Матфеё 27:25 - Библия - Пэ Балтитко Романи чиб (Романэс) 2019

²⁵ Нэ сарэ́ отпхэндлэ́: “Мэк тэ явэ́л дава́ бангипэн пал Лэ́скиро рат пэ амэ́ндэ и амарэ́ чхаворэндэ!”

Biblija - Pe Baltitko Romani čib (Romanes) 2019

²⁵ Ne saré otphendlé: “Mek te javél davá bangipen pal Léskiro rat pe aménde i amaré čhavorende!”

Матфеё 27:25 Referans Kwoze

Isúso 2:19

И ко́ли вари-кон выджа́ла тырэ́-кхэрэ́скирэ вударэндыр яври́, одолэскиро рат явэ́ла пэ шэро́ лэ́скиро, а амэ ява́са вольна сарэ́ тырэ́ совлахатыр; а кон явэ́ла ту́са дро тыро́ кхэр, одолэскиро рат явэ́ла пэ шэро́ амаро́, ко́ли конэ́скиро васт чилавэ́ла лэс.

Apostolengiri Butý 5:28

“Ци на шылалэс амэ припхэндям тумэ́нгэ тэ на сыклякирэ́н пал Адалэ́-Манушэ́скиро лав? Нэ тумэ́ усае́кх розлыджинэ сыклякирибэ́н пир саро́ Ерусалимо, и кэ саро́ тумэ́ камэ́на тэ чхувэ́н пэ амэ́ндэ банг пал Адалэ́-Манушэ́скиро рат.”

Apostolengiri Butý 7:52

Конэ́с пророкэндыр на традынэ тумарэ́ дада́? Ёнэ замардэ́ (умардэ) одолэ́н, кон анги́л ракирдя́ пал Христосо́скиро явибэн, нэ тумэ́ какана́ ячнэ́ Лэ́скирэ здыибнарья и замарибнарья!

Яви́р Зако́но 19:10

соб (кай) тэ на прочхувэлпэ рат Манушэ́скиро, саво́ на банго́ машки́р тыри́ пхув, сави́ Рай Дэвэ́л, Дэвэ́л тыро́, дэ́ла ту́кэ дрэ миштыпна́скири ме́ра, и соб (кай) тэ на явэ́л пэ ту́тэ ратэскири банг.

Čysly 35:33

На магирэ́н пхув, пэ сави́ тумэ́ явэ́на тэ дживэ́н; пал-дова́ со рат магирэла пхув, и пхув на жужакирэлапэ пэ яви́р (явирчанэс) ратэстыр, саво́ сыс прочхудо пэ ла́тэ, сыр ратэ́са, саво́ прочхудя лэс.

3 Kralip 2:32

Мэк тэ обрискирэл Рай Дэвэ́л рат лэ́скиро пэ шэро́ лэ́скиро пал дова́, со ёв замардя́ дуе́н муршэ́н, савэ́ на сыс бангэ́ и фэды́р лэ́стыр: замардя́ куртала́са, би джиныбнаскиро мирэ́ дадэ́скиро Давидо́скиро, Авенирос, Нироскирэ чхавэ́с Израилёскирэ-халадэ́нгирэ барыдырэ́с, и Амесаёс, Иефероскирэ чхавэ́с, Юдэя́кирэ халадэ́нгирэ-барыдырэ́с.

2 Kralip 1:16

И дова́ замардя́ лэс, и ёв мыя́. И пхэндя́ кэ ёв Дави́до: “Рат тыро́ исын пэ шэро́ тыро́, пал-дова́ со тырэ́ ушта́ допхэндлэ пэ ту́тэ, ке́ли ту ракирдян: ‘Мэ замардём Ра́скирэ-Дэвлэ́скирэ помакхибнаскирэс.’”

Яви́р Зако́но 19:13

мэк тэ на тангинэ́л лэс тыри́ якх; вымор манушэ́скиро рат Израилёстыр, саво́ исын набанго, и явэ́ла ту́кэ шука́р.

Vygiiben 20:5

на кэр шэрэ́са (на кло́нинпэ) лэ́нгэ и на дынарин (на служын) лэ́нгэ; пал-дова́ со Мэ Рай Дэвэ́л, Дэвэ́л тыро́, Дэвэ́л, Саво́ зэвлынэла (ревнинэла), чхувэ́ла ка́ра пэ чхавэ́ндэ пал дадэнгири банг кэ три́то и шта́рто ро́до, конэ́скэ на сом дро́го Мэ,

Матфеё 21:44

И кон пэрэ́ла пэ дава́ бар, розмарэлапэ пэ кокалы́, нэ пэ конэ́стэ ёв пэрэ́ла, ростасавэла кодолэ́с пэ кокалы́.’”

Apostolengiri Butý 18:6

Нэ пал-дова́ со ёнэ сыс проти и кошнэ лэс, тэды ёв тринскирдя пэ́скирэ и́ди и пхэндя́ лэ́нгэ: “Рат тумаро́ мэк тэ явэ́л пэ тумарэ́ шэрэ́: мэ сом жужо́; и какана́ мэ джа́ва кэ На́юды.”