Матфеё 5:22 - Библия - Пэ Балтитко Романи чиб (Романэс) 2019

²² Нэ Мэ ракира́ва тумэ́нгэ: ‘Кажно, кон холясо́ла пэ пэ́скирэ пшалэ́стэ ни палсо́, джа́ла тэл сэ́ндо. Кон жа пхэнэ́ла пэ́скирэ пшалэ́скэ ‘дылыно́’, явэ́ла дрэ дар Синедрионостыр. И кон пхэнэ́ла ‘бигодякиро’, явэ́ла дрэ дар, со джа́ла дро лю́но (адо) яга́са.

Biblija - Pe Baltitko Romani čib (Romanes) 2019

²² Ne Me rakiráva tuménge: ‘Kažno, kon xoliasóla pe péskire pšaléste ni palsó, džála tel séndo. Kon ža phenéla péskire pšaléske ‘dylynó’, javéla dre dar Siniedrionostyr. I kon phenéla ‘bigodiakiro’, javéla dre dar, so džála dro liúno (ado) jagása.

Матфеё 5:22 Referans Kwoze

1 Ian 2:9

Кон ракирэ́ла, со ёв исын дро дуд, а лэ́скэ исын надрого пэ́скиро пшал, одова́ исын ишчо (инкэ́) дро калыпэ́н.

Jakov 3:6

Чиб-дава́ исын сы́рбы доя́-паць яг, савья́тыр могинэ́ла тэ явэ́л бут фуипэ́н; чиб исын машкира́л амарэ́ масэнгирэ паша́, со калякирэла саро́ и могинэ́ла тэ схачкирэл саро́ амаро́ джиибэ́н яга́са, сави́ джа́ла люностыр (адостыр).

Titoske 3:2

тэ на калякирэн никонэ́с, а тэ явэ́н раманёнэса (мирнонэса), тэ явэ́н штыл (тиха), ковлэ́-илы́тка кэ сарэ́ мануша́.

Матфеё 10:28

На андыршан кодолэндыр, савэ́ мулякирна маса́, нэ савэ́ на могинэ́на тэ мулякирэ́н тумаро́ ду́хо (фа́но); нэ дарэ́н кодолэндыр, савэ́ могинэ́на тэ мулякирэ́н и ду́хо (фа́но) и маса́ дро лю́но (адо).

Матфеё 18:35

Адя́кэ-паць и кэрэ́ла тумэ́нгэ Дад Миро Болыбна́скиро, ко́ли кажно тумэ́ндыр на примангэла илэ́стыр пэ́скирэ пшалэ́скэ.”

1 Petr 3:9

на отдэ́н палэ фуипнаса пал фуипэ́н, ци фуй ракирибнаса пал дова́, со ракирэ́на фуипэ́н пэ тумэ́ндэ: а пэ яви́р мангэ́нпэ Дэвлэ́скэ, пал-дова́ со тумэ́ са́нас кхардэ́, соб (кай) тэ дорэсэн Дэвлэ́скиро бахтякирибэ́н.

Римлянэнгэ 12:10

сыкавэ́н паты́в екх екхэ́скэ пшалытконэ патыва́са и тангинэн екх екхэ́с: кутякирэн (важынэн) екх екхэ́с;

1 Petr 2:23

пэ Лэ́стэ ракирдэ́ фуипэ́н, нэ Ёв ни пэ конэ́стэ на пхэндя́ фуй лав, и ке́ли Ёв страдынэлас, Ёв на страхакирдя вари-конэ́с, а Ёв саро́ допатякирдя Кодолэ́скэ, Кон исын Чачуно́ Сэнда́ри;

Матфеё 18:21

Тэ́ньци подги́я Пэ́три и пхэндя́: “Раё Дэ́вла, кицы́ мо́лы ма́нгэ трэй тэ примангав пшалэ́скэ, ко́ли ёв явэ́ла тэ кэрэ́л грэ́хо анги́л ма́ндэ? Кэ эфта́ (кэ битринэ́нгиро дэш) мо́лы?”

Psalmy 109:3

ёнэ обчхувэна ман, кай камэ́на, хоханэ́ лавэ́нца и холя́са, и ёнэ джа́на марибна́са пэ ма́ндэ би причынакиро.

