Матфеё 27:51 - Библия - Пэ Балтитко Романи чиб (Романэс) 2019

⁵¹ И, акэ, шы́рма дрэ Кхангири́ роскусцяпэ пэ дуй паша́, упралэстыр кэ пхув; и пхув триинскирдяпэ, и барунэ́ бэ́рги пхарадынэ;

Biblija - Pe Baltitko Romani čib (Romanes) 2019

⁵¹ I, ake, šýrma dre Khangirí roskusciape pe duj pašá, upralestyr ke phuv; i phuv triinskirdiape, i baruné bérgi pharadyne;

Матфеё 27:51 Referans Kwoze

Marko 15:38

Шы́рма дрэ Кхангири́ розрискирдяпэ самонэ упралэстыр кэ пхув.

Юдэ́нгэ 6:19

Кадая́ наде́я подрикирэ́ла амаро́ ило́ дрэ зор бидаракирэс и исын сы́рбы якрё ваш ди, саво́ рикирэ́ла амэн, и ёй заджа́ла дро най свэнтэдыр штэ́то пал шы́рма, дро Болыбна́скиро Раё,

Luka 23:45

Кхам яця́ цямло и шы́рма дрэ Кхангири́ роскусцяпэ дро машкира́л.

Sykadyipén 11:19

И псирадыя (отпхандя́пэ) Дэвлэ́скири Кхангири́, сави́ исын дро Болыбна́скиро Раё и Ковчэ́го (Мохто́) Дэвлэ́скирэ завето́са сыс дыцьло дрэ Кхангири́. И ячнэ́ блискави́цы, и заня́ (глося́), и гро́мы, и пхувья́киро триинскирибэн и баро́ ґра́до.

Матфеё 27:54

И шэлэнгирэ-халадэ́нгиро барыдыро́ и халадэ́, савэ́ кхэтанэ́ ракхэнас Исусо́с, сыр дыкхнэ́ пхувья́киро триинскрибэн и саро́, со кэрдя́пэ, страха́дынэ зоралэ́с, ракири́: “Чачэс, дава́ сыс Чхаво́ Дэвлэ́скиро.”

Матфеё 28:2

И акэ, кэрдя́пэ баро́ пхувья́киро тринскирибэн; пал-дова́ со Дэвлэ́скиро Янго́ло гия́ тэлэ́ болыбна́стыр, и подгии, рискирдя́ бар и сыс бэшто́ пэ лэ́стэ.

Isajos 25:7

И хасякирэ́ла пэ дая́ бэ́рга учхакирибэн, саво́ учхакирэ́ла сарэ́ народы, саво́ пэ сарэ́ ро́ды исын пашло.

Sykadyipén 11:13

И дро дова-паць мардо́ (шту́нда) кэрдя́пэ древа́н баро́ пхувья́киро тринскирибэн и дэ́што форо́скири паш пыя́, и эфта́ тысёнцы манушэ́н сыс замардэ́. И одолэ́, савэ́ ячнэ́пэ, страха́дынэ и славиндлэ Дэвлэ́с, Саво́ исын дро Болыбна́скиро Раё.

Юдэ́нгэ 9:3

Пал яви́р шы́рма сыс яви́р паш дрэ Свэ́нто Ша́тра, дава́ штэ́то кхардяпэ Най Свэнтэдыр Штэ́то.

Avakumo 3:10

Бэ́рги дыкхнэ́ дава́ и лынэ́ Тэ издран, сыгна панинга́ дынэпэ тэ тхадэн потокоса. Хор паня́ пхэндлэ́ лэ́нгирэ заня́са, и ґаздынэ́ вучэ́с лэ́нгирэ валны сыр васта́.

2 Паралипоменоно 3:14

И кэрдя́ ёв полого яхонтытконэ, пурпуронэ, и ярконэ-лолэ́ тханэстыр/матер΄алостыр (похтанэстыр) и вылыджия́ пэ лэ́стэ херувимы.

Левито 21:23

нэ кэ полого ёв нашты́ тэ явэ́л, и кэ алта́рё нашты́ лэ́скэ тэ подджа́л, пал-дова́ со наухтылыбэн исын пэ лэ́стэ: ёв нашты́ тэ тэлякирэл Миро свэ́нто штэ́то, пал-дова́ со Мэ сом Рай Дэвэ́л, Саво́ свэнцякирэла лэн.”

Avakumo 3:13

Ту ги́ян анги́л тэ зракхэс Тырэ́ манушэ́н, соб (кай) тэ зракхэс Тырэ́ Помакхнэс, Ту пэкадян шэралэс кхэрэ́стыр, кай исын бибахталэ́, Ту росчхудян (розуридян) лэс кэ нангипэ́н шэрэстыр кэ ґэра́. Сэ́ла.

Psalmy 18:15

Ёв вымэкця пэ́скирэ марибны́тка бэстя́ и росчхурдыя мирэ́ вэргэ́н, и Ёв дыя́ карье блискавицэнца и росчхурдыя вэргэ́н, со ёнэ нашэ́на.

Psalmy 18:7

Ке́ли ма́нгэ яця́ пхаро́, мэ кхардём Рас-Дэвлэ́с и рондём заня́са анги́л мирэ́ Дэвлэ́стэ: Ёв шундя́ мири́ зан тэла́л Пэ́скирэ штэто́стыр дро Болыбна́скиро Раё, Ёв шундя́ мири́ годлыма.

Левито 16:2

и пхэндя́ Рай Дэвэ́л Мойза́скэ: “Пхэн Аароно́скэ, тырэ́ пшалэ́скэ, соб (кай) ёв на дро кажно часо тэ заджа́л пэ свэ́нто штэ́то пал полого анги́л дэнко (крышка), со исын пэ ковчэго (мохто́), соб (кай) лэ́скэ тэ на мэрэ́л, пал дова́ со пэ дэнко Мэ ява́ва тэ явав дро о́блоко.

Vygiiben 40:21

И залыджия́ ковчэго дрэ ша́тра, и убладя шы́рма, и учхакирдя́ ковчэго досыкаибна́са (откровенияса), сыр пхэндя́ Рай Дэвэ́л Мойза́скэ.

Čysly 4:5

Ке́ли станоскэ (табороскэ) трэй явэ́ла тэ джал дро дром, Ааро́но и лэ́скирэ чхавэ́ заджа́на, и злэна полого, саво́ учхакирэ́ла, и зачхакирэна лэ́са ковчэго досыкаибна́са (откровенияса);

Luka 23:47

А халадэ́нгиро барыдыро́, дыкхи́ дава́, пхэндя́: “Дро кадава́ Ману́ш, со мыя́, сыс чачипэ́н”, – и ёв славиндя Дэвлэ́с.