Матфеё 5:18 - Библия - Пэ Балтитко Романи чиб (Романэс) 2019

¹⁸ Чачэс, Мэ ракира́ва тумэ́нгэ: пака на явэ́ла ко́нцо (яго́ро) болыбнаскэ и пхувьякэ, ни екх тыкны буквица ни чэрта буквакири на отлэлапэ Законо́стыр анги́л, сыр Зако́но тэ кэрэ́лпэ.

Biblija - Pe Baltitko Romani čib (Romanes) 2019

¹⁸ Čačes, Me rakiráva tuménge: paka na javéla kónco (jagóro) bolybnaske i phuvjake, ni jekh tykny bukvica ni čerta bukvakiri na otlelape Zakonóstyr angíl, syr Zakóno te kerélpe.

Матфеё 5:18 Referans Kwoze

Luka 16:17

Нэ сыгэды́р болыбэ́н и пхув проджа́на, сыр екх тыкны буквица (литэрка) Законо́стыр нашадёла.

Isajos 40:8

Чар зашутёла, лулуди́ зашутёла, а лав амарэ́ Ра́скирэ-Дэвлэ́скиро ячэ́лапэ ве́чнэс.”

1 Petr 1:25

Нэ Дэвлэ́скиро лав ячэ́лапэ пэ сарэ́ ве́ки.” Адава́ исын дова́ лав, саво́ пхэндяпэ тумэ́нгэ.

Marko 13:30

Чачэс, Мэ ракира́ва тумэ́нгэ: на проджа́ла дава́ манушы́тко ро́до, пака саро́ дава́ кэрэ́лапэ кэ ко́нцо/кэ яго́ро (сполнинэлапэ).

Isajos 51:6

Ѓаздэн тумарэ́ якха́ кэ болыбэ́н и подыкхэн тэлэ́ пэ пхув: болыбэ́н хасёла сыр тхув, а пхув кэрлапэ сыр пхураны и́дя, мануша́ пэ ла́тэ вымэрэна, а Миро зракхибэ́н исын ве́чно; чачипэ́н Миро на хасёла.

Sykadyipén 20:11

И мэ дыкхцём баро́ парно́ троно и Екхэ́с, Кон сыс бэшто́ пэ лэ́стэ. Пхув и болыбэ́н нашэнас криг Лэ́скирэ мо́стыр и штэ́то на сыс латхно лэ́нгэ.

Psalmy 102:26

Ту чхудя́н пхув ґарым-ґара́, Ту создыян болыбэ́н Пэ́скирэ вастэ́нца:

Joannostir 5:19

Нэ Ису́со пхэндя́ лэ́нгэ: “Чачэс, чачэс, Мэ ракира́ва тумэ́нгэ: Чхаво́ нисо́ нашты́ тэ кэрэ́л Кокоро́ Пэ́стыр, ко́ли Ёв тэ на дыкхэ́л, со кэрэ́ла Дад, пал-дова́ со дова́, со Дад кэрэ́ла, дова́-паць кэрэ́ла и Чхаво́.

Матфеё 17:20

И ракирэ́ла Ёв лэ́нгэ: “Пал-дова́ со тумаро́ патяибэ́н исын назорало; палдова́, чачэс, Мэ ракира́ва тумэ́нгэ: ко́ли явэ́ла тумаро́ патяибэ́н сыр гарчычно зя́рка, тэды пхэнэ́на бэргакэ ‘тэ джал одотхы́р адари́к ‘и джа́ла; и тумэ́ могинэ́нас саро́.

Матфеё 16:28

Чачэс, Мэ ракира́ва тумэ́нгэ: ада́й исын вари-савэ́ мануша́, савэ́ на мэрэ́на, ко́ли анги́л явэ́на тэ дыкхэ́н Чхавэ́с Манушэ́скирэ, саво́ явэ́ла сыр Кра́ли дро Кралипэ́н Пэ́скиро.”

Матфеё 13:17

Чачэс, Мэ ракира́ва тумэ́нгэ: бут проро́ки и чачунэ́ мануша́ камлэ́ древа́н тэ дыкхэ́н дова́, со тумэ́ дыкхэ́на, и на дыкхнэ́, и тэ шунэ́н дова́, со тумэ́ шунэ́на, и на шундлэ́.

