Матфеё 6:10 - Библия - Пэ Балтитко Романи чиб (Романэс) 2019

¹⁰ Мэк тэ явэ́л Тыро́ Кралипэ́н, Мэк тэ сполнинэ́лпэ Тыри́ во́ля пэ пхув, Сыр и пэ болыбэ́н;

Biblija - Pe Baltitko Romani čib (Romanes) 2019

¹⁰ Mek te javél Tyró Kralipén, Mek te spolninélpe Tyrí vólia pe phuv, Syr i pe bolybén;

Матфеё 6:10 Referans Kwoze

Юдэ́нгэ 10:36

Тумэ́нгэ трэй тэ вырикирэн, соб (кай) тэ кэрэ́н саро́ пир Дэвлэ́скири во́ля и тэ дорэсэн дова́, пал со Ёв дыя́ лав тумэ́нгэ.

Joannostir 4:34

Ису́со ракирэ́ла лэ́нгэ: “Миро хабэ́н исын тэ кэра́в во́ля Одолэскири, Кон бичхадя́ Ман, и тэ кэра́в Лэ́скиро рэ́ндо.

Матфеё 26:42

Нэвэ́стыр яви́р мо́ло, Ёв одгия дрэ риг и мангдя́пэ Дэвлэ́скэ дасавэ́ лавэ́нца: “Да́до Миро, ко́ли сашты́, соб (кай) дава́ тахта́й тэ проджал дрэ риг Ма́ндыр, пака Мэ на выпьява лэс, мэк тэ кэрэ́лпэ во́ля Тыри́!”

Матфеё 12:50

Пал-дова́ со, кон кэрэ́ла саро́ пир Мирэ́ Дадэ́скири во́ля, Саво́ исын дро Болыбна́скиро Раё, кодова́ исын Ма́нгэ пшал и пхэн и дай.”

1 Фесалоникийцэнгэ 5:18

парикирэ́н Дэвлэ́скэ пал саро́, пал-дова́ со дава́ исын Дэвлэ́скири во́ля пал тумэ́ндэ, сави́ исын дро екхипэ́н;

Римлянэнгэ 12:2

На дживэ́н адя́кэ, сыр адалэ́-векоскирэ мануша́ дживэ́на, нэ парувэн пэс, нэвякирэн тумари́ годы́, соб (кай) тумэ́нгэ тэ джинэ́н, со Дэвлэ́скири во́ля исын лачхи́, бидошэнгири и чачуны́.

Joannostir 6:40

А во́ля Мирэ́ Дадэ́скири, Кон бичхадя́ Ман, исын дасави́, соб (кай) кажно, кон дыкхэ́ла Чхавэ́с и патя́ла дрэ Лэ́стэ, тэ явэ́л лэ́стэ ве́чно джиибэ́н; и Мэ лэс отджидякирава дро палатуно́ (последнё) дывэ́с.”

Колосянэнгэ 1:9

Палдава́ и амэ долэ́ дывэсэ́стыр, сыр шундя́м пал дава́, саро́ часо мангасапэ Дэвлэ́скэ пал тумэ́ндэ, и амэ мангаса, соб (кай) Дэвэ́л тэ дэл тумэ́нгэ тэ уджинэл Лэ́скирэ во́ля, годы́ и ґалыибэ́н, со дэ́ла Свэ́нто Ду́хо (Фа́но).

Эфесянэнгэ 6:6

на кэрэ́н дава́ ваш сыкаибэ́н, ваш манушэ́нгиро шарибэ́н, нэ сыр Христосо́скирэ писха́рья, савэ́ сарэ́ пэ́скирэ илэ́стыр кэрэ́на пир Дэвлэ́скири во́ля,

Psalmy 40:8

Тэ́ньци мэ пхэндём: “Акэ, мэ джа́ва, дрэ лылварьякиро (книгакиро) сви́тко, кай исын чхиндло́ пал ма́ндэ:

Матфеё 7:21

На кажно, саво́ ракирэ́ла Ма́нгэ: ‘Дэ́вла, Дэ́вла!’ – заджа́ла дро Кралипэ́н дро Болыбна́скиро Раё; нэ кодова́, саво́ кэрэ́ла пир во́ля Мирэ́ Дадэ́скири, Саво́ исын дро Болыбна́скиро Раё.