Psalmy 37:8

Ракх пэс дрэ риг холя́тыр и ячкир холякирибэ́н, на хачов холя́са тэ кэрэ́с чорипэ́н.

Juda 1:9

Нэ Михаило Архангело выракирдя налачхэскэ, ке́ли ёнэ ракирэ́нас екх екхэ́са пал Мойза́скирэ маса́, Михаило на сыс муршкано́ тэ калякирэл налачхэ́с, нэ пхэндя́: “Мэк Дэвэ́л тэ припхэнэл Ту́кэ.”

1 Ian 3:10

Ѓа́да, сыр Дэвлэ́скирэ чхавэ́ и налачхэскирэ чхавэ́ исын бицялэ: кажно (сва́ко), кон кэрэ́ла на пир чачипэ́н, одова́ нанэ Дэвлэ́стыр и адя́кэ-паць, сыр кодова́, кон на кэрэ́ла паты́в пэ́скирэ пшалэ́скэ.

Apostolengiri Butý 17:18

А вари-савэ́ Эпикуреинэ и Стоиконэ философэндыр гинэ́ тэ ханпэ лэ́са дро ракирибэ́н. И вари-савэ́ пхучнэ́: “Со дава́ балвалитко ману́ш камэ́ла тэ пхэнэ́л?” А яви́р ракирдэ́: “Ёв, здэлапэ, роспхэнэ́ла пал чужонэ́ наамарэ дэвлэндэ?” – пал-дова́ со Па́вли роспхэнэлас лэ́нгэ бахталы́ зан (звесь) пал Христосо́стэ и Лэ́скиро отджидыибэн мулэ́ндыр

1 Фесалоникийцэнгэ 4:6

соб (кай) ние́кх тумэ́ндыр тэ на кэрэ́л чорипэ́н пэ́скирэ пшалэ́скэ и тэ на барвалёл пал лэ́скиро допатяибэн, пал далэ́ грэ́хи Дэвэ́л чхувэ́ла ка́ра, сыр англэды́р амэ ракирдям тумэ́нгэ и допхэнасас.

Marko 14:55

Рашая́ и саро́ Синедрионо родынэ допхэныбэ́н пэ Исусо́стэ, соб (кай) тэ мулякирэ́н Лэс, нэ ёнэ на могиндлэ́ нисо́ тэ латхэ́н.

Матфеё 26:59

Рашая́ и саро́ Синедрионо сарэ́ манушэ́нца родынэ хохано́ допхэныбэ́н пэ Исусо́стэ, соб (кай) тэ мулякирэ́н Лэс.

Яви́р Зако́но 15:11

пал-дова́ со чорорэ́ ўса́ды (сак) явэ́на машки́р тыри́ пхув, палдава́ мэ и ракира́ва ту́кэ: “Отчхакир васт тыро́ тырэ́ пшалэ́скэ, чорорэскэ тырэ́скэ и богоскэ тырэ́скэ пэ тыри́ пхув.”

Joannostir 11:47

Тэды раша́нгирэ барыдыра́ и Фарисе́и кхардэ́ скэдыибэ́н и ракирдэ́: “Со амэ́нгэ тэ кэра́с? Адава́ Ману́ш кэрэ́ла бут ди́вы.

Sykadyipén 20:14

Мэрибнаскиро штэ́то и лю́но (адо) сыс чхурдынэ́ дро зеро яга́са. Дава́ исын яви́р мэрибэ́н-зеро яга́са.

Apostolengiri Butý 7:37

Ѓа́да, одова́-паць Мо́йза, саво́ пхэндя́ Израилёскирэ чхавэ́нгэ: “Дэвэ́л тумаро́ бичхавэ́ла тумэ́нгэ Пророко́с, тумарэ́ пшалэ́ндыр, сыр Ёв бичхадя́ ман; кандэ́н Лэс.”

Luka 12:5

Нэ Мэ сыкава́ва тумэ́нгэ, конэ́стыр трэй тэ дарэ́н: дарэ́н кодолэстыр, конэ́стэ исын зоралыпэ́н тэ чхурдэл тумэн дро геена. Чачо́, Мэ пхэна́ва тумэ́нгэ: дарэнпэ лэ́стыр!