Матфеё 10:23

И ке́ли явэ́на тэ традэ́н тумэн дро екх фо́ро, нашэ́н дро яви́р; пал-дова́ со Мэ, чачэс, ракира́ва тумэ́нгэ: на кончынэна тумэ́ тэ обджан сарэ́ фо́рья Израилёскирэ, сыр явэ́ла Чхаво́ Манушэ́скиро.

Матфеё 6:2

Нэ ко́ли ту дэ́са одолэ́нгэ, савэ́ндэ исын трэ́бима, на пхурдэ зоралэ́с шарибнаса дро ро́го (труба) анги́л пэ́стэ, сыр кэрэ́на дуемуитка мануша́ дрэ синагоги и пэ вули́цы (га́сы), соб (кай) тэ славинэ́н лэн мануша́. Чачэс, ракира́ва тумэ́нгэ: ёнэ ужэ дорэснэ́ пэ́скиро отдыибэ́н.

Матфеё 5:26

Чачэс, Мэ ракира́ва ту́кэ: ту на выджаса одотхы́р, пака ту отдэса кэ най тыкнэды́р ґасприн’

Psalmy 119:152

Ѓара мэ уджиндём Тырэ́ допхэныбнэндыр, со Ту учхудян лэн пэ сарэ́ ве́ки.

Joannostir 21:18

Чачэс, чачэс Мэ ракира́ва ту́кэ: ке́ли ту са́нас тэрно́, ту кокоро́ урьявэсаспэ и псирдян, карик ту камдян; нэ ке́ли ту ячэса пхурано́, тэды протырдэса пэ́скирэ васта́, и яви́р ману́ш урьявэла тут и лыджа́ла, карик ту на камэ́са.”

Joannostir 16:23

И дро одова́ дывэ́с тумэ́ на пхучэна Ма́ндыр ни пал со. Чачэс, чачэс Мэ ракира́ва тумэ́нгэ: пал со тумэ́ тэ на мангэ́н Дадэ́с Мирэ́ лавэ́стыр, Ёв дэ́ла тумэ́нгэ.

Joannostir 16:20

Чачэс, чачэс ракира́ва Мэ тумэ́нгэ: тумэ́ явэ́на тэ ровэ́н и тэ пиридживэн, нэ свэ́то явэ́ла тэ радынэ́лпэ; тумэ́ явэ́на тэ смэнтнинэн (тэ тугинэн), нэ тумари́ смэнтныма ячэ́ла радыма́са.

Joannostir 14:12

Чачэс, чачэс Мэ ракира́ва тумэ́нгэ: Одова́, кон патя́ла дрэ Ма́ндэ, явэ́ла тэ кэрэ́л дасавэ́-паць рэ́нды, со и Мэ кэра́ва и буты́р одолэ́ рэндэ́ндыр ёв кэрэ́ла; пал-дова́ со Мэ джа́ва кэ Миро Дад.

Joannostir 13:38

Ису́со отпхэндя́ лэ́скэ: “Чхувэ́са ило́ пэ́скиро пал Ма́ндэ? Чачэс, чачэс Мэ ракира́ва ту́кэ: на пробагала башно, сыр ту трин мо́лы отпхэнэсапэ Ма́ндыр.”

Joannostir 13:16

Чачэс, чачэс Мэ ракира́ва тумэ́нгэ: дына́ри исын на барэды́р пэ́скирэ Ра́стыр, и одова́, кон бичхадо́, нанэ барэды́р одолэ́стыр, Кон бичхадя́ лэс.

Joannostir 12:24

Чачэс, чачэс Мэ ракира́ва тумэ́нгэ: ко́ли марэскири зя́рка, со пыя́ дрэ пхув, на мэрэ́ла, тэды ёй ячэ́лапэ екх; нэ ко́ли мэрэ́ла, тэды янэ́ла бут барьякирдэ́ (пло́ды).

Joannostir 10:7

И Ису́со нэвэ́стыр пхэндя́ лэ́нгэ: “Чачэс, чачэс Мэ ракира́ва тумэ́нгэ, со Мэ сом вуда́р ваш бакрэнгэ.

Joannostir 10:1

“Чачэс, чачэс, Мэ ракира́ва тумэ́нгэ: одова́, кон заджа́ла дрэ бакраны грэ́да (дво́ро) на пир вуда́р, а заджа́ла явирэ дромэ́са, кодова́ исын чор и розмарибнари;

Joannostir 8:58

Ису́со пхэндя́ лэ́нгэ: “Чачэс, чачэс Мэ ракира́ва тумэ́нгэ: англэды́р, сыр бия́ндыя Авраа́мо, Мэ со́мас.”

Joannostir 8:51

Чачэс, Чачэс Мэ ракира́ва тумэ́нгэ: кон зракхэ́ла Миро лав, одова́ на дыкхэ́ла мэрибэ́н ние́кхвар.”

Joannostir 8:34

Ису́со отпхэндя́ лэ́нгэ: “Чачэс, чачэс, Мэ ракира́ва тумэ́нгэ: кажно, кон кэрэ́ла грэ́хо, одова́ кокоро́ исын дына́ри грэхоскэ.

Joannostir 6:53

Ису́со пхэндя́ лэ́нгэ: “Чачэс, чачэс Мэ ракира́ва тумэ́нгэ: ко́ли тумэ́ на явэ́на тэ хан Манушэ́скирэ-Чхавэскири лоч и на явэ́на тэ пьен Лэ́скиро рат, тэды тумэ́ндэ на явэ́ла джиибэ́н дрэ пэ́стэ.

Joannostir 6:47

Чачэс, чачэс Мэ ракира́ва тумэ́нгэ: одова́, кон патя́ла дрэ Ма́ндэ, кодолэ́скэ дэ́лапэ ве́чно джиибэ́н’.

Joannostir 6:32

Ису́со пхэндя́ лэ́нгэ: “Чачэс, Мэ ракира́ва тумэ́нгэ: дава́ исын на Мо́йза (Моисеё) дыя́ маро́ тумэ́нгэ Болыбна́стыр, а Миро Дад дэ́ла тумэ́нгэ чачуно́ маро́ болыбна́стыр.

Joannostir 6:26

Ису́со пхэндя́ лэ́нгэ дро отпхэныбэ́н: “Чачэс, Мэ ракира́ва тумэ́нгэ: тумэ́ родэ́на Ман на палдова́, со дыкхнэ́ ди́вы, а пал-дова́, со тумэ́ ханэ́ маро́ и чалынэ.

Joannostir 3:11

Чачэс, Мэ чачэс ракира́ва ту́кэ: амэ ракираса пал дова́, со амэ джина́са, и допхэнаса пал дова́, со амэ дыкхцям; а тумэ́ мануша́, со на приґалёна амаро́ допхэныбэ́н.

Joannostir 3:5

Ису́со отпхэндя́: “Чачэс, чачэс, Мэ ракира́ва ту́кэ: ко́ли кон на бияндёла пане́стыр и Духо́стыр (Фаностыр), ёв нашты́ тэ заджа́л дро Кралипэ́н дро Дэвлэ́скиро Раё.

Joannostir 3:3

Ису́со дро отпхэныбэ́н пхэндя́ лэ́скэ: “Чачэс, чачэс Мэ ракира́ва ту́кэ: кон на бияндёла нэвэ́стыр, на дыкхэ́ла Кралипэ́н дро Дэвлэ́скиро Раё.”

Joannostir 1:51

И Ёв пхэндя́ лэ́скэ: “Чачэс, чачэс, Мэ ракира́ва тумэ́нгэ: тумэ́ дыкхэ́на отчхакирдо (псирадо) болыбэ́н и Дэвлэ́скирэ Янголэн, савэ́ явэ́на тэ ґаздэ́нпэ кэ Манушэ́скиро Чхаво́ и тэ джа́н тэлэ́ кэ Ёв!”

Luka 23:43

Ису́со пхэндя́ Лэ́скэ: “Чачэс, Мэ ракира́ва ту́кэ: ададывэ́с ту явэ́са Ма́нца дро Болыбна́скиро Раё.”

Luka 18:29

И пхэндя́ Ису́со: “Чачэс, Мэ ракира́ва тумэ́нгэ: нанэ никонэ́с (нанэ нико́н), кон ячкирдя́ кхэр, ци дадэ́с, ци да, ци чхаворэ́н, ци ромня́ ваш Дэвлэ́скэ,

Luka 18:17

Чачэс, Мэ ракира́ва тумэ́нгэ: кон на прилэ́ла Кралипэ́н дро Болыбна́скиро Раё адя́кэ, сыр адава́ бия́то, одова́ на заджа́ла дро Кралипэ́н.”

