Матфеё 6:5 - Библия - Пэ Балтитко Романи чиб (Романэс) 2019

⁵ Ке́ли ту мангэсапэ, на яв сыр кадалэ́ дуемуитка, савэ́ камэ́на тэ тэрдён пэ вэ́нглы яври́ и дрэ синагоги, соб (кай) лэн тэ дыкхэ́н мануша́. Чачэс, Мэ ракира́ва тумэ́нгэ: ёнэ ужэ дорэснэ́ пэ́скиро отдыибэ́н.

Biblija - Pe Baltitko Romani čib (Romanes) 2019

⁵ Kiéli tu mangesape, na jav syr kadalé dujemuitka, savé kaména te terdjon pe véngly javrí i dre sinagogi, sob (kaj) len te dykhén manušá. Čačes, Me rakiráva tuménge: jone uže doresné péskiro otdyibén.

Матфеё 6:5 Referans Kwoze

Матфеё 6:2

Нэ ко́ли ту дэ́са одолэ́нгэ, савэ́ндэ исын трэ́бима, на пхурдэ зоралэ́с шарибнаса дро ро́го (труба) анги́л пэ́стэ, сыр кэрэ́на дуемуитка мануша́ дрэ синагоги и пэ вули́цы (га́сы), соб (кай) тэ славинэ́н лэн мануша́. Чачэс, ракира́ва тумэ́нгэ: ёнэ ужэ дорэснэ́ пэ́скиро отдыибэ́н.

Luka 18:13

Нэ мытоскиро скэдыибнари сыс тэрдо́ дурэды́р и ёв на могиндя́ аж тэ ґаздэл якха́ пэ́скирэ кэ болыбэ́н, а мардя пэс дро колы́н и ракирдя́: ‘Дэ́вла! Потангинэ ман, грэхитконэ́ манушэ́с’.

Marko 11:25

И ко́ли тумэ́ мангэ́напэ, тэды примангэн сарэ́нгэ, пэ конэ́стэ рикирэ́на холы́, соб (кай) и тумэ́нгэ тумаро́ Дад, Саво́ исын дро Болыбна́скиро Раё, тэ отмэкэ́л тумарэ́ грэ́хи.”

Ереме́ё 29:12

И тумэ́ явэ́на тэ кхарэ́н Ман и тумэ́ явэ́на, и тумэ́ явэ́на тэ мангэ́нпэ Ма́нгэ, и Мэ ява́ва тэ шунав тумэн,

Isajos 1:15

И ко́ли тумэ́ протырдэна тумарэ́ васта́ тэ мангэ́нпэ, Мэ закэрава тумэ́ндыр Мирэ́ якха́; ко́ли тумэ́ мангэ́напэ, Мэ на шунава: тумарэ́ васта́ исын пхэрдэ́ дро рат.

Luka 20:47

савэ́ обхана пивленгирэ кхэра́ и мангэ́напэ Дэвлэ́скэ ґара́ (длу́гэс), соб (кай) лэн тэ дыкхэ́н. Адасавэн манушэ́н ужакирэ́ла пхаро́ сэндякирибэн.”

Jakov 4:6

Нэ Дэвэ́л дэ́ла барэды́р бахтякирибэ́н. Пал-дова́ со и исын пхэндло́: “Дэвлэ́скэ исын на дро́га пхутькирдэ́, а Ёв бахтякирэ́ла напхутькирдэ манушэ́н.”

Luka 18:1

И Ису́со роспхэндя́ лэ́нгэ приме́ро (сыкаибэ́н) ваш дова́, соб (кай) ёнэ тэ мангэ́нпэ Дэвлэ́скэ и тэ на обмэкэн шэрэ́:

Дание́лё 6:10

О Дание́лё, хачи, ґалыи́, со сыс подчхиндло дасаво запхэныбэн, гия́ дро пэ́скиро кхэр; э фэнштра, хай, дрэ упратуны шту́ба сыс псирады (отпхэндлы) анги́л Ерусалимо, и ёв трин мо́лы дро дывэ́с бандгякирдя чанга́, и мангдя́пэ пэ́скирэ Дэвлэ́скэ, и бахтякирэлас Лэс, сыр кэрэ́лас ёв дава́ и анги́л дова́.