Матфеё 5:44

Нэ Мэ пхэна́ва тумэ́нгэ: сыкавэ́н паты́в пэ́скирэ вэргэ́нгэ, и мангэ́нпэ Дэвлэ́скэ пал одолэ́ндэ, савэ́ кошэна тумэн, кэрэ́н лачхипэ́н одолэ́нгэ, савэ́ древа́н на камэ́на тумэн и мангэ́нпэ Дэвлэ́скэ пал одолэ́ндэ, савэ́ нашукар отлыджанапэ кэ тумэ́ и традэ́на тумэн;

Матфеё 5:34

Нэ Мэ ракира́ва тумэ́нгэ: ‘На совлаха́ сарэ́са; ни болыбнаса, пал-дова́ со ёв исын Дэвлэ́скиро престоло;

Матфеё 3:17

И акэ, зан болыбна́стыр, сави́ ракирдя́: “Кадава́ исын Миро дро́го Чхаво́, дрэ Савэ́стэ исын Мири́ бари ра́дыма.”

Авдиёс 1:10

Пал-дова́ со ту са́нас нахрато кэ тыро́ пшал Яково, ладжаипэ́н учхакирэ́ла тут, и ту хасёса пэ сарэ́ ве́ки.

Pritčy 14:16

Годо́ ману́ш дарэ́ла и дурьёла чорипна́стыр, нэ дылыно́ сы́гэс холясо́ла и зоралэ́с патя́ла дрэ пэ́стэ.

Psalmy 7:4

Раё Дэ́вла, Мро Дэ́вла, ко́ли мэ кэрдём вари-со дасаво, со исын начачипэ́н пэ мирэ́ васта́;

Džiibén 37:4

И дыкхнэ́ лэ́скирэ пша́ла, со лэ́нгиро дад ґаздэ́ла лэс буты́р лэ́скирэ сарэ́ндыр пшалэ́ндыр; и лынэ́ тэ на дыкхэ́н пэ лэ́стэ ласкаса, и на могиндлэ́ тэ ракирэ́н лэ́са илыткэс.

1 Ian 5:16

Ко́ли вари-кон бидыкхэла пэ́скирэ пшалэ́с, саво́ кэрэ́ла грэ́хо на кэ мэрибэ́н, мэк ёв тэ мангэ́лпэ Дэвлэ́скэ, и Ёв дэ́ла одолэ́скэ джиибэ́н. Дава́ исын ваш одолэ́нгэ, кон на кэрэ́ла грэ́хо кэ мэрибэ́н. Нэ исын грэ́хо кэ мэрибэ́н: и мэ на ракира́ва пал дава́, соб (кай) ёв тэ мангэ́лпэ Дэвлэ́скэ пал дасаво грэ́хо.

Jakov 2:20

Ци камэ́са ту тэ джинэ́с, нагодо ману́ш, со патяибэ́н би рэндэнгиро исын чхучо́ (пусто)?

Юдэ́нгэ 12:25

Дыкхэ́н, на отрисён криг Одолэ́стыр, Саво́ ракирэ́ла тумэ́нгэ. Ко́ли одолэ́ мануша́, савэ́ отрисинэ криг тэ шунэ́н Лэс, Саво́ ракирдя́ лэ́нгэ Болыбна́стыр пэ пхув, на мениндлэ ка́ра, тэды буты́р сарэ́стыр и амэ на менинаса ла, савэ́нгэ Ёв ракирэ́ла Болыбна́стыр:

Юдэ́нгэ 5:9

и ке́ли Христо́со кэрдя́ кэ ко́нцо / яго́ро (сполниндя) дава́ саро́, Ёв яця́ и тэ зракхэ́л манушэ́н пэ сарэ́ ве́ки, савэ́ кандэ́на Лэс,

1 Коринфянэнгэ 6:10

ни чора́, ни сквапныма́рья, ни матыма́рья, ни кошыбна́рья, ни праха́рья-лэ́нгэ на явэ́ла паш дро Кралипэ́н дро Болыбна́скиро Раё.

1 Коринфянэнгэ 6:6

Дыкхэ́н: пшал сэндинэлапэ пшалэса, и дава́ исын анги́л напатяибнаскирэндэ!

