Матфеё 5:9 - Библия - Пэ Балтитко Романи чиб (Романэс) 2019

⁹ Бахталэ́ исын одолэ́, савэ́ кэрэ́на рама́нё (миро), пал-дова́ со явэ́на тэ кхарэ́н лэн ‘Дэвлэ́скирэ чхавэ́.’

Biblija - Pe Baltitko Romani čib (Romanes) 2019

⁹ Bahtalé isyn odolé, savé keréna ramánjo (miro), pal-dová so javéna te kharén len ‘Devléskire čhavé.’

Матфеё 5:9 Referans Kwoze

Юдэ́нгэ 12:14

Причхувэ́н зор, соб (кай) тумэ́нгэ тэ явэ́н дро рама́нё (миро) сарэ́нца и дрэ свэнтыма, би савэскиро нико́н на дыкхэ́ла Рас-Дэвлэ́с.

Римлянэнгэ 12:18

ко́ли дава́ сашты́ тумарэ́ рига́тыр, дживэ́н дро рама́нё (миро) сарэ́ манушэ́нца.

Galatenge 5:22

А пир Свэ́нто Ду́хо (Фа́но) мануша́ дживэ́на патыва́са кэ яви́р мануша́, радыма́са, спокойнымаса, длугонэ вырикирибнаса, лачхэ́-илыткимаса, лачхипна́са, чачипна́са;

Psalmy 120:6

Миро ди древа́н бут дживдя́ машки́р одолэ́ндэ, кон бидыкхэла рама́нё (миро).

Римлянэнгэ 8:14

пал-дова́ со сарэ́, кон кэрэ́ла пир Дэвлэ́скиро Ду́хо (Фа́но), исын чачунэ́ Дэвлэ́скирэ Чхавэ́.

Luka 6:35

Нэ тумэ́ сыкавэ́н паты́в тумарэ́ вэргэ́нгэ, кэрэ́н лэ́нгэ лачхипэ́н и явэ́ла тумэ́нгэ бари мазу́ри (награда) Дэвлэ́стыр, и тумэ́ явэ́на Най Вучэдырэскирэ Дэвлэ́скирэ чхавэ́; пал-дова́ со Ёв исын лачхо́ и ваш одолэ́нгэ, савэ́ на парикирэна и ваш налачхэнгэ.

2 Коринфянэнгэ 13:11

Палатуно́ лав, пшала́лэ: радынэ́нпэ, явэ́н бидоша́кирэ, подрикирэ́н екх екхэ́с, явэ́н екхэ́-годя́кирэ, явэ́н дро рама́нё (миро) екх екхэ́са.

Колосянэнгэ 3:13

явэ́н ковлэ́ екх кэ екх и примангэн екх екхэ́скэ, ко́ли вари-кон пэ вари-конэ́стэ рикирэ́ла холы́; то сыр Христо́со примангдя тумэ́нгэ, адя́кэ-паць и тумэ́ кэрэ́н.

Psalmy 34:12

Явэ́н, мирэ́ чхавалэ, шунэ́н ман. Мэ сыклякирава тумэн пал дова́, соб (кай) тэ явэ́л дасаво трашаибэ́н анги́л Растэ-Дэвлэ́стэ.

Матфеё 5:48

Палдова́ явэ́н бидошакирэ, сыр бидошакиро исын тумаро́ Болыбна́скиро Дад.

2 Коринфянэнгэ 5:20

И амэ сам бичхадэ́ мануша́ Христосостыр сы́рбы Дэвэ́л ракирэ́ла Лэ́скиро лав пир амэ́ндэ, и амэ мангаса ваш Христосо́стэ: ячэ́нпэ рахмана (явэ́н кхэтанэ́) Дэвлэ́са.

Apostolengiri Butý 7:26

Ке́ли пэ яви́р дывэ́с ёв дыкхця́, сыр дуй Израильтя́ни чингардэпэ машки́р пэ́стэ, ёв камдя́ тэ раманякирэ́л (змиринэл) лэн, пхэни́ лэ́нгэ: “Тумэ́ сан пша́ла, палсо́ тумэ́ кэрэ́на фуипэ́н екх екхэ́скэ?

Матфеё 5:45

соб (кай) тумэ́ могинэ́нас тэ явэ́н ‘чхавэ́ Болыбна́скирэ Дадэ́скирэ’, и Ёв зачхувэла Пэ́скиро Кхам тэ свэнцынэл пэ лачхэ́ и налачхэ́ манушэ́ндэ, и бичхавэ́ла брышы́нд пэ одолэ́ндэ, кон кэрэ́ла лачхипэ́н и кон кэрэ́ла фуипэ́н.

1 Паралипоменоно 12:17

Дави́до гия ангил пэ стре́ч лэ́нгэ и пхэндя́ лэ́нгэ: “Ко́ли раманёса (миро́са) явнэ́ тумэ́ кэ мэ, соб (кай) тэ помогинэн ма́нгэ, тэды мэк тэ явэ́л ма́ндэ тумэ́нца екх ило́; а ко́ли ваш дова́, соб (кай) хохавэс тэ отдэ́н ман вэргэ́нгэ мирэнгэ, то дыкхи́, со нанэ дош пэ мирэ́ васта́, тэды мэк тэ дыкхэ́л Дэвэ́л амарэ́ дадэ́нгиро и тэ розсэндякирэл.”

1 Коринфянэнгэ 6:6

Дыкхэ́н: пшал сэндинэлапэ пшалэса, и дава́ исын анги́л напатяибнаскирэндэ!

Filipiicenge 4:2

Манга́ва Еводия, и Синтихияс тэ думинэн адя́кэ-паць дрэ Растэ-Дэвлэ́стэ;

Luka 20:36

ёнэ на явэ́на тэ мэрэ́н, пал-дова́ со ёнэ явэ́на шэра́ (ра́внэс) Янголэнгэ; и ёнэ явэ́на Дэвлэ́скирэ чхаворэ́, пал-дова́ со ёнэ явэ́на сы́рбы чхаворэ́, савэ́ отджидинэ мэрибна́стыр.

Эфесянэнгэ 4:1

Мэ, саво́ сом пхандло ману́ш пал Растэ – Дэвлэ́стэ, манга́ва тумэн тэ дживэ́н чачунэ́ (мольнонэ́) джиибнаса, савэ́са Дэвэ́л кхардя́ тумэн,

Римлянэнгэ 8:16

Дэвлэ́скиро Ду́хо (Фа́но) допхэнэ́ла кхэтанэ́ амарэ́ духо́са пал дова́, со амэ сам Дэвлэ́скирэ чхавэ́.

Римлянэнгэ 8:19

Палдава́ кажно джидо́ создыибэн пэ пхув, барэ́ надеяса ужакирэ́ла, ке́ли Дэвлэ́скирэ чхавэ́ явэ́на хулая́ пир свэ́то: