Матфеё 5:5 - Библия - Пэ Балтитко Романи чиб (Романэс) 2019

⁵ Бахталэ́ исын ковлэ́-илы́тка, пал-дова́ со пхув явэ́ла лэ́нгири.

Biblija - Pe Baltitko Romani čib (Romanes) 2019

⁵ Bahtalé isyn kovlé-ilýtka, pal-dová so phuv javéla léngiri.

Матфеё 5:5 Referans Kwoze

Psalmy 37:11

А ковлэ́-илы́тка мануша́ дорэсэ́на пхув сыр да́ро, и ёнэ явэ́на тэ бахталён раманё́стыр (миростыр), со на кончынэлапэ.

Isajos 29:19

И раманёна (мирна) мануша́ ишчо (инкэ́) буты́р явэ́на тэ радынэ́нпэ пал Растэ-Дэвлэ́стэ, чорорэ́ мануша́ явэ́на зоралэ́с тэ радынэ́нпэ пал Свэнтонэ́-Израилёскирэ Дэвлэ́стэ.

Jakov 3:13

Кон исын тумэ́ндыр тэ явэ́л годьваро́ и тэ джинэ́л саро́; мэк ёв тэ сыкавэ́л дава́ пэ рэ́ндо пэ́скирэ лачхэ́ джиибнаса и ковлэ́-илытконэ годыпнаса;

Psalmy 149:4

Пал-дова́ со Рай Дэвэ́л зоралэ́с радынэ́лапэ Лэ́скирэ манушэ́ндыр, Ёв шукарьякирэла ковлэ́-илэ́скирэ манушэ́н зракхибнаса.

Galatenge 5:23

ёнэ исын штыл (тиха), обрикирэна пэс, – кадасавэ́ манушэ́н притырдэла кэ пэ Зако́но.

Jakov 1:21

Ваш дава́ отчхувэн пэ́стыр сарэ́ ладжавэ кэ магирипэ́н рэ́нды и песьцёныма, савэ́ ишчо (инкэ́) ячнэ́пэ андрэ́ тумэ́ндэ и прилэ́н лав ковлэ́ илэ́са, саво́ мэкця́ корнё (рукх) дро тумаро́ ило́ и могинэ́ла тэ зракхэ́л тумэн.

Psalmy 25:9

Ёв лыджа́ла кэ чачипэ́н одолэ́н, савэ́ ха́на мэ́ньки, Ёв сыклякирэ́ла лэн тэ джа́н чачунэ́ дромэ́са:

Čysly 12:3

Мо́йза сыс ману́ш ковлэдыр (смиренэдыр) сарэ́ манушэ́ндыр пэ пхув.

Колосянэнгэ 3:12

И палдава́ пирикэрэн пэс дрэ манушэ́ндэ, савэ́н Дэвэ́л выкэдыя́: явэ́н свэ́нта, дро́га, явэ́н тангипны́тка и лачхэ́-илытка, бишарибнаскирэ, ковлэ́-илы́тка, длугонэ вырикирибнаса;

Матфеё 11:29

Лэн пэ пэ́стэ пхарипэ́н Мирэ́ джиибна́скиро и сыклён Ма́ндыр, пал-дова́ со Мэ сом ковлэ́-илытко и кандуно, и тумэ́ латхэ́на откхиныбэн ваш тумаро́ ило́;

Эфесянэнгэ 4:2

тэ явэ́н тумэ́ штыл (тиха) и кандыпны́тка и ковлэ́-илы́тка, тэ отлыджанпэ екх кэ екх длугонэ вырикирибнаса и патыва́са,

1 Petr 3:15

а рикирэ́н дро ило́ Христосо́с сыр Свэнтыма и дэн паты́в Лэ́скэ, сыр Ра́скэ-Дэвлэ́скэ дрэ тумарэ́ илэ, уса́ды / сак (всегда) явэ́н скэдынэ́ тэ затэрдён лавэ́са, ке́ли вари-кон явэ́ла тэ пхучэл тумэ́ндыр пал тумари́ наде́я, нэ кэрэ́н дава́ ковлэ́ илэ́са и дара́са;

Софония 2:3

родэ́н Рас-Дэвлэ́с сарэ́, савэ́ исын ковлэ́-илэ́скирэ пэ пхув, кон рикирдя Лэ́скиро чачуно́ Зако́но, родэ́н чачипэ́н, родэ́н тэ явэ́н рахмана (спокойна); сашты́ тэ явэ́л, со тумэ́ гарадёна дро дывэ́с, сыр явэ́ла Ра́скирэ-Дэвлэ́скири холы́.

Titoske 3:2

тэ на калякирэн никонэ́с, а тэ явэ́н раманёнэса (мирнонэса), тэ явэ́н штыл (тиха), ковлэ́-илы́тка кэ сарэ́ мануша́.

Psalmy 37:22

Пал-дова́, со одолэ́, савэ́н Дэвэ́л бахтякирдя́, лэ́на пхув сыр мэкно́ миштыпэ́н, а одолэ́, савэ́н Дэвэ́л прокосця, явэ́на вычхурдынэ тэ хасён.