Luka 13:35

Ѓа́да, кхэр тумаро́ явэ́ла мэкно́ чхучо́ тумэ́нгэ; и Мэ ракира́ва тумэ́нгэ: тумэ́ на явэ́на тэ дыкхэ́н Ман кадалэ́ дывэсэ́стыр, пака тумэ́ на пхэнэ́на: “Бахтякирдо́ исын Одова́, Саво́ джа́ла ваш Дэвлэ́скиро лав.”

Luka 12:37

Бахталэ́ исын одолэ́ дына́рья, конэ́с хула́й латхэ́ла, со ёнэ на сутэ́; чачэс, Мэ пхэна́ва тумэ́нгэ, со хула́й приготовинэлапэ и бэшлякирэла лэн пал сками́нд тэ откхинён; и джа́ла кэ ёнэ и ячэ́ла тэ подэл лэ́нгэ.

Luka 11:51

Авелёскирэ ратэстыр кэ Захариёскиро рат, савэ́с замардэ́ машки́р алта́рё и Кхангирья́кири паш; чачэс, Мэ, ракира́ва тумэ́нгэ: явэ́ла пхучно, сыр трэй далэ́ родо́стыр.

Marko 14:30

Тэды ракирэ́ла Лэ́скэ Ису́со: “Чачэс, Мэ ракира́ва Ту́кэ, со ададывэ́с бэльвэлякиро, анги́л дова́, сыр башно пробагала дуй мо́лы, ту трин мо́лы отпхэнэсапэ Ма́ндыр.”

Marko 14:25

“Чачэс, Мэ ракира́ва тумэ́нгэ: Мэ на ява́ва тэ пья́в буты́р аплодо винаградоскирэ хрустостыр анги́л дова́ дывэ́с, ке́ли Мэ ява́ва тэ пья́в нэви́ мол (вино) дро Дэвлэ́скиро Кралипэ́н.”

Marko 14:18

И ке́ли ёнэ сыс бэштэ́ пал сками́нд и ханас, Ису́со пхэндя́: “Чачэс, Мэ ракира́ва тумэ́нгэ: екх тумэ́ндыр здэла Ман, саво́ ха́ла Ма́нца.”

Marko 14:9

Чачэс, Мэ ракира́ва тумэ́нгэ: кай бы тэ на явэ́л тэ пхэнэлпэ лав далэ́ Евангелиятыр пир саро́ свэ́то, дро рипирибэ́н пал адалятэ джувля́тэ явэ́на тэ ракирэ́н пал дова́, со ёй кэрдя́.”

Marko 12:43

Ёв кхардя́ Пэ́скирэ Сыкляибнытконэ́н и пхэндя́: “Чачэс, Мэ ракира́ва тумэ́нгэ: ада́я чорори пивлы чхудя́ буты́р сарэ́ндыр, савэ́ чхувэ́нас дрэ тыкнори,

Marko 11:23

Чачэс ракира́ва тумэ́нгэ: “Ко́ли кон припхэнэла далякэ бэргакэ: ‘Ѓаздэпэ и чхурдэпэ дро пани́’ и, ко́ли тумэ́ на явэ́на тэ кунинэнпэ дро тумаро́ ило́, и явэ́на тэ патя́н, со явэ́ла дова́, со ёв ракирэ́ла, тэды Дэвэ́л сполнинэла ваш адалэ́ манушэ́скэ.

Marko 10:29

Ису́со пхэндя́: “Чачэс, Мэ ракира́ва тумэ́нгэ: Нанэ никонэ́с, кон ячкирдя́ кхэр, ци пшалэ́н, ци пхэнен, ци дадэ́с, ци да, ци чхаворэ́н, ци фэ́лды ваш Ма́нгэ и ваш Ева́нгелия,

Marko 10:15

Чачэс, ракира́ва тумэ́нгэ: кон на прилэ́ла Кралипэ́н дро Дэвлэ́скиро Раё, адя́кэ сыр дава́ бия́то, одова́ на заджа́ла дро Кралипэ́н.’”

