Матфеё 3:2 - Библия - Пэ Балтитко Романи чиб (Романэс) 2019

² и раки́рла: “Приґалён пэ́скирэ грэ́хи (бизы), какана́ явдя́ пашылэды́р Кралипэ́н дро Болыбна́скиро Раё.”

Biblija - Pe Baltitko Romani čib (Romanes) 2019

² i rakírla: “Priĥaljon péskire gréhi (bizy), kakaná javdiá pašyledýr Kralipén dro Bolybnáskiro Rajo.”

Матфеё 3:2 Referans Kwoze

Матфеё 4:17

Далэ́ часостыр Ису́со лыя́ тэ ракирэ́л: “Рискирэ́н пэ́скиро джиибэ́н кэ Дэвэ́л, пал-дова́ со явдя́ пашылэды́р Кралипэ́н дро Болыбна́скиро Раё.”

Marko 1:15

и ракирдя́: “Подги́я часо (цы́ро) и Дэвлэ́скиро Кралипэ́н явдя́ пашылэды́р; рискирэ́н пэ́скиро джиибэ́н кэ Дэвэ́л и патя́н дрэ Ева́нгелия.”

Дание́лё 2:44

И дро дывэса́ кодолэ́ кралипнаскирэ о Дэвэ́л Болыбна́скиро чхувэ́ла кралипэ́н, саво́ дро ве́ки на пхадёла, и кодова́ кралипэ́н на явэ́ла пиридыно явирэ народоскэ; ёв пхаравэла и пхагирэ́ла сарэ́ кралипэна́, и ёв кокоро́ явэ́ла тэ тэрдёл дро ве́ки,

Luka 24:47

и, соб (кай) тэ пхэнэлпэ лав ваш Лэ́скирэ-Манушэ́скиро рисибэн грэхэ́ндыр кэ Дэвэ́л, соб (кай) Ёв тэ отмэкэ́л грэ́хи машки́р сарэ́ на́цыи, лыи тэ кэрэ́л дава́ Ерусалимо́стыр.

Матфеё 6:10

Мэк тэ явэ́л Тыро́ Кралипэ́н, Мэк тэ сполнинэ́лпэ Тыри́ во́ля пэ пхув, Сыр и пэ болыбэ́н;

2 Коринфянэнгэ 7:10

Пал-дова́ со смэ́нтныма (ту́га) пал Дэвлэ́стэ лыджа́ла манушэ́с, соб (кай) ёв тэ зракхэлпэ, а смэнтныма, сави́ исын пир годы́ дро дава́ свэ́то, лыджа́ла кэ мэрибэ́н.

Матфеё 10:7

И ке́ли тумэ́ заджа́на, пхэнэ́н лав пал Дэвлэ́стэ, ракири́: ‘Явдя́ пашылэды́р Кралипэ́н дро Болыбна́скиро Раё, Савэ́са хулаинэла Дэвэ́л.’

Apostolengiri Butý 3:19

Рискирэ́н пэ́скиро джиибэ́н и рисён кэ Дэвэ́л, соб (кай) тумарэ́ грэ́хи тэ явэ́н кхослэ тумэ́ндыр;

Luka 15:10

Мэ пхэна́ва тумэ́нгэ: адя́кэ-паць и радынэ́напэ Дэвлэ́скирэ Янго́лы пал екхэ грэхитконэ́ манушэ́стэ, саво́ рискирэ́ла пэ́скиро джиибэ́н грэхэ́ндыр кэ Дэвэ́л.”

Luka 13:3

Над, Мэ пхэна́ва тумэ́нгэ, со, ко́ли тумэ́ на рискирэна пэ́скиро джиибэ́н кэ Дэвэ́л, тэды тумэ́ адя́кэ-паць хасёна.

Luka 11:20

А ко́ли Мэ вытрадава налачхэ́ ду́хи Дэвлэ́скирэ зорья́са, тэды Дэвлэ́скиро Кралипэ́н явдя́ кэ тумэ́.

2 Petr 3:9

Дэвэ́л на зарикирэлапэ тэ кэрэ́л дова́, пал со Ёв дыя́ лав, сыр вари-савэ́ мануша́ гинэ́на, со дава́ явэ́ла на сыг, нэ Ёв ґара́ вырикирэ́ла тумэн, и на камэ́ла, соб (кай) вари-кон тэ хасёл, нэ соб (кай) сарэ́ тэ рисён кэ Дэвэ́л.