Apostolengiri Butý 5:27

И ёнэ яндлэ́ лэн и чхудэ́ анги́л Синедрионо. О пэ́рво раша́нгиро барыдыро́ пхуця́ лэ́ндыр, ракири́:

Joannostir 15:25

Нэ мэк тэ кэрэ́лпэ лав, саво́ исын чхиндло́ дро лэ́нгиро Зако́но: ‘Ёнэ бидыкхэна Ман ни палсо́’.

Joannostir 8:48

Пэ дава́ Юды пхэндлэ́ Лэ́скэ: “Ци на чачипэ́н амэ ракираса, со Ту сан Самарянино и на́лачхо ду́хо (фа́но) исын бэшто́ дрэ Ту́тэ?”

Joannostir 7:20

Мануша́ пхэндлэ́ дро отпхэныбэ́н: “Ци дава́ на́лачхо Ду́хо (Фа́но) исын дрэ Ту́тэ? Кон камэ́ла тэ мулякирэ́л Тут?”

Marko 15:1

И екха́тыр (сра́зу) пэ зло́ко, сыр яця́ дывэ́с, раша́нгирэ барыдыра́ годэпхурэнца и лылваритконэнца и саро́ Синедрионо пириракирдэ дава́ рэ́ндо, пхандлэ Исусо́с и лыджинэ́ Лэс кэ Пила́то.

Матфеё 25:41

Тэ́ньци Ёв пхэнэ́ла кодолэ́нгэ, савэ́ исын пэ зэ́рво (ле́во) васт Лэ́стыр: ‘Джа́н криг Ма́ндыр, прокошнэ, дрэ яг ве́чно, со исын скэдыны ваш налачхэскэ и лэ́скирэ Янголэнгэ:

Матфеё 23:33

Тумэ́ сан сапа, ро́до сапитко, сыр тумэ́нгэ тэ нашэ́н сэндостыр дро лю́но (адо)?

Матфеё 23:15

Бида тумэ́нгэ, дуемуитка лылвари́тка и Фарисе́и, со тумэ́ проджа́на мо́рё (дэрья́в) и пхув, соб (кай) тэ рискирэ́н екхэ манушэ́с тэ патял Наюдэндыр: и ке́ли ёв прилэ́ла лав, тэды кэрэ́на лэ́стыр кадасавэс, саво́ дрэ дуй мо́лы исын буты́р мол тэ джал дро лю́но (адо), сыр тумэ́ сан.

Матфеё 17:5

Ке́ли ёв ишчо (инкэ́) ракирдя́, акэ, святло о́блоко чхакирдя лэн, и, акэ, зан облокостыр, сави́ ракирдя́: “Кадава́ исын Миро Дро́го Чхаво́, дрэ Савэ́стэ исын Мири́ ра́дыма, Лэс шунэ́н.”

Матфеё 12:24

Нэ ке́ли Фарисе́и шундлэ́ дава́, ёнэ пхэндлэ́: “Кадава́ ману́ш традэ́ла налачхэ́ ду́хи екхэ Вельзэвулоскирэ зорья́са, саво́ исын хула́й пэ налачхэ́ ду́хи.”

Матфеё 10:17

Нэ ракхэ́нпэ манушэ́ндыр: пал-дова́ со явэ́на тэ здэн тумэн пэ сэ́ндо, и явэ́на тэ марэ́н тумэн чупняса дрэ лэ́нгирэ синагоги;

Авдиёс 1:12

Нэ ту́кэ на трэиндя́ тэ дыкхэ́с холямэс пала́л пал тырэ́ пшалэ́стэ дро дывэ́с, сыр лэнас лэс лэ́скирэ пхувья́тыр; и тэ на радынэспэ хасибнастыр Юда́скирэ-чхаворэнгирэндыр, и тэ на откэрэс бу΄глэс муй сабнаса дро дова́ бибахтало́ дывэ́с.

Дание́лё 3:19

Тэ́ньци о Навуходоносо́ро пхэрдия холя́са, э мина москири лэ́стэ парудяпэ пэ Шэдрахостэ, Мешахостэ и Авед-Негостэ, со ёв замангдя тэ хачкирэ́н бов дро эфта́ (битринэ́нгиро дэш) мо́лы зоралэды́р, сыр ґарэдыр росхачкирэнас лэс,

Дание́лё 3:13

Тэ́ньци Навуходоносо́ро дрэ холы́ и дро мижэхипэн пхэндя́ тэ янэ́н Шэдрахос, Мешахос и Авед-Негос. И яндлэ́ одолэ́ муршэ́н кэ кра́ли.

