Матфеё 4:23 - Библия - Пэ Балтитко Романи чиб (Романэс) 2019

²³ И Ису́со псирэлас пир сари́ Галиле́я, сыклякири манушэ́н пал Дэвлэ́стэ дрэ лэ́нгирэ синагоги и пхэни́ бахталы́ зан (звесь) пал Кралипэ́н и састякири кажно насвалыпэн и дукх дрэ манушэ́ндэ.

Biblija - Pe Baltitko Romani čib (Romanes) 2019

²³ I Isúso psirelas pir sarí Galiliéia, sykliakiri manušén pal Devléste dre léngire sinagogi i phení bahtalý zan (zvies') pal Kralipén i sastiakiri kažno nasvalypen i dukh dre manušénde.

Матфеё 4:23 Referans Kwoze

Матфеё 9:35

И псирэлас Ису́со пир фо́рья и гава́, сыклякири дрэ лэ́нгирэ синагоги Дэвлэ́скири бахталы́ зан (звесь) и састякирдя кажно насвалыпэн и дукх дрэ манушэ́ндэ.

Marko 1:39

И Ёв пхэнэлас лав пал Дэвлэ́стэ дрэ синагоги пир сари́ Галиле́я, и традэлас яври́ налачхэ́ ду́хи (фаны).

Apostolengiri Butý 10:38

пал Исусо́стэ Назаретостыр: сыр Дэвэ́л дыя́ Свэ́нто Ду́хо (Фа́но) Лэ́скэ и зор, и, сыр Ёв псирдя́ пир сари́ пхув, кэрдя́ лачхипэ́н и састякирдя сарэ́н, савэ́ндэ сыс налачхэскири зор, пал-дова́ со Дэвэ́л сыс Лэ́са.

Luka 7:22

И отпхэндя́ Ису́со лэ́нгэ: “Джа́н и пирипхэнэн Ианоскэ, со тумэ́ дыкхнэ́ и шундлэ́: корорэ́ мануша́ дыкхэ́на нэвэ́стыр и лангалэ псирэ́на: проказытка ячэ́на жужэ́, и кашукэ мануша́ шунэ́на, мулэ́ отджидёна, и бо́ги роспхэнэна бахталы́ зан (звесь);

Матфеё 11:5

Корорэ́ мануша́ дыкхэ́на нэвэ́стыр и лангалэ псирэ́на; проказытка ячэ́на жужэ́, и кашукэ мануша́ шунэ́на, мулэ́ отджидёна, и богэнгэ пхэнэ́лапэ бахталы́ зан (звесь);

Матфеё 13:54

И сыр Ёв явдя́ дро Пэ́скиро фо́ро, сыклякирдя́ лэн дрэ синагога адя́кэ, со ёнэ древа́н дивиндлэ́пэ, ракири́: “Каты́р адалэ́ манушэ́стэ исын дасаво годыпэ́н и зоралыпэ́н?

Marko 1:21

И ке́ли ёнэ явнэ́ дро Капернаумо, Ису́со екха́тыр (сра́зу), дро пэ́рво са́вато (субо́та), гия́ дрэ синагога тэ сыклякирэ́л.

Psalmy 103:3

Рай Дэвэ́л примангэла саро́ миро чорипэ́н, Ёв высастякирэла сарэ́ мирэ́ дукха́.

Римлянэнгэ 10:15

Нэ сыр вари-кон явэ́ла тэ пхэнэ́л лав лэ́нгэ, ко́ли ёв на явэ́ла бичхадо́? Сыр исын чхиндло́ пал дава́: “Савэ бахталэ́ исын ґэра́ одолэ́ манушэ́нгирэ, савэ́ псирэ́на пир свэ́то и роспхэнэна бахталы́ зан пал рама́нё, пал Лэ́скирэ лачхэ́ рэ́нды.”