Эфесянэнгэ 6:18

и дро кажно часо мангэ́нпэ дро Ду́хо (Фа́но) кажнонэ́ патерьяса (молитваса), адя́кэ-паць саро́ часо мангэ́нпэ Дэвлэ́скэ пал сарэ́ дэвлытконэнэ;

Luka 11:43

Бида тумэ́нгэ, Фарисе́и: пал-дова́ со тумэ́ камэ́на най фэдэды́р штэ́ты дрэ синагоги и, соб (кай) мануша́ тэ дэн ‘паклоно’ тумэ́нгэ пэ таргитка штэ́ты.

Матфеё 21:22

и саро́, со тумэ́ тэ на помангэн патяибна́са, тумэ́ дорэсэ́на.”

Psalmy 55:17

Нэ мэ кхара́ва Дэвлэ́с тэ помогинэл ма́нгэ и Рай Дэвэ́л зракхэ́ла ман.

Psalmy 5:2

Шун на́бут мирэ́ лава́, Раё Дэ́вла, обмеркин мирэ́ хор думки.

1 Фесалоникийцэнгэ 5:17

Мангэ́нпэ Дэвлэ́скэ саро́ часо;

Joannostir 16:24

Кэ дава́ часо тумэ́ нисо́ на мангнэ́ Мирэ́ лавэ́са, мангэ́н, и дорэсэ́на, соб (кай) ра́дыма дро тумаро́ ило́ тэ явэ́л пхэрды́.

Marko 12:38

И ракирдя́ Ису́со дурэды́р дро Пэ́скиро сыклякирибэ́н: “Ракхэ́нпэ лылваритконэндыр, савэ́нгэ пир ило́ тэ псирэ́н дрэ длэнгэ урибэна́ и лэ́нгэ трэй, соб (кай) тэ патывакирэн лэн пэ таргитка штэ́ты;

Матфеё 9:38

мангэ́н палдава́ Рас-Дэвлэ́с, Кон исын Хула́й пэ фэ́лды, соб (кай) ёв тэ бичхавэл бутярнэн пэ убияндыпэн Пэ́скиро.”

Матфеё 23:13

Бида тумэ́нгэ, дуемуитка лылвари́тка и Фарисе́и, савэ́ зачхакирэна вудара́ дро Кралипэ́н дро Болыбна́скиро Раё анги́л манушэ́ндэ; пал-дова́ со тумэ́ кокорэ́ на заджа́на, и тумэ́ сан тэрдэ́ пэ дром одолэ́ндэ, савэ́ камэ́на тэ заджа́н.

Pritčy 16:5

Кажно (сва́ко) пхутькирдо илэ́са ману́ш исын джунгало́ (брыдинэла) Ра́скэ-Дэвлэ́скэ, мэк ёнэ исын дро екх васт екх екхэ́са, мэ совлахава: ние́кх на нашэла бибангипнаскиро.

Матфеё 23:6

и выкэдэна най фэдэды́р штэ́ты пал кхардэ́ скаминда и англатунэ́ штэ́ты дрэ синагоги,

Pritčy 15:8

Рай Дэвэ́л рикирлапэ дрэ риг свэ́нто дыибэ́н, со фуй мануша́ янэ́на, нэ ёв зоралэ́с радынэ́лапэ мангипнастыр, саво́ кэрэ́на дэвлы́тка мануша́.

Матфеё 6:16

Ке́ли тумэ́ постинэна, на кэрэ́н рондлэ́ муя́, сыр кэрэ́на дуемуитка, пал-дова́ со ёнэ гаравэна пэ́скирэ чачунэ́ муя́, соб (кай) мануша́ тэ дыкхэ́н, со ёнэ постинэна. Чачэс, Мэ ракира́ва тумэ́нгэ: ‘Ёнэ ужэ дорэснэ́ пэ́скиро отдыибэ́н.’

Матфеё 6:1

Дыкхэ́н, и на сыкавэ́н пэ́скиро патяибэ́н пэ якха́ манушэ́нгэ; ко́ли на адя́кэ, на явэ́ла тумэ́нгэ отдыибэ́н Болыбна́скирэ Дадэ́стыр.

Матфеё 23:5

Нэ саро́, со ёнэ кэрэ́на, – дава́ ваш дова́, соб (кай) лэн тэ дыкхэ́н мануша́: ёнэ буґлякирэна пхарты (ленты) пэ чикат и пэ васт мангипнытконэ лавэ́нца и барьякирэна брынды (фальбонки),

Luka 6:24

Бида тумэ́нгэ, кон исын барвалэ́! Пал-дова́ со тумэ́ндэ ужэ исын локхо джиибэ́н!