Apostolengiri Butý 17:30

Палдава́ Дэвэ́л промэкця дова́ часо, ке́ли амэ на джиндям чачипэ́н, а Дэвэ́л какана́ ракирэ́ла сарэ́ манушэ́нгэ пир саро́ свэ́то, соб (кай) ёнэ тэ рискирэ́н пэ́скиро джиибэ́н кэ Дэвэ́л,

Apostolengiri Butý 11:18

Ке́ли ёнэ шундлэ́ саро́ дава́, ячнэ́ штыл и лынэ́ тэ славинэ́н Дэвлэ́с, ракири́: “Бицяло́, со и Наюдэ́нгэ Дэвэ́л дыя́ во́ля тэ рискирэ́н пэ́скиро джиибэ́н кэ Дэвэ́л и тэ дживэ́н.”

Apostolengiri Butý 2:38

Пэ́три пхэндя́ лэ́нгэ: “Рискирэ́н пэ́скиро джиибэ́н кэ Дэвэ́л, мэк кажно ману́ш тумэ́ндыр тэ болэлпэ дро Исусо́скиро Христосо́скиро лав, соб (кай) тэ отмэкэнпэ тумарэ́ грэ́хи, и тумэ́нгэ явэ́ла отдыибэ́н Дэвлэ́стыр-Свэ́нто Ду́хо (Фа́но).

Luka 6:20

И Ёв ґаздыя́ пэ́скирэ якха́ пэ Лэ́скирэ сыкляибнытконэндэ и лыя́ тэ ракирэ́л: “Бахталэ́ исын тумэ́, савэ́ исын чорорэ́ дро ду́хо, пал-дова́ со тумаро́ исын Кралипэ́н дро Болыбна́скиро Раё.

Матфеё 13:52

и Ёв пхэндя́ лэ́нгэ: “Палдава́ кажно лылвари́тко (кни́жнико), саво́ сыклыя пал Кралипэ́н дро Дэвлэ́скиро Раё, исын сы́рбы ману́ш, саво́ исын кхэрэ́скиро хула́й, кон лыджа́ла яври́ пэ́скирэ кучипнаскирэ пиралятыр саро́ нэво́ и пхурано́.”

Матфеё 13:47

Ишчо Кралипэ́н дро Болыбна́скиро Раё исын сы́рбы бари кхуды́ (сетка), со чхурдынэ́ дро мо́рё (дэрья́в) и сави́ скэдыя́ ра́зна мачхэ́,

Матфеё 13:33

Яви́р сыкляибны́тко приме́ро роспхэндя́ лэ́нгэ Ису́со: “Кралипэ́н дро Болыбна́скиро Раё исын сы́рбы дрожджы (рожчына), савэ́ джувлы́ лыя́ и замешындя дрэ вядра (нэмра) яржэса, пака саро́ хумэр (цясто) яця́ шутло.”

Матфеё 12:41

Мануша́ Ниневиятыр ґаздэ́напэ пэ сэ́ндо кадалэ́ манушэ́нца и допхэнэна пэ лэ́ндэ, пал-дова́ со ёнэ рисинэ́ пэ́скирэ грэхэ́ндыр кэ Дэвэ́л, ке́ли о Иона пхэнэлас, и, акэ, ада́й исын Екх, Саво́ исын буты́р Ионастыр.

2 Ximaske 2:25

тэ сыклякирэ́л пал патяибэ́н ковлэ́ илэ́са одолэ́ манушэ́н, савэ́ исын проти лэ́скиро сыклякирибэ́н, пал-дова́ со дава́ сашты́ тэ явэ́л, со Дэвэ́л дэ́ла саштыпэн (возможность/ваканцыя) лэ́нгэ тэ приґалён лэ́нгирэ грэ́хи и тэ уджинэ́н чачипэ́н,

Колосянэнгэ 1:13

Саво́ зракхця́ амэн камлыпнаскирэ (цямлыпнаскирэ) зорья́тыр и яндя́ дро Лэ́скирэ-Дрогонэ́ Чхавэ́скиро Кралипэ́н:

Apostolengiri Butý 20:21

мэ и сыр ракирдём Юдэ́нгэ и Грекэ́нгэ (Баламэ́нгэ), со ёнэ сыс бангэ́ (мусиндлэ) тэ рискирэ́н пэ́скиро джиибэ́н кэ Дэвэ́л и тэ патя́н дрэ Растэ-Дэвлэ́стэ, амарэ́ Исусо́стэ Христосо́стэ.

Luka 15:7

Чачэс, Мэ пхэна́ва ту́кэ: адя́кэ-паць явэ́ла буты́р ра́дыма дро болыбэ́н пал екхэ грэхитконэ́ манушэ́стэ, саво́ рискирдя́ пэ́скиро джиибэ́н грэхэ́ндыр кэ Дэвэ́л, сыр пал енядэша еня́ чачипнытконэндэ, конэ́скэ на трэй тэ кэрэ́л дава́.