Luka 8:1

Пало́ (после) дава́ Ису́со псирдя́ форо́стыр дро яви́р фо́ро, гавэстыр дро яви́р гав; Ёв пхэнэлас лав и миштопхэнэлас манушэ́нгэ пал Кралипэ́н дро Дэвлэ́скиро Раё; сыс Лэ́са дэшуду́й сыкляибны́тка;

Marko 6:2

Ке́ли явдя́ са́вато (субо́та), Ёв лыя́ тэ сыклякирэ́л дрэ синагога; сарэ́ шундлэ́ Лэс и дивиндлэ́пэ: “Каты́р Лэ́стэ саро́ дава́ исын? Каты́р исын дасави́ бари годы́? Сыр Ёв кэрэ́ла дасавэ́ ди́вы Пэ́скирэ вастэ́нца!

Матфеё 24:14

И явэ́ла тэ пхэнэлпэ бахталы́ зан (звесь) пал Дэвлэ́скиро Кралипэ́н пир саро́ свэ́то сыр допхэныбэ́н ваш сарэ́ на́цыи; и тэды явэ́ла ко́нцо (яго́ро)!

Матфеё 12:9

И пиригии пэ яви́р штэ́то, Ису́со явдя́ дрэ лэ́нгири синагога.

Joannostir 18:20

Ису́со отпхэнэ́лас лэ́скэ: “Мэ ракирдём маму́й (прямэс) анги́л сарэ́ндэ; Мэ ўса́ды (сак) сыклякирдём дрэ синагога и дрэ Кхангири́, одо́й, кай сарэ́ Юды скэдэ́напэ, и Мэ чораханэ́с нисо́ на ракирдём;

Luka 13:10

И Ёв сыклякирдя́ дрэ екх синагога дро са́вато.

Luka 9:11

Ке́ли мануша́ шундлэ́ пал дава́, ёнэ гинэ́ пал Лэ́стэ, и Ису́со прилыя́ лэн и ракирдя́ лэ́нца пал Дэвлэ́скиро Кралипэ́н дро Болыбна́скиро Раё и высастякирэлас кодолэ́н, савэ́нгэ састякирибэн трэиндя́.

Luka 5:17

Екхвар, ке́ли Ёв сыклякирэлас и сыс бэштэ́ одо́й Фарисе́и и Законо́скирэ сыклякирибнарья, савэ́ явнэ́ сарэ́ штэтэ́ндыр Галилеятыр и Юдэя́тыр и Ерусалимо́стыр, а Дэвлэ́скири зор сыс Исусо́стэ тэ высастякирэл насвалэн,

Marko 6:6

Ёв дивиндяпэ долэ́стыр, со дрэ лэ́ндэ нанэ патяибэ́н. И Ёв яця́ тэ псирэ́л пир пашатунэ́ гава́ тэ сыклякирэ́л.

Marko 3:10

Пал-дова́, со Ёв высастякирдя́ бут манушэ́н, сарэ́, савэ́ндэ сыс насвалыпэна (фра́нсы), чхурдэнаспэ кэ Ёв, соб (кай) тэ чилавэн Лэс.

Marko 1:14

Пало́ дова́, сыр Иа́но сыс закэдыно, явдя́ Ису́со дрэ Галиле́я, роспхэни лав пал Евангелиякиро бахталыпэ́н пал Дэвлэ́стэ,

Psalmy 74:8

Ёнэ пхэндлэ́ дро пэ́скиро ило́: “Явэ́н, хасякираса саро́ кхэтанэ́”: ёнэ захачкирдэ сарэ́ штэ́ты пэ пхув, кай мануша́ скэдэ́напэ ваш Дэвлэ́скэ.

Apostolengiri Butý 20:25

И какана́, ґа́да, мэ джино́м, со буты́р тумэ́ на дыкхэ́на ман сарэ́, конэса мэ со́мас кхэтанэ́ и конэ́скэ мэ пхэндём лав пал Дэвлэ́скиро Кралипэ́н.

Apostolengiri Butý 18:4

И кажно са́вато (субо́та) ёв ракирдя́ дрэ синагога и допхэнэлас, сыр Юдэ́нгэ, адя́кэ и Грекэ́нгэ (Баламэ́нгэ).

Joannostir 6:59

Дава́ Ёв ракирдя́ дрэ синагога, ке́ли сыклякирдя́ дро Капернаумо.

