Матфеё 6:25 - Библия - Пэ Балтитко Романи чиб (Романэс) 2019

²⁵ Палдава́ Мэ ракира́ва тумэ́нгэ: на пиридживэн пал тумаро́ джиибэ́н, со тумэ́нгэ тэ хан ци тэ пьен; ци пал тумарэ́ маса́, со тэ урьен. Нау́што (хай) джиибэ́н исын на дрогэдыр хабнастыр, нау́што маса́ исын на дрогэдыр урибнастыр?

Biblija - Pe Baltitko Romani čib (Romanes) 2019

²⁵ Paldavá Me rakiráva tuménge: na piridživen pal tumaró džiibén, so tuménge te xan ci te p'jen; ci pal tumaré masá, so te ur'jen. Naúšto (xaj) džiibén isyn na drogedyr xabnastyr, naúšto masá isyn na drogedyr uribnastyr?

Матфеё 6:25 Referans Kwoze

Filipiicenge 4:6

На пхагирэн шэро́ пэ́скэ ни пал со, нэ кажно мо́ло, ке́ли тумэ́ мангэ́напэ Дэвлэ́скэ, мангэ́нпэ парикирибнаса тэ отчхакирэн пэ́скирэ патерья (молитвы) анги́л Дэвлэ́стэ;

1 Petr 5:7

чхувэ́н упрэ́ сарэ́ пэ́скирэ пхарэ́ ду́мы пэ Лэ́стэ, пал-дова́ со Ёв дыкхэ́ла пал тумэ́ндэ.

Римлянэнгэ 8:32

Одова́, Кон на тангиндя Пэ́скирэ Чхавэ́с, нэ Ёв отдыя́ Лэс пал сарэ́ндэ амэ́ндэ, ци на даринэла Ёв адя́кэ-паць амэ́нгэ кхэтанэ́ Лэ́са саро́?

Psalmy 55:22

лава́ лэ́нгирэ мо́стыр сыс ґладкэдыр ксилэстыр, лэ́нгирэ пхэныбэна сыс ковлэдыр маслинитконэ дзэтэстыр (елеёстыр), нэ пала́л пал ландэ сыс востра (чолалэ) курталы.

Матфеё 6:31

Тэды на пиридживэн, и на ракирэ́н: ‘Со амэ́нгэ тэ хас?’ ци ‘Со тэ пьяс, ци дро со тэ урьяваспэ?’

Marko 4:19

нэ кажно дывэсы́тко кошыбэ́н, хохаибэ́н пал барвалыпэ́н, яви́р мысли пэ ило́ явэ́на и мурдякирэна дрэ лэ́ндэ лав и кэрэ́на лэс бибарьякирдонэскирэса.

Матфеё 10:19

Нэ сыр ёнэ здэна тумэн, на пиридживэн, сыр и со тэ пхэнэ́н тумэ́нгэ: пал-дова́ со явэ́ла дыно́ тумэ́нгэ, со тэ пхэнэ́н дрэ дова́-паць мардо́ (шту́нда);

1 Коринфянэнгэ 7:32

Мэ кама́м, соб (кай) тумэ́ тэ явэ́н вольна пиридживипнастыр. А наромандуно ману́ш пэкэлапэ (заботисола) пал дова́, со исын Ра́скиро-Дэвлэ́скиро, сыр тэ явэ́л лачхо́ Ра́скэ-Дэвлэ́скэ;

Матфеё 6:34

Палдова́ на пиридживэн пал атасятуно дывэ́с, пал-дова́ со атасятуно дывэ́с кокоро́ явэ́ла тэ думинэл пал пэ́стэ; ухты́лла (до́си) пхарипэ́н ваш кажно дывэ́с.

2 Ximaske 2:4

Нисаво́ халадо на спхандэла пэс джиибнытконэ рэндэ́нца, пал-дова́ со лэ́скэ трэй явэ́ла тэ явэ́л лачхо́ кодолэ́скэ, савэ́стэ ёв дынаринэла.

Luka 8:14

а зя́рки, савэ́ пынэ́ машки́р дылыны чар, исын сы́рбы мануша́, савэ́ шунэ́на лав, нэ джиибна́скири суе́та, барвалыпэ́н и джиибнытко лачхипэ́н замарэна дава́ лав дро лэ́нгиро ило́, а барьякирдо́ никели на доджа́ла кэ спялыма;

Матфеё 13:22

Нэ савэ́ сыс чхудэ́ дрэ дылыны чар, сыкавэ́на кодолэ́с, саво́ шунэ́ла лав, нэ векоскири суе́та, тырдыпэ́н кэ барвалыпэ́н пиризорьякирэна дро лэ́нгиро ило́, и ёв ячэ́ла би барьякирдэскиро.

Luka 12:11

Ке́ли ёнэ явэ́на тэ лыджа́н тумэн дрэ синагоги и кэ барыдыра́ и пэ сэнды, на пиридживэн, сыр и со тумэ́ явэ́на тэ отпхэнэн, ци со тэ пхэнэ́н;

Marko 13:11

Ке́ли тумэн лыджа́на тэ здэн, на пиридживэн анги́л, со тумэ́нгэ тэ ракирэ́н; ракирэ́н дова́, со тумэ́нгэ явэ́ла дыно́ дрэ дова́-паць мардо́ (шту́нда) тэ ракирэ́н; пал-дова́ со на тумэ́ кокорэ́ явэ́на тэ ракирэ́н, а Свэ́нто Ду́хо (Фа́но).

Ереме́ё 45:5

Ту мангэса (родэса) барэ́ льготы ваш пэ́скэ? На манг лэн, пал-дова́ со, акэ, Мэ яна́ва биба́хт (би́да) пэ кажно (сва́ко) лоч (плоть), – ракирэ́ла Рай Дэвэ́л: Нэ Мэ да́ва тыро́ джиибэ́н (отмэка́ва тут джидэса) ту́кэ сыр дорэсыбэ́н пэ сарэ́ штэ́ты, карик ту на джа́са.’”