1 Petr 2:15

Пал-дова́ со пэ дава́ исын Дэвлэ́скири во́ля, соб (кай) тэ кэра́с лачхипэ́н и пир дава́ тэ явэ́н штыл ушта́ дылынэ́ манушэ́нгирэ, ке́ли ёнэ явэ́нас тэ ракирэ́н грэхи́тка лава́.

Юдэ́нгэ 13:21

мэк тэ дэл Ёв зор тумэ́нгэ тэ кэрэ́н буты́ лачхэ́с, соб (кай) тэ кэрэ́н саро́ тумэ́ пир Лэ́скири во́ля. Мэк Ёв пир Исусо́стэ Христосо́стэ тэ кэрэ́л дова́ дрэ амэ́ндэ, со исын лачхо́ Лэ́скэ, Савэ́скэ тэ явэ́л сла́ва пэ сарэ́ ве́ки’. Ами́нь.

Матфеё 3:2

и раки́рла: “Приґалён пэ́скирэ грэ́хи (бизы), какана́ явдя́ пашылэды́р Кралипэ́н дро Болыбна́скиро Раё.”

Дание́лё 7:27

О кралипэ́н, и баро́ право, и крали́тко барипэ́н тэл саро́ болыбэ́н дэ́лапэ манушытконэ́ нацыя́кэ (народоскэ), кай явэ́на свэ́нта Най Вучэдырэскирэ; Лэ́скиро кралипэ́н явэ́ла пэ сарэ́ ве́ки, а барэ́ раё лэ́на тэ дынаринэ́н и тэ кандэ́н Лэс.

Luka 22:42

“Да́до! Ко́ли тэ явэ́л Тыри́ во́ля, лы́джа дава́ тахта́й дрэ риг Ма́ндыр; – нэ тэ явэ́л на Мири́, а Тыри́ во́ля.”

Joannostir 7:17

Кон камэ́ла тэ кэрэ́л Лэ́скири во́ля, одова́ явэ́ла тэ джинэ́л пал дава́ сыклякирибэ́н, ци ёв исын Дэвлэ́стыр, ци Мэ ракира́ва Кокоро́ Пэ́стыр.

Дание́лё 2:44

И дро дывэса́ кодолэ́ кралипнаскирэ о Дэвэ́л Болыбна́скиро чхувэ́ла кралипэ́н, саво́ дро ве́ки на пхадёла, и кодова́ кралипэ́н на явэ́ла пиридыно явирэ народоскэ; ёв пхаравэла и пхагирэ́ла сарэ́ кралипэна́, и ёв кокоро́ явэ́ла тэ тэрдёл дро ве́ки,

Sykadyipén 19:6

И мэ шундём зан сы́рбы бутэ́-манушэ́нгирэ народо́стыр, сы́рбы бурэ́-пане́нгирэ шоля́ (шумо), сы́рбы барэ́ громэнгиро, со пхэнэнас: “Аллилуя! Пал-дова́ со амаро́ Рай Дэвэ́л, Сарэзорья́киро кралинэла!

1 Фесалоникийцэнгэ 4:3

Дэвэ́л выкэдэ́ла, соб (кай) тумэ́ тэ явэ́н свэ́нта и тэ ракхэ́нпэ джиибнастыр би совлакиро;

Apostolengiri Butý 21:14

Ке́ли амэ ґалыям, со на могинаса лэс тэ отракирас, амэ пирияцям лэс тэ отракирас и пхэндям: “Мэк дро саро́ тэ явэ́л Дэвлэ́скири во́ля.”