Luka 10:9

састякирэн насвалэн, савэ́ исын дро кхэр, и ракирэ́н лэ́нгэ: ‘Дэвлэ́скиро Кралипэ́н явдя́ пашылэды́р кэ тумэ́’.

Luka 6:17

Ке́ли Ису́со змэкцяпэ бэрга́тыр кхэтанэ́ Апостолэнца, Ёв тэрдия́ пэ роўно (во́рто) штэ́то кхэтанэ́ Лэ́скирэ сыкляибнытконэ́нца; и сыс бут мануша́ Юдэя́тыр и Ерусалимо́стыр, Тироскирэ и Сидоноскирэ штэтэ́ндыр, савэ́ сыс пашы́л мо́рё (дэрья́в):

Матфеё 14:14

И сыр Ёв гия́ анги́л, дыкхця́ бут манушэ́н; и Ёв потангиндя лэн и высастякирдя́ насвалэн.

Матфеё 13:19

Ке́ли вари-кон, кон шунэ́ла лав пал Дэвлэ́скиро Кралипэ́н, и на ґалёла, тэды явэ́ла на́лачхо и чорэла лэ́скирэ илэ́стыр кодова́, со сыс почхудо: кадасаво́ ману́ш исын сы́рбы зя́рка, сави́ сыс чхуды́ пашы́л дром.

Матфеё 3:2

и раки́рла: “Приґалён пэ́скирэ грэ́хи (бизы), какана́ явдя́ пашылэды́р Кралипэ́н дро Болыбна́скиро Раё.”

Joannostir 7:1

Пало́ дава́ Ису́со псирдя́ пир Галиле́я, нэ Ёв на камдя́ тэ джал дрэ Юдэ́я, пал-дова́ со Юды родынэ тэ замарэ́н Лэс.

Luka 20:1

Дро екх дасаво дывэ́с, ке́ли Ису́со сыклякирдя́ дрэ Кхангири́ и пхэндя́ бахтало́ лав, раша́нгирэ барыдыра́ и лылвари́тка кхэтанэ́ годэпхурэнца явнэ́ и пхэндлэ́ Лэ́скэ:

Luka 4:14

Одотхы́р Ису́со рисия́ дрэ Галиле́я. Ёв сыс пхэрдо́ Духо́са (Свэнтонэ́ Духо́са); и мавлы́н (малва) пал Лэ́стэ розгия́пэ пир сари́ пхув, кай Ёв сыс.

Luka 6:6

И сыс адя́кэ: Исусо́скэ пригияпэ дро яви́р са́вато тэ заджа́л дрэ синагога и тэ сыклякирэ́л. И сыс одо́й екх ману́ш, савэ́стэ чачо́ (право) васт сыс шуко.

Luka 7:21

Дро дова́ часо Ису́со высастякирэлас бутэ́ манушэ́н насвалыпнэндыр и дукхэндыр и налачхэ́ дукхэндыр и Ёв высастякирдя́ якха́ бутэндэ корорэндэ.

Luka 9:60

Нэ Ису́со пхэндя́ Лэ́скэ: “Мэк мулэ́ тэ гаравэн пэ́скирэ мулэн; а ту, яв, роспхэн бахталы́ зан (звесь) пал Дэвлэ́скиро Кралипэ́н дро Болыбна́скиро Раё.”

Luka 16:16

Мойза́скиро Зако́но и пророкэ́нгирэ зачхиныбэна сыс анги́л Ианостэ Болдэипнаристэ: далэ́ часостыр бахталы́ зан (звесь) пал Дэвлэ́скиро Кралипэ́н дро Болыбна́скиро Раё миштопхэнэлапэ, и кажно ману́ш зорья́са заджа́ла андрэ́.

Apostolengiri Butý 28:31

и ёв муршканэ́с и псирэ́с (откэрдэ́с) пхэнэлас лав пал Дэвлэ́скиро Кралипэ́н и сыклякирдя́ манушэ́н, ракири́ лэ́нгэ пал Растэ-Дэвлэ́стэ, Исусо́стэ Христосо́стэ.