Матфеё 5:19 - Библия - Пэ Балтитко Романи чиб (Романэс) 2019

¹⁹ Адя́кэ, ко́ли вари-кон отпарувэла хоць екх лав припхэныбнастыр и сыклякирэ́ла адя́кэ манушэ́н, одова́ явэ́ла най тыкнэды́р дро Кралипэ́н дро Болыбна́скиро Раё. Нэ кон кандэ́ла и кэрэ́ла пир лав, явэ́ла най барэды́р дро Кралипэ́н дро Болыбна́скиро Раё.

Biblija - Pe Baltitko Romani čib (Romanes) 2019

¹⁹ Adiáke, kóli vari-kon otparuvela xoc' jekh lav priphenybnastyr i sykliakiréla adiáke manušén, odová javéla naj tyknedýr dro Kralipén dro Bolybnáskiro Rajo. Ne kon kandéla i keréla pir lav, javéla naj baredýr dro Kralipén dro Bolybnáskiro Rajo.

Матфеё 5:19 Referans Kwoze

Яви́р Зако́но 12:32

Саро́, со мэ ракира́ва тумэ́нгэ, причхувэ́н зор тэ кэрэ́н; ту на причху́в кэ дова́ и на отлэ долэ́стыр.

Матфеё 28:20

сыклякирэ́н лэн тэ кэрэ́н саро́, со Мэ припхэндём тумэ́нгэ. И, акэ, Мэ сом тумэ́нца кэ векоскиро ко́нцо (яго́ро).”

Матфеё 11:11

Чачэс, Мэ ракира́ва тумэ́нгэ: нанэ барэды́р Иано́стыр Болдэипнаристыр машки́р одолэ́ндэ, савэ́н джувля́ биянэна, нэ най тыкнэды́р дро Болыбна́скиро Раё исын барэды́р Иано́стыр.

Psalmy 119:6

Тэ́ньци мэ на ява́ва ладжакирдо́, ке́ли мэ ява́ва тэ дыкха́в илэ́стыр пэ Тырэ́ припхэныбэна́.

Titoske 3:8

Дава́ лав исын патяибны́тко, и мэ кама́м, соб (кай) ту тэ ракирэ́с пал дава́ сарэ́ зорья́са дро ду́хо (фа́но) ваш дова́, соб (кай) одолэ́, савэ́ упатя́ндынэ дрэ Дэвлэ́стэ, причхувэ́н зор тэ кэрэ́н лачхэ́ рэ́нды. Дава́ саро́ исын лачхипэ́н и трэй манушэ́нгэ.

Дание́лё 12:3

И годьварэ́ явэ́на тэ зяинэн, сыр дуда (светилы) пэ болыбна́скиро сво́до, и кодолэ́, савэ́ рискирэна бутэн кэ чачипэ́н – сыр чэргэня́ дро ве́ко, пэ сарэ́ ве́ки.

Psalmy 119:128

Палдава́ мэ гиндём Тырэ́ упхэныбэна́ пир саро́, сыр най чачунэдыр: мэ бидыкхава какана́ начачуно дром.

Sykadyipén 2:20

Нэ Ма́ндэ исын вари-со проти ту́тэ: пал-дова́ со ту домэкэса, со ада́я джувлы́ Езавель, сави́ кхарэ́ла пэс пророчица, сыклякирэ́ла и затырдэла сы́рбы дрэ фэлы́ (петля) мирэ́ писхарье́н тэ дживэ́н джувле́нца би сэвлакиро, и тэ хан свэ́нто дыибэ́н (жэ́ртва) идолэ́нгэ.

Римлянэнгэ 6:15

И тэды, ци ява́са амэ тэ кэра́с грэ́хо, пал-дова́ со какана́ амэ сам на тэл Зако́но, а тэл бахталыпэ́н? Над.

Яви́р Зако́но 27:26

Прокошно́ явэ́ла ману́ш, саво́ на кэрэ́ла кэ ко́нцо/кэ яго́ро (на сполнинэла) лава́ сарэ́ Законо́скирэ, и на явэ́ла тэ кэрэ́л пир лэ́ндэ! И сарэ́ мануша́ пхэнэ́на: ами́нь.

1 Ximaske 6:11

Ту сан Дэвлы́тко ману́ш, наш далэ́ сарэ́стыр, ро́дэ чачипэ́н, ро́дэ тэ кэрэ́с лачхипэ́н, яв дро патяибэ́н, яв дрэ паты́в кэ яви́р мануша́, яв вырикирибнытко и ковлэ́-илытко.