Apostolengiri Butý 13:22

Дэвэ́л злыя́ Саулос кралипнастыр и чхудя́ лэ́нгэ Давидо́с сыр крали́с, пал савэ́стэ и пхэндя́ дро допхэныбэ́н: “Мэ латхём Давидо́с, Есеёскирэ чхавэ́с, адава́ ману́ш Ма́нгэ исын пир ило́, саво́ кэрэ́ла саро́ пир Мири́ во́ля.

Матфеё 4:17

Далэ́ часостыр Ису́со лыя́ тэ ракирэ́л: “Рискирэ́н пэ́скиро джиибэ́н кэ Дэвэ́л, пал-дова́ со явдя́ пашылэды́р Кралипэ́н дро Болыбна́скиро Раё.”

Sykadyipén 12:10

И мэ шундём зоралы́ зан болыбна́стыр, со ракирдя́: “Какана́ явдя́ зракхибэ́н и зор и Кралипэ́н Дэвлэ́стыр Дадэ́стыр. Какана́ исын Лэ́скирэ-Христососкири зор, пал-дова́ со бангякирибнаскиро пэ амарэ́ пшалэ́ндэ, саво́ бангякирэлас лэн анги́л Дэвлэ́стэ дывэсэ́ и раты́, сыс чхурдыно́ тэлэ́.

1 Petr 4:2

соб (кай) палатуно́ (последнё) часо, саво́ яця́пэ лэ́скэ тэ дживэ́л дрэ маса́, тэ дживэ́л адава́ ману́ш на пир пэ́скирэ-лочакиро тырдыпэ́н, а пир Дэвлэ́скири во́ля.

Юдэ́нгэ 10:7

Тэды Мэ пхэндём: “Гада, Мэ джа́ва, сыр исын чхиндло́ анги́л дрэ лылвари́ пал ма́ндэ; соб (кай) тэ сполнинав, Дэ́вла, во́ля Тыри́.”

Luka 19:38

ёнэ ракирдэ́: “Тэ явэ́л бахтякирдо́ Кра́ли, Саво́ джа́ла ваш лав Дэвлэ́скиро! Тэ явэ́л рама́нё (миро) пэ болыбэ́н и сла́ва дрэ упратунэндэ.”

Marko 3:35

Пал-дова́ со, кон кэрэ́ла саро́ пир во́ля Дэвлэ́скири, одова́ исын Ма́нгэ пшал, и пхэн и дай.”

Матфеё 16:28

Чачэс, Мэ ракира́ва тумэ́нгэ: ада́й исын вари-савэ́ мануша́, савэ́ на мэрэ́на, ко́ли анги́л явэ́на тэ дыкхэ́н Чхавэ́с Манушэ́скирэ, саво́ явэ́ла сыр Кра́ли дро Кралипэ́н Пэ́скиро.”

Дание́лё 7:13

Дыкха́вас мэ дро рати́тко дыкхибэ́н, акэ, болыбнытконэ облокэ́нца джа́лас о Чхаво́ манушэ́нгиро, догия́ кэ Пхурыдыр, ґаратунэ́-дывэсэнгиро и сыс лыджино кэ Ёв.

Ниеми́я 9:6

Ту, Раё Дэ́вла, сан Екх, Ту создыян болыбэ́н, болыбэ́н пэ болыбэ́н и халадэ́н лэнгирэн, пхув и саро́, со исын пэ ла́тэ, мо́рё (дэрья́в) и саро́, со исын дрэ лэ́стэ, и Ту дэ́са джиибэ́н далэскэ сарэскэ и болыбны́тка халадыбэна дэ́на паты́в Ту́кэ.

Marko 11:10

Бахтякирдо́, Саво́ джа́ла дро Кралипэ́н Дадэ́скирэ амарэскиро Давидо́скиро! – “Асанна дрэ упратунэндэ!”

Sykadyipén 11:15

И эфта́то (битринэнтиро дэ́што) Янго́ло пхурдыя дрэ пэ́скиро ро́го (труба): и сыс зоралэ́ заня́ пэ болыбэ́н, со ракирдэ́: “Свэтытко Кралипэ́н амарэ́ Ра́скирэ-Дэвлэ́скиро и Лэ́скирэ Христосо́скиро явдя́ и Ёв явэ́ла тэ кралинэн пэ сарэ́ ве́ки.”