Roiben 3:52

Мирэ́ вэ́рги традэнаспэ пал ма́ндэ би-причынакирэ сы́рбы пал чириклятэ.

Ереме́ё 17:11

Сыр куропатка, сави́ бэшэ́ла пэ парнорэ, со ёй на чхудя́, адя́кэ-паць исын ману́ш, кон дорэсэ́ла барвалыпэ́н на пир чачипэ́н: дро са́мо машкира́л лэ́скирэ дывэса́ барвалыпэ́н мэкэ́ла лэс и дро ко́нцо (дро яго́ро) ёв явэ́ла дылыно́.

Pritčy 18:6

Дылынэскирэ ушта́ выкхарэна чинга́рд, и лэ́скиро муй лыджа́ла кэ марибэ́н.

Psalmy 92:6

О, Раё Дэ́вла! Савэ барэ́ исын рэ́нды (де́лы), со Ту кэрдя́н! Савэ хор исын Тырэ́ ду́мы!

Psalmy 69:4

Мэ кхиныём кэ мэнька годлыматыр ясвэ́нца, миро кирло шутия, дрэ мирэ́ якха́ калыя, сыр мэ ужакирава мирэ́ Дэвлэ́с.

Psalmy 49:10

соб (кай) ману́ш тэ дживэ́л пэ сарэ́ ве́ки и, соб (кай) ёв ние́кхвар тэ на джинэ́л мэрибэ́н.

Psalmy 35:19

Мэк мирэ́ вэ́рги тэ на радынэ́нпэ холя́са ма́ндыр, ке́ли исын намишто ма́нгэ, мэк одолэ́, савэ́ бидыкхэна ман, тэ на марэ́н якхаса пэ ма́ндэ.

Psalmy 25:3

Тэ на явэ́н адя́кэ-паць ладжакирдэ́ одолэ́, савэ́ рикирэ́на наде́я пэ Ту́тэ. Нэ тэ явэ́н ладжакирдэ́ одолэ́, савэ́ бунтуинэна би причынакиро.

Psalmy 14:1

Хоро́скирэ Дирижоро́скэ. Давидо́скиро Пса́лмо. Дылыно́ пхэндя́ пэ́скэ: “Нанэ Дэвлэ́с!” Мануша́ ячнэ́ розмэкнэ, ёнэ кэрдэ́ злыднитка рэ́нды: нанэ ние́кх, кон кэрэ́ла пир чачипэ́н.

Ниеми́я 5:8

И пхэндём лэ́нгэ: “Амэ выкиндям амарэ́ пшалэ́н, Юдэяскирэн, савэ́ сыс бикиндлэ народэнгэ, кицы́ амэ́ндэ сыс зор, а тумэ́, хачи, бикнэна тумарэ́ пшалэ́н, и ёнэ бикнэнапэ амэ́нгэ?” Ёнэ цытёнас (мол(ў)чынэнас) и на латхнэ́ отпхэныбэ́н.

2 Паралипоменоно 16:10

И росхолясыя Аса́ пэ магикостэ, и чхудя́ лэс дрэ бэшыбэн, адя́кэ сыр пал дава́ сыс дрэ холы́ пэ лэ́стэ; притасадя Аса́ и вари-савэ́н явирэ манушэ́н дрэ долэ́ дывэса́.

3 Kralip 21:4

И явдя́ кхэрэ́ Аха́во холямэ́ и киркэ мо́са далэ́ лавэ́стыр, со пхэндя́ лэ́скэ Навуфеё, саво́ сыс Изреельтянино, ракири́: “На отда́ва мэ ту́кэ мэкно́ миштыпэ́н мирэ́ дадэндыр.” И пасия́ ёв пэ пэ́скиро чхуибэ́н, и отрискирдя муй пэ́скиро, и маро́ на хая.

2 Kralip 16:7

Адя́кэ ракирдя́ Семеё, кошыи лэс: “Джа́ криг, джа пэскэ, замарибнари и прахари!”

