Матфеё 26:39 - Библия - Пэ Балтитко Романи чиб (Романэс) 2019

³⁹ И Ёв одгия на́бут анги́л, пыя́ мо́са пэ пхув, мангдя́пэ Дэвлэ́скэ и ракирдя́: “Да́до Ми́ро, ко́ли сашты́, мэк проджал дава́ тахта́й дрэ риг Ма́ндыр; нэ на адя́кэ, сыр Ма́нгэ трэй, а сыр Ту́кэ трэй.”

Biblija - Pe Baltitko Romani čib (Romanes) 2019

³⁹ I Jov odgija nábut angíl, pyjá mósa pe phuv, mangdiápe Devléske i rakirdiá: “Dádo Míro, kóli saštý, mek prodžal davá tahtáj dre rig Mándyr; ne na adiáke, syr Mánge trej, a syr Túke trej.”

Матфеё 26:39 Referans Kwoze

Joannostir 6:38

Пал-дова́ со Мэ явдём болыбна́стыр на ваш дава́, соб (кай) тэ кэра́в дова́, со Мэ кокоро́ кама́м, нэ, соб (кай) тэ кэра́в пир Мирэ́-Дадэ́скири во́ля, Саво́ бичхадя́ Ман.

Filipiicenge 2:8

Ёв чхудя́ Пэс тэлэды́р, кандыя́ кэ мэрибэ́н, и мэрибэ́н пэ трушу́л.

Матфеё 26:42

Нэвэ́стыр яви́р мо́ло, Ёв одгия дрэ риг и мангдя́пэ Дэвлэ́скэ дасавэ́ лавэ́нца: “Да́до Миро, ко́ли сашты́, соб (кай) дава́ тахта́й тэ проджал дрэ риг Ма́ндыр, пака Мэ на выпьява лэс, мэк тэ кэрэ́лпэ во́ля Тыри́!”

Юдэ́нгэ 5:7

Ке́ли Христо́со дживдя́ пэ пхув, Ёв барэ́ годла́са и ясвэ́нца мангдя́ и мангдя́пэ Дэвлэ́скэ, Кон могиндя́ тэ зракхэ́л Лэс мэрибна́стыр. Дэвэ́л шундя́ Лэс пал Лэ́скири дар анги́л Лэ́стэ;

Joannostir 5:30

Мэ нашты́ (на могина́ва) нисо́ тэ кэра́в Кокоро́ Пэ́стыр, Мэ сэндинава адя́кэ, сыр Ма́нгэ исын пхэндло́ тэ сэндинав, и Миро сэ́ндо исын чачуно́, пал-дова́ со Мэ на кэра́ва пир Пэ́скири во́ля, а пир Мирэ́-Дадэ́скири во́ля, Саво́ Ман бичхадя́.

Joannostir 14:31

Нэ, соб (кай) свэ́то тэ джинэ́л, со Ма́нгэ исын дро́го Дад и, сыр пхэндя́ Ма́нгэ Дад, адя́кэ Мэ саро́ кэра́ва: ‘Уштэ́н, джа́са адатхы́р.’”

Joannostir 18:11

Нэ Ису́со пхэндя́ Пэтрискэ: “Чхув палэ курта́ла; нау́што Ма́нгэ тэ на пья́в дава́ тахта́й, саво́ Дад дыя́ Ма́нгэ?”

Joannostir 11:41

И, ґа́да, укэдынэ бар одолэ́ штэто́стыр, кай муло́ сыс пашто́. Ису́со ґаздыя́ упрэ́ якха́ и пхэндя́: “Да́до! Парикирава Ту́кэ, со Ту кандыян Ман;

Матфеё 20:22

И отпхэндя́ ла́кэ Ису́со, ракири́: “Тумэ́ кокорэ́ на джинэ́на, со тумэ́ мангэна. Тумэ́ на могинэ́на тэ пьен тахта́й (чаша), саво́ Мэ ява́ва тэ пья́в?” Ёнэ ракирэ́на Лэ́скэ: “Могинаса.”

Čysly 16:22

Ёнэ пынэ́ пэ пэ́скирэ муя́ и пхэндлэ́: “Дэ́вла, Дэвлалэ пэ кажнонэ́-масэскиро (лочакиро) ду́хо (фа́но)! Екх ману́ш кэрдя́ грэ́хо, и Ту холясоса пэ сарэ́ манушэ́ндэ?”

