Матфеё 6:4 - Библия - Пэ Балтитко Романи чиб (Романэс) 2019

⁴ Соб (кай) тыро́ дыибэ́н тэ на явэ́л дыцьло; и Дад тыро́, Саво́ дыкхэ́ла саро́, отдэ́ла ту́кэ тыро́ отдыибэ́н.

Biblija - Pe Baltitko Romani čib (Romanes) 2019

⁴ Sob (kaj) tyró dyibén te na javél dyc'lo; i Dad tyró, Savó dykhéla saró, otdéla túke tyró otdyibén.

Матфеё 6:4 Referans Kwoze

Матфеё 6:18

соб (кай) тэ на сыкавэспэ явирэ́нгэ, со ту постинэса, нэ екхэ Дадэ́скэ тырэ́скэ, Саво́ исын надыцьло; и Дад тыро́, Саво́ дыкхэ́ла дова́, со на дыкхэ́на яви́р мануша́, отдэ́ла ту́кэ лачхипна́са.

Матфеё 6:6

Ке́ли ту мангэсапэ, заджа́ дрэ андратуны́ шту́ба пэ́скири, пхандэ вуда́р, и мангпэ Дадэ́скэ тырэ́скэ, Саво́ исын надыцьло; и Дад тыро́, Саво́ дыкхэ́ла тут, со явирэ́нгэ на дыцьло, отдэ́ла ту́кэ.

Ереме́ё 17:10

Мэ, Рай Дэвэ́л, розґалёвава кажно ило́, Мэ пропатякирава андра́л манушэ́с, соб (кай) тэ дав кажнонэ́скэ (сваконэскэ) пир лэ́скирэ дрома́, пир дова́, со ёв кэрдя́.

Luka 14:14

и ту явэ́са бахтякирдо́: пал-дова́ со лэ́ндэ нанэ со́са тэ отплэскирэн палэ ту́кэ; а ту́кэ, явэ́ла отплэскирдо палэ, ке́ли чачунэ́ мануша́ отджидёна мэрибна́стыр.

Psalmy 44:21

Ко́ли амэ бистырдямас лав амарэ́ Дэвлэ́скиро и динд(з)ькирдямас амарэ́ васта́ кэ чу́жо дэвлоро,

Ереме́ё 23:24

“Ци могинэ́ла (сашты́) ману́ш тэ гарадёл дрэ чораханэ штэ́ты, соб (кай) Мэ тэ на дыкха́в лэс?” – ракирэ́ла Рай Дэвэ́л. “Ци на сом Мэ пэ болыбэ́н и пэ пхув?” – ракирэ́ла Рай Дэвэ́л.

Luka 8:17

пал-дова́ со нисо́ нанэ чорахано, соб (кай) тэ на явэ́л шундло; ни чхакирдо, соб (кай) тэ на явэ́л джиндло́ и сарэ́нгэ тэ на выджа́л пэ якха́.

1 Kralip 2:30

Палдава́ адя́кэ ракирэ́ла Рай Дэвэ́л, Рай Дэвэ́л Израилёскиро: ‘Мэ пхэндём тэды: ‘Тыро́ кхэр и тырэ́-дадэ́скиро кхэр явэ́на тэ псирэ́н анги́л Миро муй дро ве́ко.’ Нэ какана́ ракирдя́ Рай Дэвэ́л: ‘Мэк тэ на явэ́л адя́кэ, пал-дова́ со Мэ прославинава манушэ́н, савэ́ славинэна Ман, а кон на славинэла Ман, одолэ́ явэ́на ладжакирдэ́.

Juda 1:24

И какана́ Екхэ́скэ, Лэ́скэ, Кон могинэ́ла тэ зракхэ́л тумэн, соб (кай) тумэ́ тэ на пэрэ́н дро грэ́хо, и кон могинэ́ла тэ чхувэ́л тумэн анги́л Пэ́скири сла́ва бидошэнгирэнца и дрэ бари ра́дыма,

Юдэ́нгэ 4:13

Нисо́ дро свэ́то, со Дэвэ́л создыя́, нанэ ґарадо Дэвлэ́стыр; нэ саро́ исын нанго и бицяло́ анги́л Лэ́скирэ якха́, анги́л Конэ́стэ амэ ява́са тэ отпхэнас пал саро́.

Матфеё 10:42

И вари-кон, кон дэ́ла хоць тахта́й (чаша) шылало пани́ екхэ́скэ адалэ́ тыкнэндыр сыр сыкляибнытконэскэ, чачэс, Мэ ракира́ва тумэ́нгэ: ёв на хасякирэ́ла пэ́скиро отдыибэ́н.”

Psalmy 139:12

аж и цямлыпэ́н на гаравэла ман Ту́тыр, и рат зяинэла дыцьлэс сыр дывэ́с: цямлыпэ́н исын дасаво – паць, сыр дуд.

Sykadyipén 2:23

и Мэ мулякирава ла́кирэ чхавэ́н, соб (кай) сарэ́ кхангирья тэ джинэ́н, со Мэ сом Одова́, Кон джинэ́ла, со ману́ш думинэ́ла, и со ёв мангэ́ла, Мэ да́ва палэ кажнонэ́скэ тумэ́ндыр пир дова́, сави́ буты́ тумэ́ кэрдэ́.

1 Коринфянэнгэ 4:5

Тэды на сэндякирэн анги́л дова́, сыр Рай Дэвэ́л явэ́ла, Саво́ дудвалякирэла (обсвэнцынэла) и калэ́ (цёмна) чораханыбэна и откэрэла пэ якха́ адя́кэ-паць ґарадэ́ мысли дро манушы́тко ило́; и тэды сва́ко (кажно) ману́ш дорэсэ́ла (долэла) шарибэ́н Дэвлэ́стыр.

Psalmy 17:3

Ту спробиндян миро ило́, Ту явдя́н кэ мэ раты́: Ту розґалыян ман и Ту на лахтян нисо́: миро муй на пхэнэ́ла чорипэ́н.

Pritčy 25:22

палдава́, кэри дава́, ту кэдэса хачкирдэ́ вангара пэ лэ́скиро шэро́ и Рай Дэвэ́л отдэ́ла мазу́ри (награда) пал дова́, со ту са́нас лачхо́ кэ вэ́рго.

Матфеё 6:3

Нэ ке́ли ту дэ́са одолэ́нгэ, савэ́ндэ сыс трэ́бима, мэк тыро́ зэ́рво (ле́во) васт на джинэ́ла, со кэрэ́ла чачо́ (право).