Luka 13:5

Над, Мэ пхэна́ва тумэ́нгэ, со, ко́ли тумэ́ на рискирэна пэ́скиро джиибэ́н грэхэ́ндыр кэ Дэвэ́л, тэды тумэ́ адя́кэ-паць хасёна.”

Luka 9:2

и бичхадя́ лэн тэ пхэнэ́н лав пал Дэвлэ́скиро Кралипэ́н дро Болыбна́скиро Раё;

Marko 6:12

И ёнэ гинэ́ и ячнэ́ тэ пхэнэ́н лав манушэ́нгэ пал рисибэн грэхэ́ндыр кэ Дэвэ́л.

Marko 1:4

Иа́но Болдэипнари явдя́ пэ чхучи́ пхув, сыклякири лэн тэ рискирэ́н пэ́скиро джиибэ́н кэ Дэвэ́л ваш дова́, соб (кай) Ёв тэ отмэкэ́л грэ́хи анги́л болдэипэн.

Матфеё 5:10

Бахталэ́ исын одолэ́, конэ́с традэ́на пал чачипэ́н; лэ́нгиро исын Кралипэ́н дро Дэвлэ́скиро Раё.

Матфеё 5:3

“Бахталэ́ исын одолэ́, савэ́ джинэ́на, со лэ́нгирэ духоскэ трэй Дэвэ́л; лэ́нгиро сыс Кралипэ́н дро Дэвлэ́скиро Раё.

Езэкилё 33:11

Пхэн лэ́нгэ: ‘Тэ джива́в Мэ’, – ракирэ́л Рай Дэвэ́л, Дэвэ́л: – на кама́м грэхитконэ́-манушэ́скирэ мэрибэ́н, нэ соб (кай) тэ джал криг грэхи́тко ману́ш пэ́скирэ дромэ́стыр и тэ явэ́л джидо́. Джа́н криг, джа́н тумарэ́ налачхэ́ дромэндыр, со́скэ трэй тэ мэрэ́н тумэ́нгэ, Израилёскиро кхэр?’

Ióvo 42:6

Палдава́ мэ давапэ палэ мирэ́ лавэ́ндыр, мэ приджинава миро грэ́хо дро пра́хо и пра́ска.”

Sykadyipén 2:21

И Мэ дыём ла́кэ часо тэ приґалёл ла́киро биладжаипэ́н, нэ ёй на камэ́ла тэ приґалёл пэ́скирэ грэ́хи.

Матфеё 13:31

Яви́р сыкляибны́тко сыкаибэ́н роспхэндя́ Ису́со лэ́нгэ, ракири́: “Кралипэ́н дро Болыбна́скиро Раё исын сы́рбы гарчычно зя́рка, сави́ ману́ш лыя́ и почхудя пэ пэ́скири фэ́лда,

Матфеё 13:11

И Ёв отпхэнэ́лас лэ́нгэ: “Тумэ́нгэ исын дыно́ тэ джинэ́н гарадо́ чачипэ́н пал Кралипэ́н дро Болыбна́скиро Раё, а лэ́нгэ на дыно́;

Матфеё 6:33

Родэ́н жа анги́л Дэвлэ́скиро Кралипэ́н дро Болыбна́скиро Раё и чачипэ́н Лэ́скиро, саро́ яви́р явэ́ла дыно́ тумэ́нгэ упралэстыр.

Sykadyipén 2:5

Тэды ри́пир дова́ лачхипэ́н, саво́ ту мэкцян; приґалёв банг, и кэр дова́, со ту кэрдя́н ангил дова́. Ко́ли ту на приґалёса банг, тэды Мэ ява́ва кэ ту и Мэ ла́ва тыро́ момолы́тко (свети́льнико) лэ́скирэ штэто́стыр, пака ту приґалёса банг.

Юдэ́нгэ 6:1

Палдава́ мэкаса амэ пэ́рва лава́ пал Христосо́стэ и ява́са тэ пириджас тэ причхувас зор кэ дасаво сыклякирибэ́н, саво́ трэй ваш сталонэ дэвлытконэнгэ; нэ амэ на ява́са нэвэ́стыр тэ сыклякирас пал дасаво джиибэ́н, со янэ́ла манушэ́н кэ мэрибэ́н, а пал патяибэ́н дрэ Дэвлэ́стэ;

Apostolengiri Butý 26:20

а англэды́р манушэ́нгэ, савэ́ дживдэ́ кэ Дама́ско и кэ Ерусалимо, коригэды́р пир сари́ Юдэякири пхув и Наюдэ́нгэ мэ пхэнавас лав, соб (кай) ёнэ тэ рискирэ́н пэ́скиро джиибэ́н кэ Дэвэ́л и, соб (кай) лэ́нгиро рискирибэн тэ явэ́л мол пир лэ́нгирэ лачхэ́ рэ́нды.