Marko 9:41

Ко́ли вари-кон дэ́ла тумэ́нгэ тахта́й (чаша) шылалэ пане́са, ваш Миро лав, пал-дова́ со тумэ́ сан Христосо́скирэ, чачэс Мэ ракира́ва тумэ́нгэ: ёв на хасякирэ́ла отдыибэ́н Дэвлэ́стыр.

Marko 9:1

И Ёв ракирдя́ лэ́нгэ: “Чачэс, Мэ ракира́ва тумэ́нгэ: ада́й исын тэрдэ́ вари-савэ́, савэ́ на мэрэ́на, пака ёнэ дыкхэ́на, сыр явэ́ла Дэвлэ́скиро Кралипэ́н дрэ сари́ Лэ́скири зор.”

Marko 8:12

Ису́со хор дыя́ ґондя́ и пхэндя́: “Палсо́ адалэ́ мануша́ трэбинэна ди́вы? Ракира́ва тумэ́нгэ чачипэ́н: ни сави́ ґерты́к тумэ́нгэ на явэ́ла.”

Marko 6:11

и ко́ли тумэн на прилэ́на, ци на закамэна тэ шунэ́н, тэды джа́н яври́, стринскирэн бла́та тумарэ́ ґэрэндыр сыр допхэныбэ́н ваш лэ́нгэ.”

Marko 3:28

Чачэс, Мэ ракира́ва тумэ́нгэ: ‘Сарэ́ грэ́хи и чорэ́ лава́ отмэкэнапэ манушэ́скэ, савэ́ ёв на’ пхэнэлас;

Матфеё 25:45

Тэды Ёв отпхэнэ́ла лэ́нгэ, пхэни́: ‘Чачэс, Мэ ракира́ва тумэ́нгэ: ‘Сыр тумэ́ на кэрдэ́ дава́ Мирэ́ пшалэ́нгэ, савэ́ндэ нанэ дасави́ зор, тумэ́ на кэрдэ́ и Ма́нгэ.’

Матфеё 25:40

И отпхэнэ́ла лэ́нгэ Кра́ли: ‘Чачэс, ракира́ва тумэ́нгэ: ‘Дова́, со тумэ́ кэрдэ́ дава́ Мирэ́ пшалэ́нгэ, савэ́ндэ нанэ дасави́ зор, тумэ́, хай, кэрдэ́ Ма́нгэ.’

Матфеё 25:12

нэ Ёв отпхэнэ́ла лавэ́нца: ‘Чачэс, Мэ ракира́ва тумэ́нгэ, Мэ на джино́м тумэн.’

Матфеё 24:47

Чачэс, Мэ ракира́ва тумэ́нгэ: ёв дэ́ла лэ́скэ зор пэ саро́ лэ́скиро миштыпэ́н.

Матфеё 24:2

Ёв ракирэ́ла лэ́нгэ адя́кэ: “Дыкхэ́на дава́ саро́? Чачэс, Мэ ракира́ва тумэ́нгэ: на ячэ́лапэ ада́й ни екх бар пэ бар, саво́ тэ на явэ́л пхагирдо́.”

Матфеё 23:36

Чачэс, Мэ ракира́ва тумэ́нгэ: кадай сари́ ка́ра явэ́ла пэ дава́ ро́до.

Матфеё 21:31

Кон дуендыр кэрдя́ пир дадэ́скири во́ля?” Ёнэ ракирна: “Пэ́рво.” Раки́рла лэ́нгэ Ису́со: “Чачэс, Мэ ракира́ва тумэ́нгэ: ‘Мытоскирэ скэдыибнарья и биладжакунэ́ джувля́ заджа́на дро Дэвлэ́скиро Кралипэ́н англэды́р тумэ́ндыр.

Матфеё 21:21

И Ису́со отпхэндя́ лэ́нгэ: “Чачэс, Мэ ракира́ва тумэ́нгэ: ко́ли явэ́ла тумэ́ндэ патяибэ́н и тумэ́ на кунинэнапэ, то кэрэ́на на со екх инжыритконэ каштэса, со сыс лэ́са, а, ко́ли пхэнэ́на далэ́ бэргакэ: ‘Джа́ штэто́стыр и чхурдэпэ дро мо́рё (дэрья́в), и явэ́ла’,

Матфеё 19:28

И Ису́со пхэндя́ лэ́нгэ: “Чачэс, Мэ ракира́ва тумэ́нгэ: тумэ́, савэ́ гинэ́ Ма́нца дро нэво́ свэ́то, саво́ Дэвэ́л кэрэ́ла, ке́ли бэшэ́ла Чхаво́ Манушэ́скиро пэ славу́тно престоло, тэды бэшэна адя́кэ-паць и тумэ́ пэ дэшуду́й троны, соб (кай) тэ сэндинэ́н дэшуду́й ро́ды Израилёскирэ.