Sykadyipén 20:4

И мэ дыкхцём троны и одолэ́н, савэ́ бэшэнас пал сками́нд, савэ́нгэ сыс дыно́ тэ сэндякирэн. И мэ дыкхцём дия́ одолэнгирэ, конэ́скэ чингирдэ шэрэ́, палдова́ со ёнэ допхэнэнас пал Христосо́стэ и пал Дэвлэ́скиро лав. Ёнэ на клониндлэпэ патыва́са анги́л рискирибна́скирэ мурдалэ́стэ ци анги́л лэ́скири патри́н (о́бразо), ёнэ на прилынэ́ клеймоскири шпэ́ра пэ чэка́т ци пэ лэ́нгиро васт. И ёнэ отджидынэ и кралиндлэ Христосо́са бар бэрш.

Psalmy 2:6

“Чачо́, мэ чхудём Пэ́скирэ крали́с пэ мири́ Свэ́нто бэ́рга Сио́но.”

Юдэ́нгэ 1:14

Ци ёнэ исын на сарэ́ ду́хи, кадалэ́ Янго́лы, савэ́ дынаринэна (служынэна) одолэ́нгэ, кон дорэсэ́ла пэ́скири паш дро зракхибэ́н.

Колосянэнгэ 1:13

Саво́ зракхця́ амэн камлыпнаскирэ (цямлыпнаскирэ) зорья́тыр и яндя́ дро Лэ́скирэ-Дрогонэ́ Чхавэ́скиро Кралипэ́н:

Luka 19:11

Ке́ли мануша́ шунэнас Исусо́с, Ёв пхэндя́ лэ́нгэ ишчо (инкэ́) екх приме́ро (сыкаибэ́н), пал-дова́ со Ёв сыс на́дур Ерусалимо́стыр и ёнэ думиндлэ, со ёнэ сыг явэ́на тэ дыкхэ́н Кралипэ́н, кай Дэвэ́л явэ́ла тэ хулаинэ́л.

Заха́рия 9:9

Ра́дынпэ зоралэ́с бахтятыр, Сионо́скири чхай, дэ го́дла радыма́тыр, Ерусалимо́скири чхай: акэ, кра́ли тыро́ явэ́ла кэ ту, чачипна́скиро и зракхибнаскиро, ковлэ́-илытко, уклисто пэ ослицатэ и пэ тэрнэ́ ослостэ, савэскири дай псирдя́ тэло ґа́мо.

Isajos 2:2

И явэ́ла дро палатунэ́ (последня) дывэса́: Дэвлэ́скирэ-Кхэрэ́скири бэ́рга явэ́ла чхуды́ упрэстыр, сыр яви́р бэ́рги, и явэ́ла ґаздыны вучэды́р, сыр яви́р набарэ́ бэ́ргицы и выджа́на кэ ёй сарэ́ народы.

Apostolengiri Butý 22:14

И ёв пхэндя́ ма́нгэ: “Дэвэ́л амарэ́ дадэ́нгиро выкэдыя́ тут, соб (кай) ту тэ уджинэс Лэ́скири во́ля и тэ дыкхэ́с чачунэ́с и тэ шунэ́с лава́, савэ́ Ёв кокоро́ ту́кэ пхэнэ́ла,

Ереме́ё 23:5

“Акэ, явэ́на дывэса́”, – ракирэ́ла Рай Дэвэ́л, – ке́ли Мэ чхува́ва упрэ́ нэвэ́стыр Давидо́скэ Рандь (Отбарипэн) чачуны́, Крали́с, ёв явэ́ла тэ раинэл и тэ кэрэ́л саро́ годэс. Ёв явэ́ла тэ кэрэ́л чачуно́ сэ́ндо и пир чачипэ́н пэ пхув.