Psalmy 37:9

Одолэ́н, савэ́ кэрэ́на чорипэ́н, на явэ́ла сыг, а кодолэ́, савэ́ ужакирэ́на Рас-Дэвлэ́с, дорэсэ́на пхув сыр да́ро.

1 Petr 3:4

а мэк тэ явэ́л тумаро́ шукарипэ́н дро тумаро́ ило́, саво́ исын надыцьло (набицяло), пэ́скирэ штылонэ́ и ковлэ́-илэ́скирэ шукарибна́са, саво́ на кирнёла и исын древа́н шука́р анги́л Дэвлэ́стэ.

Isajos 11:4

Ёв явэ́ла тэ сэндякиринэл чорорэн чачипна́са; кодолэнгирэ, кон страдынэла пэ пхув, рэ́нды чачипна́са россэндякирэла; Ёв Пэ́скирэ вуштэнгирэ дэстэса марэла пхув, Пэ́скирэ вуштэнгирэ духо́са замарэла грэхитконэ́ манушэ́с.

Psalmy 25:13

Лэ́скиро ди ячэ́лапэ бахтало́, а Лэ́скирэ чхавэ́нгэ явэ́ла пхув сыр мэкно́ миштыпэ́н.

1 Ximaske 6:11

Ту сан Дэвлы́тко ману́ш, наш далэ́ сарэ́стыр, ро́дэ чачипэ́н, ро́дэ тэ кэрэ́с лачхипэ́н, яв дро патяибэ́н, яв дрэ паты́в кэ яви́р мануша́, яв вырикирибнытко и ковлэ́-илытко.

Psalmy 69:32

Дава́ явэ́ла лачхо́ Лэ́скэ буты́р, сыр тэ янав гурувэ́н ци гуруворэ́н ваш хачкирибнаскиро свэ́нто дыибэ́н, савэ́ндэ исын шынга́ (ро́ги) и ґэра́.

Psalmy 37:29

Чачунэ́ мануша́ дорэсэ́на пхув сыр мэкно́ миштыпэ́н и явэ́на тэ дживэ́н пэ ла́тэ сарэ́ ве́ки.

Psalmy 37:34

Рикир наде́я пэ Растэ-Дэвлэ́стэ и приракх Лэ́скирэ упхэныбэна́ и Ёв барьякирэ́ла кэ вучипэ́н тут, соб (кай) ту тэ прилэс пхув сыр мэкно́ миштыпэ́н: ту дыкхэ́са, ке́ли фуй мануша́ явэ́на чхурдынэ́ тэ хасён,

2 Ximaske 2:25

тэ сыклякирэ́л пал патяибэ́н ковлэ́ илэ́са одолэ́ манушэ́н, савэ́ исын проти лэ́скиро сыклякирибэ́н, пал-дова́ со дава́ сашты́ тэ явэ́л, со Дэвэ́л дэ́ла саштыпэн (возможность/ваканцыя) лэ́нгэ тэ приґалён лэ́нгирэ грэ́хи и тэ уджинэ́н чачипэ́н,

Римлянэнгэ 4:13

Палдова́ со на пир Зако́но Авраа́мо и лэ́скиро ро́до дорэсця́ (долыя) Дэвлэ́стыр лав тэ явэ́л свэто́скирэ хула́са, а пирда́л патяибнаскиро чачипэ́н.

Psalmy 147:6

Рай Дэвэ́л ґаздэ́ла ковлэ́-илэ́скирэ манушэ́н, Ёв чхурдэ́ла тэлэ́ фуе́ манушэ́н кэ пхув.

Матфеё 21:5

“Пхэнэ́н джувля́кэ Сионо́стыр: ‘А́кэ, Кра́ли тыро́ традэ́ла кэ ту, тихо, Саво́ исын бэшто́ пэ ослицатэ и ослёнкостэ, ла́кирэ тыкнорэстэ.’”

Isajos 60:21

Саро́ тыро́ народо явэ́ла чачуно́, пэ сарэ́ бэрша́ прилэ́ла пхув сыр мэкно́ миштыпэ́н – дава́ исын отбарипэн, со Мэ барьякирдём, Мирэ́-вастэнгиро рэ́ндо; саро́ дава́ явэ́ла, соб (кай) тэ шарэ́н Ман.

Isajos 61:1

Ра́скирэ-Дэвлэ́скиро Ду́хо (Фа́но) исын пэ Ма́ндэ, пал-дова́ со Рай Дэвэ́л помакхця Ман тэ пхэна́в бахтало́ лав (бахталы́ зан) чорорэнгэ; бичхадя́ Ман, соб (кай) тэ састякирав манушэ́н розмардэ илэ́са, тэ пхэна́в пал во́ля одолэ́нгэ, кон исын дрэ наволя (бэшыбэн); тэ пхэна́в манушэ́нгэ дрэ бэшыбэн, со вудара́ бэшыбнытка исын псирадэ (откэрдэ).

Psalmy 22:26

Мэ ява́ва тэ шара́в Тут пэ баро́ скэдыибэ́н; мэ кэра́ва дова́, пал со мэ совлахадём анги́л одолэ́ндэ, савэ́ дарэ́на Лэ́стыр.