Матфеё 22:2

“Кралипэ́н дро Болыбна́скиро Раё исын сы́рбы кра́ли, саво́ кэрдя́ бьяв пэ́скирэ чхавэ́скэ,

Матфеё 25:1

Тэды Кралипэ́н дро Болыбна́скиро Раё явэ́ла сы́рбы дэш патывалэ́ тэрнэ́ джувля́, савэ́ лынэ́ ксилытка лампы и гинэ́ англэ тэ стрэнинэн (тэ пирилэн) Тэрнэс.

Матфеё 23:13

Бида тумэ́нгэ, дуемуитка лылвари́тка и Фарисе́и, савэ́ зачхакирэна вудара́ дро Кралипэ́н дро Болыбна́скиро Раё анги́л манушэ́ндэ; пал-дова́ со тумэ́ кокорэ́ на заджа́на, и тумэ́ сан тэрдэ́ пэ дром одолэ́ндэ, савэ́ камэ́на тэ заджа́н.

Матфеё 20:1

Пал-дова́ со Кралипэ́н дро Болыбна́скиро Раё исын сы́рбы фэлатинякиро хула́й, саво́ гия́ яври́ пэ зло́ко тэ кхарэл бутярнэн дро пэ́скиро винагра́днико (дракхин).

Матфеё 18:23

Пал-дова́ со Болыбна́скиро Раё, кай Дэвэ́л явэ́ла Кра́ли, исын сыр кра́ли, саво́ закамдя́ тэ розгинэлпэ пэ́скирэ писхарье́нца.

Матфеё 11:20

Тэ́ньци Ёв лыя́ тэ ладжакирэл фо́рья, дрэ савэ́ Ёв кэрдя́ буты́р явирэндыр Пэ́скирэ ди́вы, пал-дова́ со ёнэ на рискирдэ́ пэ́скиро джиибэ́н кэ Дэвэ́л:

3 Kralip 8:47

И ке́ли ёнэ явэ́на пэ пхув, пэ сави́ явэ́на дро пле́но, явэ́на дрэ пэ́стэ и рисёна, и явэ́на тэ мангэ́нпэ Ту́кэ пэ пхув адалэ́-манушэ́нгири, савэ́ лынэ́ лэн дро пле́но, ракири́: “Амэ кэрдя́м грэ́хо, ци кэрдя́м фуипэ́н, амэ сам бангэ́’,

Luka 21:31

Адя́кэ-паць и тумэ́, ке́ли тумэ́ дыкхэ́на, со дава́ саро́ адя́кэ кэрлапэ, джинэ́н, со Дэвлэ́скиро Кралипэ́н дро Болыбна́скиро Раё явдя́ пашылэды́р.

Luka 16:30

А барвало́ ману́ш пхэндя́: ‘Над, Да́до Аврааме! Нэ ко́ли вари-кон мулэ́ндыр тэ явэ́л кэ ёнэ, ёнэ рискирэнас пэ́скиро джиибэ́н кэ Дэвэ́л’.

Матфеё 25:14

И Кралипэ́н дро Болыбна́скиро Раё явэ́ла сы́рбы ману́ш, саво́ традэлас криг, и саво́ кхардя́ пэ́скирэ писхарье́н и здыя лэ́нгэ пэ паты́в пэ́скиро миштыпэ́н.

Матфеё 13:24

Яви́р сыкляибны́тко сыкаибэ́н роспхэндя́ Ису́со манушэ́нгэ, ракири́: “Кралипэ́н дро Болыбна́скиро Раё исын сы́рбы ману́ш, саво́ чхудя́ лачхи́ зя́рка пэ пэ́скири фэ́лда.

Матфеё 4:23

И Ису́со псирэлас пир сари́ Галиле́я, сыклякири манушэ́н пал Дэвлэ́стэ дрэ лэ́нгирэ синагоги и пхэни́ бахталы́ зан (звесь) пал Кралипэ́н и састякири кажно насвалыпэн и дукх дрэ манушэ́ндэ.

Luka 1:16

и ёв рискирэ́ла палэ кэ Лэ́нгиро Рай Дэвэ́л бутэн Израилёскирэ чхавэ́н.

Ióvo 39:12

Ци допатяса ту лэ́скэ, соб (кай) ёв тэ янэл кхэрэ́ тыро́ гив? И, соб (кай) ёв тэ скэдэл гив дрэ тыри́ шу́рна (гумно)?