Матфеё 19:23

И пхэндя́ Ису́со Пэ́скирэ сыкляибнытконэ́нгэ: “Чачэс, Мэ ракира́ва тумэ́нгэ: пхаро́ явэ́ла барвалэскэ тэ заджа́л дро Кралипэ́н дро Болыбна́скиро Раё;

Матфеё 18:18

Чачэс, Мэ ракира́ва тумэ́нгэ, со тумэ́ припхэнэна пэ пхув тэ на кэрэ́н, явэ́ла припхэндло дро Болыбна́скиро Раё; и со тумэ́ домэкэна пэ пхув, явэ́ла домэкно дро Болыбна́скиро Раё.

Матфеё 18:3

и пхэндя́: “Чачэс, Мэ ракира́ва тумэ́нгэ: ко́ли тумэ́ на парудёна и на ячэ́на сыр бияты, тумэ́ никели на заджа́на дро Кралипэ́н дро Болыбна́скиро Раё.

Матфеё 11:11

Чачэс, Мэ ракира́ва тумэ́нгэ: нанэ барэды́р Иано́стыр Болдэипнаристыр машки́р одолэ́ндэ, савэ́н джувля́ биянэна, нэ най тыкнэды́р дро Болыбна́скиро Раё исын барэды́р Иано́стыр.

Матфеё 10:42

И вари-кон, кон дэ́ла хоць тахта́й (чаша) шылало пани́ екхэ́скэ адалэ́ тыкнэндыр сыр сыкляибнытконэскэ, чачэс, Мэ ракира́ва тумэ́нгэ: ёв на хасякирэ́ла пэ́скиро отдыибэ́н.”

Матфеё 10:15

Чачэс, Мэ ракира́ва тумэ́нгэ: локхэды́р явэ́ла манушэ́нгэ Содомостыр и Гомора́тыр дро дывэ́с, ке́ли Дэвэ́л явэ́ла тэ сэндинэл, сыр кадалэ́ фороскэ.

Матфеё 8:10

И сыр Ису́со шундя́ дава́, дивиндяпэ и пхэндя́ манушэ́нгэ, савэ́ гинэ́ пал Лэ́стэ: “Чачэс, Мэ пхэна́ва тумэ́нгэ: Мэ на латхём дасаво патяибэ́н и дро Израилё.

Матфеё 6:16

Ке́ли тумэ́ постинэна, на кэрэ́н рондлэ́ муя́, сыр кэрэ́на дуемуитка, пал-дова́ со ёнэ гаравэна пэ́скирэ чачунэ́ муя́, соб (кай) мануша́ тэ дыкхэ́н, со ёнэ постинэна. Чачэс, Мэ ракира́ва тумэ́нгэ: ‘Ёнэ ужэ дорэснэ́ пэ́скиро отдыибэ́н.’

Luka 4:24

И Ису́со пхэндя́ лэ́нгэ: “Чачэс, Мэ ракира́ва тумэ́нгэ: Мануша́ на кутякирэна ни савэ́ пророко́с пэ пэ́скири пхув,

Psalmy 111:8

ёнэ чхудэ́ кхэтанэ́ пэ сарэ́ ве́ки, ёнэ дынэ́ пир патяибэ́н и чачипэ́н.

Isajos 44:26

Мэ, Дэвэ́л, Саво́ дэ́ла зор лавэ́скэ, со пхэндя́ Миро писха́ри, Саво́ кэрэ́ла пир лава́, со пхэнэ́на бичхадэ́ мануша́ Лэ́скэ, Саво́ ракирэ́ла кэ Ерусалимо: “Явэ́на тэ дживэ́н дрэ ту́тэ”, – и кэ фо́рья Юда́скирэ: “Тумэ́ на явэ́на буты́р роспхагирдэ́, Тумэ́ явэ́на нэвэ́стыр чхудэ́, и Мэ нэвякирава тумарэ́ руи́ны.”