Римлянэнгэ 6:1

Со ж амэ пхэна́са? Ци тэ ячаспэ амэ́нгэ дро грэ́хо, соб (кай) тэ барьёл Дэвлэ́скиро бахталыпэ́н?

1 Petr 5:4

И ке́ли явэ́ла Са́мо Барэды́р Пастырё (Чхупна́ри), Христо́со, тэды тумэ́ дорэсэ́на славакири коро́на, сави́ явэ́ла тэ зяинэл ве́чнэс.

Luka 11:42

Бида тумэ́нгэ, Фарисе́и; пал-дова́ со тумэ́ дэ́на дэ́што ме́ра мятатыр, рутатыр и кажнонэ́ чарьятыр, нэ тумэ́ на думинэ́на пал сэ́ндо и Дэвлэ́скири ла́ска; дава́ трэиндя́ тэ кэрэ́н и адя́кэ-паць тэ на бистрэн пал яви́р.

Матфеё 19:28

И Ису́со пхэндя́ лэ́нгэ: “Чачэс, Мэ ракира́ва тумэ́нгэ: тумэ́, савэ́ гинэ́ Ма́нца дро нэво́ свэ́то, саво́ Дэвэ́л кэрэ́ла, ке́ли бэшэ́ла Чхаво́ Манушэ́скиро пэ славу́тно престоло, тэды бэшэна адя́кэ-паць и тумэ́ пэ дэшуду́й троны, соб (кай) тэ сэндинэ́н дэшуду́й ро́ды Израилёскирэ.

1 Kralip 2:30

Палдава́ адя́кэ ракирэ́ла Рай Дэвэ́л, Рай Дэвэ́л Израилёскиро: ‘Мэ пхэндём тэды: ‘Тыро́ кхэр и тырэ́-дадэ́скиро кхэр явэ́на тэ псирэ́н анги́л Миро муй дро ве́ко.’ Нэ какана́ ракирдя́ Рай Дэвэ́л: ‘Мэк тэ на явэ́л адя́кэ, пал-дова́ со Мэ прославинава манушэ́н, савэ́ славинэна Ман, а кон на славинэла Ман, одолэ́ явэ́на ладжакирдэ́.

Римлянэнгэ 3:8

Со́скэ амэ́нгэ тэды дурэды́р тэ на кэра́с фуипэ́н, соб (кай) буты́р тэ барьёл лачхипэ́н, сыр вари-савэ́ мануша́ кошэна амэн и ракирэ́на, со амэ адя́кэ сыклякираса? Чачуно́ сэ́ндо явэ́ла пэ кадасавэ́ манушэ́ндэ.

Apostolengiri Butý 1:1

Дро пэ́рво лылвари́ кэ ту, Феофи́ле (Теофи́ле), мэ чхиндём пал саро́, со Ису́со кэрдя́ самонэ англыпна́стыр, и пал со Ёв сыклякирдя́,

Luka 9:48

и пхэндя́ лэ́нгэ: “Кон прилэ́ла кэ пэ екхэ́с адасавэ́ биято́с ваш Миро лав, одова́ и Ман прилэ́ла, а кон прилэ́ла Ман, одова́ прилэ́ла Одолэ́с, Кон бичхадя́ Ман, кон исын тыкнэды́р машки́р тумэ́ндэ, мэк тэ явэ́л ёв са́мо барэды́р.”

Luka 1:15

Пал-дова́ со ёв явэ́ла баро́ анги́л Растэ-Дэвлэ́стэ, и ёв на явэ́ла тэ пьел мол (вино) и зоралэ́ пибэна, и Свэ́нто Ду́хо (Фа́но) явэ́ла дрэ лэ́стэ ада́й жэ, сыр ёв бияндёла,

Матфеё 20:26

Мэк тэ на явэ́л адя́кэ машки́р тумэ́ндэ, нэ кон камэ́ла тэ явэ́л най барэды́р ману́ш машки́р тумэ́ндэ, мэк тэ явэ́л дына́ри (слуга) тумэ́нгэ;

1 Ian 3:4

Кажно (сва́ко) ману́ш, кон кэрэ́ла грэ́хи, кэрэ́ла проти Дэвлэ́скиро Зако́но; и грэ́хо исын дова́, ке́ли пхагирэна Зако́но.