Матфеё 4:14 - Библия - Пэ Балтитко Романи чиб (Романэс) 2019

¹⁴ соб (кай) тэ сполнинэ́лпэ дова́, со пхэндя́ проро́ко Исаё:

Biblija - Pe Baltitko Romani čib (Romanes) 2019

¹⁴ sob (kaj) te spolninélpe dová, so phendiá proróko Isajo:

Матфеё 4:14 Referans Kwoze

Матфеё 2:23

И явдя́ ёв и лыя́ тэ дживэ́л кэ фо́ро Назарето, соб (кай) тэ кэрэ́лпэ пир дова́ лав, со проро́ко пхэндя́: “Со Лэ́скиро лав явэ́ла Назареё.”

Luka 24:44

И пхэндя́ Ёв лэ́нгэ: “Ѓа́да, исын долэ́ лава́, савэ́ Мэ пхэндём тумэ́нгэ, пака Мэ ишчо (инкэ́) со́мас тумэ́нца: со саро́, со исын чхиндло́ дро Мойза́скиро Зако́но и дрэ пророкэ́нгирэ зачхиныбэна и дрэ псалмы пал Ма́ндэ, трэй тэ сполнинэ́лпэ (тэ кэрэ́лпэ кэ ко́нцо/яго́ро).”

Luka 22:37

палдава́ Мэ пхэна́ва тумэ́нгэ, со дова́, со исын чхиндло́, трэй тэ сполнинэ́лпэ Ма́нца: “Ёв сыс чхудо машки́р розмарибнарьендэ”: пал-дова́ со саро́, со исын пал Ма́ндэ, сыг кончынэлапэ.”

Матфеё 2:15

и сыс одо́й анги́л дова́, сыр тэ мэрэ́л Иродоскэ, соб (кай) тэ сполнинэ́лпэ Дэвлэ́скиро ракирибэ́н пир пророкостэ: “Египто́стыр Мэ кхардём кэ Пэ Мирэс Чхавэ́с.”

Joannostir 19:28

Ису́со джиндя́, со саро́ какана́ кэрдя́пэ, соб (кай) тэ кэрэ́лпэ саро́ пир Свэ́нто Чхиныбэ́н, и пхэндя́ Ёв: “Мэ кама́м тэ пья́в.”

Joannostir 15:25

Нэ мэк тэ кэрэ́лпэ лав, саво́ исын чхиндло́ дро лэ́нгиро Зако́но: ‘Ёнэ бидыкхэна Ман ни палсо́’.

Матфеё 26:56

Нэ дава́ саро́ кэрдя́пэ, соб (кай) тэ кэрэнпэ кэ ко́нцо/яго́ро (тэ сполнинэнпэ) пророкэ́нгирэ лава́ дро Свэ́нто Чхиныбэ́н.”

Матфеё 26:54

Сыр тэды сполнинэласпэ Свэ́нто Чхиныбэ́н, со дава́ трэй тэ явэ́л?”

Матфеё 8:17

соб (кай) тэ кэрэ́лпэ дова́, со пхэндя́ проро́ко Исаё: “Ёв лыя́ пэ Пэ́стэ амаро́ бизорьякирибэн и лыджия́ сарэ́ амарэ́ насвалыпэна.”

Матфеё 1:22

Нэ саро́ дава́ сыс, соб (кай) тэ кэрэ́лпэ дова́, со Дэвэ́л пхэндя́ пир пророкостэ:

Матфеё 4:13

и гии Назаретостыр, явдя́ и яця́ тэ дживэ́л кэ Капернаумо пашы́л мо́рё (дэрья́в), пэ штэ́ты Завулоноскирэ и Нефалимоскирэ,

Матфеё 4:15

“Пхув Завулоноскири и пхув Нафалимоскири, со исын пэ дром пашы́л мо́рё (дэрья́в), палэ Иорда́но, Наюдэнгири Галиле́я,