.” И кхэр писхарискиро, Тырэ́ Давидо́скиро мэк тэ явэ́л зорало́ анги́л Ту́тэ.

1 Petr 1:17

И ко́ли тумэ́ кхарэ́на Дадэ́са Кодолэ́с, Саво́ шэра́ (ра́внэс) сэндякирэ́ла сарэ́ манушэ́н, на дыкхи́, кон ману́ш исын, тэды дживэ́н дара́са анги́л Лэ́стэ дава́ часо, пака тумэ́ дживэ́на пэ пхув;

1 Ximaske 6:16

Саво́ исын Екхджино́, Кон на мэрэ́ла ние́кхвар, Саво́ дживэ́ла дро дуд (свэ́то), карик ние́кх на явэ́ла, Савэс нико́н манушэ́ндыр на дыкхця́ и тэ дыкхэ́л на могинэ́ла. Мэк тэ явэ́л Лэ́скэ ве́чно паты́в и ве́чно зор. Ами́нь.

Luka 15:21

‘Да́до, – пхэндя́ чхаво́, – мэ кэрдём грэ́хо анги́л Дэвлэ́стэ и анги́л ту́тэ. Мэ буты́р на сом мол, соб (кай) ту тэ кхарэс ман чхавэ́са.’

Luka 2:14

“Тэ славинэлпэ Дэвэ́л дрэ упратунэ болыбэна, и тэ явэ́л рама́нё (миро) пэ пхув машки́р манушэ́ндэ, савэ́ндыр Дэвэ́л радынэ́лапэ.”

Isajos 66:1

Адя́кэ ракирэ́ла Рай Дэвэ́л: “Болыбэ́н исын Миро троно, а пхув исын штэ́то ваш Мирэ́ ґэра́; кай тумэ́ кэрэ́на кхэр ваш Ма́нгэ, кай исын штэ́то, соб (кай) Мэ тэ откхинёвав?

Матфеё 6:14

Пал-дова́, ко́ли тумэ́ примангэна манушэ́нгэ пал лэ́нгирэ грэ́хи, тумаро́ Болыбна́скиро Дад примангэла тумэ́нгэ,

Матфеё 6:6

Ке́ли ту мангэсапэ, заджа́ дрэ андратуны́ шту́ба пэ́скири, пхандэ вуда́р, и мангпэ Дадэ́скэ тырэ́скэ, Саво́ исын надыцьло; и Дад тыро́, Саво́ дыкхэ́ла тут, со явирэ́нгэ на дыцьло, отдэ́ла ту́кэ.

Матфеё 5:48

Палдова́ явэ́н бидошакирэ, сыр бидошакиро исын тумаро́ Болыбна́скиро Дад.

Левито 10:3

И пхэндя́ Мо́йза Аароно́скэ: “Ѓа́да, пал со ракирдя́ Рай Дэвэ́л, ке́ли Ёв пхэндя́: ‘Дрэ одолэ́ндэ, савэ́ явэ́на пашылэды́р кэ Мэ и Мэ высвэнцынавапэ и анги́л сарэ́ манушэ́ндэ прославинавапэ.’” Ааро́но сыс штыл.

Galatenge 1:1

Апостолостыр Павли́стыр, саво́ сыс выкэдыно на пир манушэ́ндэ и на пир манушы́тко годы́, а пир Исусо́стэ Христосо́стэ и Дэвлэ́стэ Дадэ́стэ, Саво́ ґаздыя́ Лэс мулэ́ндыр,

Joannostir 20:17

Ису́со ракирэ́ла: “На чилав Ман, пал-дова́ со Мэ на рисиём кэ Миро Дад; джа́ кэ Мирэ́ пша́ла и пхэн лэ́нгэ: “Мэ рисёва́ва кэ Миро Дад и тумаро́ Дад и кэ Миро Дэвэ́л и кэ тумаро́ Дэвэ́л”.”

Матфеё 26:42

Нэвэ́стыр яви́р мо́ло, Ёв одгия дрэ риг и мангдя́пэ Дэвлэ́скэ дасавэ́ лавэ́нца: “Да́до Миро, ко́ли сашты́, соб (кай) дава́ тахта́й тэ проджал дрэ риг Ма́ндыр, пака Мэ на выпьява лэс, мэк тэ кэрэ́лпэ во́ля Тыри́!”

Isajos 37:20

А акана́, амаро́ Раё Дэ́вла, Дэвэ́л амаро́, зра́кх амэн лэ́скирэ вастэ́стыр, тэ джинэ́н сарэ́ кралипэна́ пэ пхув, со Ту, Раё Дэ́вла, исын екх Дэвэ́л.”

Римлянэнгэ 1:7

сарэ́нгэ, кон дживэ́ла кэ Римо, савэ́ ячнэ́ дро́га Дэвлэ́скэ и савэ́ исын кхардэ́ тэ явэ́н Лэ́скирэ свэнтонэнца: бахталыпэ́н и рама́нё (миро) тумэ́нгэ Дэвлэ́стыр Дадэ́стыр амарэстыр, и Ра́стыр-Дэвлэ́стыр, Исусо́стыр Христосостыр.

Матфеё 10:29

Ци на дуй шпаки (вороб΄и) бикнэнапэ пал екх асариё? И ни екх лэ́ндыр на пэрэ́ла пэ пхув би волякиро тумарэ́ Дадэ́скиро.