Матфеё 4:16 - Библия - Пэ Балтитко Романи чиб (Романэс) 2019

¹⁶ акэ, мануша́, савэ́ сыс бэштэ́ дро калыпэ́н, дыкхнэ́ баро́ дуд (свэ́то); и пэ одолэ́ндэ, савэ́ исын сы́рбы мулэ́, – пал-дова́ со ёнэ дживэ́на би Дэвлэ́скиро, засвэнцындя дуд.”

Biblija - Pe Baltitko Romani čib (Romanes) 2019

¹⁶ ake, manušá, savé sys bešté dro kalypén, dykhné baró dud (svéto); i pe odolénde, savé isyn sýrby mulé, – pal-dová so jone dživéna bi Devléskiro, zasvencyndia dud.”

Матфеё 4:16 Referans Kwoze

Isajos 9:2

Народо, саво́ псирэ́ла дро калыпэ́н, явэ́ла тэ дыкхэ́л дуд; кэ одолэ́, кон дживэлас дрэ калыпэ́н (цёмныма) сыр мэрибэ́н, захачола дуд.

Mihiejo 7:8

На ра́дынпэ зоралэ́с ма́ндыр, мири́ вэргица! Ко́ли пэрава мэ, мэ усае́кх ґаздавапэ. Ко́ли мэ сом бэшто́ дро калыпэ́н, нэ Рай Дэвэ́л дэ́ла дуд (свэ́то) ма́нгэ.

Luka 2:32

Ёв явэ́ла сыр Дуд (Свэ́то) тэ откэрэл Тыри́ во́ля ваш Наюдэ́нгэ. Ёв янэ́ла сла́ва Тырэ́ манушэ́нгэ, Израилёскэ.”

Amoso 5:8

родэ́н Лэс, Кон создыя́ чэргэненгири група Плеады (Эфта́-чэргэнитко) и Орионо (Чэргэня́ пэ Васто́ко). Кон парувэла зэр (тень) мэрибнаскири пэ ясно зло́ко (ра́нко), Кон кэрэ́ла адя́кэ, со дывэ́с ячэ́ла сыр калы рат. Кон кхарэ́ла кэ Пэ панинга́ морёскирэ (дэрьявэ́скирэ), и Ёв росчхувэла лэн пир сари́ пхув, – Рай Дэвэ́л исын Лэ́скиро лав.

Ióvo 34:22

Ни дро калыпэ́н (цямлыпэ́н), ни дрэ мэрибнаскири зэр (тень) нашты́ тэ гарадён Дэвлэ́стыр мануша́, кон кэрэ́ла чорипэ́н.

Ереме́ё 13:16

Барьякирэ́н (славинэ́н) Рас-Дэвлэ́с, тумарэ́ Дэвлэ́с, анги́л дова́, сыр Ёв янэ́ла калыпэ́н (цёмныма), и анги́л дова́, сыр тумарэ́ ґэра́ обштавэнапэ (обстэмпинэнапэ) пир бэ́рги дрэ паш-калыпэ́н! И тумэ́ явэ́на тэ родэ́н дуд (свэ́то), нэ Ёв рискирэ́ла лэс дрэ мэрибнытко зэр (тень), и Ёв пирикэрэла лэс дрэ хор калыпэ́н.

Ióvo 10:22

кэ тугитко тхэм калыпнаса, саво́ исын сыр калыпэ́н кокоро́, со кай нанэ гиибэн, кай дуд исын сыр ґэнсто калыпэ́н.”

Ióvo 3:5

Мэк калыпэ́н и мэрибнаскири зэр (тень) тэ учхакирэл дова́ дывэ́с, мэк о́блоки тэ ячэ́нпэ ўса́ды (сак) пэ лэ́стэ, мэк дывэсэнгиро калыпэ́н тэ страхакирэл дова́ дывэ́с.

Psalmy 44:19

Амаро́ ило́ на рисия́ палэ, и амарэ́ пирэ́ (сто́пы) на штадэ дрэ риг Тырэ́ дромэ́стыр;

Isajos 9:1

Дро англатуно́ часо (цы́ро) сыс тэлякирды Завулоноскири пхув и пхув Нефалимоскири; нэ дова́ часо, саво́ явэ́ла, ґаздэ́ла барипнаса дром пашы́л мо́рё (дэрья́в), пал Иорданоскири пхув, Галиле́я, кай Наюды́тка мануша́ дживэ́на.