2 Kralip 6:20

Ке́ли Дави́до рисия́, соб (кай) тэ бахтякирэ́л пэ́скиро кхэр, тэды э Мелхола, Саулоскири чхай, выгия́ лэ́скэ пэ стреч, и пхэндя́: “Сыр сыкадя́ пэс сарэ́ндыр ададывэ́с Израилёскиро кра́ли, сыкадя́ пэс ададывэ́с анги́л пэ́скирэ дынарицэнгирэ и дынарьенгирэ якха́, сыр сыкавэ́ла пэс вари-саво́ чхучо́/балвалитко ману́ш!”

Džiibén 37:8

И пхэндлэ́ лэ́скирэ пша́ла лэ́скэ: “Нау́што ту явэ́са ту хулаинэс амэ́нца? Ци нау́што ту, чачэс, явэ́са тэ раинэс пэ амэ́ндэ?” И бутэды́р лынэ́ тэ на вырикирэн лэс пал лэ́скирэ сунэ́ и лава́.

Яви́р Зако́но 16:18

Дрэ сарэ́ тырэ́ кхэра́, савэ́ Рай Дэвэ́л, Дэвэ́л тыро́, дэ́ла ту́кэ, чхув пэ́скэ сэндарьен и ракхибнарьен пир тырэ́ ро́дыцы, соб (кай) ёнэ тэ сэндякирэн манушэ́н чачунэ́ сэндоса;

2 Паралипоменоно 19:5

И чхудя́ сэндарье́н пэ пхув пир сарэ́ Юдэя́кирэ фо́рья зоралэ́ тынэ́нца, дро кажно фо́ро,

Luka 22:66

И ке́ли яця́ дывэ́с, годэпхурэ́ манушэ́ндыр, раша́нгирэ барыдыра́ и лылвари́тка скэдынэ́пэ, и лыджинэ́ Исусо́с анги́л пэ́скиро Синедрионо и пхэндлэ́:

Apostolengiri Butý 4:15

нэ ёнэ припхэндлэ Апостолэнгэ тэ джа́н яври́ Синедрионостыр, а кокорэ́ лынэ́ тэ обракирэн машки́р пэ́стэ,

Apostolengiri Butý 5:21

Сыр Апо́столы шундлэ́ дава́, ёнэ пэ зло́ко (ра́нко) явнэ́ дрэ Кхангири́ и сыклякирдэ́. Нэ, ке́ли пэ́рво раша́нгиро барыдыро́ кхэтанэ́ пэ́скирэ манушэ́нца явнэ́, ёнэ кэдынэ Синедрионо и сарэ́ годэпхурэн Израилёскирэ чхавэ́ндыр и бичхадя́ халадэ́н дро штарибэ́н, соб (кай) тэ янэ́н лэн.

Apostolengiri Butý 6:12

Лэ́нгэ удыяпэ хохаибнаса тэ подракирэн манушэ́н и годэпхурэн и лылваритконэн. Одолэ́ пынэ́ и ухтылдэ́ Стехванос, и лыджинэ́ лэс анги́л Синедрионо.

Apostolengiri Butý 6:15

Сарэ́, кон сыс бэшто́ дрэ Синедрионо, ракхунэс дыкхнэ́ пэ Стехваностэ, и дыкхнэ́, со муй лэ́скиро зяинэла сы́рбы муй Янголостэ.

Apostolengiri Butý 22:30

И пэ яви́р дывэ́с, ёв закамдя́ тэ джинэ́л, дрэ со Юды бангякирэнас лэс и ёв злыя́ лэ́стыр састыра́ и припхэндя́ ваш дава́ сарэ́ раша́нгирэ барылырэнгэ и сэндарьенгэ (Синедрионоскэ) тэ скэдэ́нпэ, и ке́ли яндя́ Павли́с, чхудя́ лэс анги́л лэ́ндэ.

Apostolengiri Butý 23:1

Па́вли дыкхця маму́й пэ манушэ́ндэ, савэ́ кэдынэпэ, и пхэндя́: “Мурша́лэ, пшала́лэ, дадолэ! Мэ лачхэ́ и чачунэ́ илэ́са дживдём пэ́скиро джиибэ́н анги́л Дэвлэ́стэ кэ/жы́ко ададывэсатуно дывэ́с.”

Apostolengiri Butý 24:20

ци мэк ёнэ кокорэ́ тэ пхэнэ́н, дрэ со ёнэ латхнэ́ мири́ банг, ке́ли мэ явдём анги́л сэндоскиро скэдыибэ́н,