Матфеё 6:12 - Библия - Пэ Балтитко Романи чиб (Романэс) 2019

¹² И приманг амэ́нгэ длуги амарэ́, Сыр амэ примангаса одолэ́нгэ, Савэ исын вужлэ амэ́нгэ;

Biblija - Pe Baltitko Romani čib (Romanes) 2019

¹² I primang aménge dlugi amaré, Syr ame primangasa odolénge, Save isyn vužle aménge;

Матфеё 6:12 Referans Kwoze

Эфесянэнгэ 4:32

Явэ́н лачхэ́ екх кэ екх, тангипны́тка (жалосна), примангэн екх екхэ́скэ, сыр и Дэвэ́л пир Христосо́стэ примангдя тумэ́нгэ.

Marko 11:25

И ко́ли тумэ́ мангэ́напэ, тэды примангэн сарэ́нгэ, пэ конэ́стэ рикирэ́на холы́, соб (кай) и тумэ́нгэ тумаро́ Дад, Саво́ исын дро Болыбна́скиро Раё, тэ отмэкэ́л тумарэ́ грэ́хи.”

Эфесянэнгэ 1:7

дрэ Савэ́стэ и пир Савэскиро Рат амэ сам выкиндлэ (выракхнэ), амарэ́ грэ́хи исын отмэкнэ пир Лэ́скиро барвало́ бахталыпэ́н;

Колосянэнгэ 3:13

явэ́н ковлэ́ екх кэ екх и примангэн екх екхэ́скэ, ко́ли вари-кон пэ вари-конэ́стэ рикирэ́ла холы́; то сыр Христо́со примангдя тумэ́нгэ, адя́кэ-паць и тумэ́ кэрэ́н.

Luka 11:4

И приманг амэ́нгэ грэ́хи амарэ́, Сыр амэ примангаса одолэ́нгэ, Савэ исын вужлэ амэ́нгэ; И на домэк амэн кэ пропатякирибэн; Нэ зра́кх амэн налачхэстыр’”

Luka 6:37

На сэндинэ́н, и тумэ́ на явэ́на сэндиндлэ; на бангякирэн, и тумэ́ на явэ́на бангякирдэ; примангэн и тумэ́нгэ явэ́ла примангло.

Vygiiben 34:7

Саво́ ракхэ́ла ла́ска ваш тысёнцы манушэ́нгэ, Саво́ отмэкэ́ла банг и чорипэ́н, и грэ́хо, Саво́ на ячкирэ́ла би отпхэныбнаскиро, Саво́ чхувэ́ла ка́ра пал дадэнгири банг дрэ чхавэ́ндэ и чхавэ́нгирэ чхавэ́ндэ кэ три́то и шта́рто ро́до.”

Psalmy 32:1

Давидо́скиро Пса́лмо. Сыклякирибэ́н. Бахтало́ исын кодова́ ману́ш, савэскиро чорипэ́н исын примангло, конэ́скиро грэ́хо исын отмэкно.

Psalmy 130:4

Нэ Ту отмэкэса грэ́хи амэ́нгэ, соб (кай) амэ тэ дарас Ту́тыр.

3 Kralip 8:39

Ту пошун болыбна́стыр, штэто́стыр, кай Ту дживэса, и приманг; кэр и отдэ́ кажнонэ́скэ пир лэ́скирэ дрома́, сыр Ту дыкхэ́са ило́ лэ́скиро, пал-дова́ со Ту, Екх, джинэ́са сарэ́ илэ, манушэ́нгирэ чхавэ́нгирэ,

3 Kralip 8:30

Шун мангипэ́н Тырэ́ писхарискиро и Тырэ́ Израилёскирэ манушэ́нгиро, ке́ли ёнэ явэ́на тэ мангэ́нпэ кэ дава́ штэ́то; шун пэ штэ́то Тырэ́ джиибна́скиро, пэ болыбэ́н, шун и приманг (простин).

Isajos 1:18

“Тэ́ньци явэ́н, ява́са тэ сэндякирас (тэ роскэдаспэ),” – ракирэ́ла Рай Дэвэ́л. “Ко́ли явэ́на тумарэ́ грэ́хи лолэ́, сыр рат, ячэ́на парнэ́, сыр ив, ко́ли явэ́на лолэ́, сыр яг ячэ́на парнэ́, сыр вы́лна (шэрсь) Мэ парнякирава.

Дание́лё 9:19

Раё Дэ́вла, шун! Приманг (простин) амэ́нгэ, Раё Дэ́вла! Кандэ и кэр сыгэды́р ваш Ту́кэ Кокорэскэ, Дэ́вла миро, Тыро́ Лав дыно́ Тырэ́ фороскэ и Тырэ́ манушэ́нгэ.”

3 Kralip 8:34

то тэды Ту шун болыбна́стыр и приманг грэ́хо Тырэ́ Израилёскирэ манушэ́нгиро, и ри́скир лэн пэ пхув, сави́ Ту дыя́н лэ́нгирэ дадэ́нгэ.

3 Kralip 8:50

И приманг (отмэк) манушэ́нгэ Тырэнгэ, дрэ со ёнэ кэрдэ́ грэ́хо анги́л Ту́тэ, и сыка́в тангипэ́н (жалима) кэ ёнэ лэ́нгирэ вэргэ́ндыр, соб (кай) ёнэ тэ явэ́н ковлэилытка кэ ёнэ.

Apostolengiri Butý 13:38

Палдава́, Мануша́лэ-Пшала́лэ, мэ кама́м, соб (кай) тумэ́ тэ джинэ́н, со тумэ́нгэ пхэнэ́лапэ лав пал грэхэнгиро отмэкибэн пир Исусо́стэ Христосо́стэ,

Матфеё 9:2

И, акэ, лыджа́нас кэ Ёв насвалэ манушэ́с, саво́ сыс пашто́ пэ матрацо. И сыр Ису́со дыкхця́ лэ́нгиро патяибэ́н, пхэндя́ насвалэскэ: “Яв муршкано́, чхаво́ Миро, отмэкнэ грэ́хи тырэ́!”

Матфеё 26:28

Пал-дова́ со дава́ исын Миро Рат завето́скиро, саво́ исын прочхудо пал бутэндэ ваш грэхэнгиро отмэкибэн.

Luka 13:4

Ци тумэ́ думинэ́на, со кодолэ́ дэшуохто (бидуе́нгиро биш) манушорэ, пэ конэ́стэ пыя́ Силаамоскири вучарды́ (башня) и примардя лэн, сыс буты́р бангэ́, сыр сарэ́ яви́р мануша́, савэ́ дживэ́на кэ Ерусалимо?