Матфеё 24:24

Пал-дова́ со явэ́на хоханэ́ христосы, хоханэ́ проро́ки и ёнэ сыкавэ́на барэ́ ґертыка́ и кэрэ́на ди́вы, соб (кай) тэ хохавэн аж кодолэ́н, савэ́н Дэвэ́л выкэдыя́, ко́ли сашты́ явэ́ла.

Езэкилё 1:28

Сыр выдыкхэла банги (радуга) пэ болыбэ́н дро брышындэскиро дывэ́с, адя́кэ выдыкхэлас дасаво зяиныбэн, саво́ сыс пашы́л лэ́стэ. Адя́кэ выдыкхэлас Ра́скирэ-Дэвлэ́скири сла́ва.

2 Kralip 15:26

А ко́ли Ёв пхэнэ́ла адя́кэ: ‘Нанэ Мири́ ла́ска кэ ту,’ тэды, ґа́да, мэ; мэк тэ кэрэ́л ма́нца, со Лэ́скэ исын лахчо.”

Čysly 14:5

И пынэ́ Мо́йза и Ааро́но пэ пэ́скирэ муя́ анги́л сарэ́ Израилёскирэ-чхавэ́нгирэ скэдыибэ́н.

Sykadyipén 19:10

И мэ пыём анги́л лэ́скирэ ґэра́ тэ поклонинавпэ патыва́са лэ́скэ. Нэ ёв пхэндя́ ма́нгэ: “Дыкх жа, на́ кэр дава́. Мэ сом дасаво-паць писха́ри, сыр ту сан, и мэ сом кхэтанэ́ тырэ́ пшалэ́нца тэ досыкавав пал Христосо́стэ. Дэ паты́в Дэвлэ́скэ, пал-дова́ со допхэныбэ́н пал Христосо́стэ исын Христосо́скиро лав.”

1 Паралипоменоно 21:16

И ґаздыя́ Дави́до пэ́скирэ якха́, и дыкхця́ Янголо́с Ра́скирэ-Дэвлэскирэс, Саво́ сыс тэрдо́ машки́р пхув и болыбэ́н, вытырдынэса куртала́са дро лэ́скиро васт, протырдыи курта́ла пэ Ерусалимо; и пыя́ Дави́до и пхурыдыра́, учхакирдэ балытконэ гонэнца пэ пэ́скирэ муя́.

Džiibén 17:3

И пыя́ Авра́мо пэ пэ́скиро муй, а Дэвэ́л дурэды́р ракирдя́ лэ́са, и пхэндя́:

Apostolengiri Butý 10:25

Ке́ли Пэ́три заджалас дро кхэр, Корнилиё пирилыя лэс, пыя́ кэ лэ́скирэ ґэра́ и кэрдя́ шэрэ́са (поклониндяпэ) лэ́скэ.

Luka 17:16

и ёв пыя́ мо́са кэ Исусо́скирэ ґэра́ и парикирдя Лэ́скэ; ёв сыс Самарянино.

Marko 13:22

явэ́на хоханэ́ Христосы, хоханэ́ проро́ки; ёнэ сыкавэ́на барэ́ ґэртыка (знаме́нии) и кэрэ́на ди́вы, соб (кай) тэ хохавэн аж кодолэ́н манушэ́н, савэ́н Дэвэ́л выкэдыя́, ко́ли явэ́ла сашты́.

Isajos 50:5

Рай Дэвэ́л откэрдя Ма́нгэ кан, и Мэ на со́мас проти, Мэ на гиём палэ.

Isajos 53:12

Палдава́ Мэ да́ва Лэ́скэ котэ́р (паш) машки́р барэндэ, и зоралэнца Ёв дорэсыбэ́н роскэрэла (розделинэла), пал-дова́ со Ёв отдыя́ Пэс пэ мэрибэ́н. Лэс гиндлэ́ пал прахаристэ, нэ Ёв лыджия́ пэ Пэ́стэ бутэ́-манушэ́нгиро грэ́хо и пал прахарьендэ адя́кэ мангэлас.

Joannostir 5:19

Нэ Ису́со пхэндя́ лэ́нгэ: “Чачэс, чачэс, Мэ ракира́ва тумэ́нгэ: Чхаво́ нисо́ нашты́ тэ кэрэ́л Кокоро́ Пэ́стыр, ко́ли Ёв тэ на дыкхэ́л, со кэрэ́ла Дад, пал-дова́ со дова́, со Дад кэрэ́ла, дова́-паць кэрэ́ла и Чхаво́.