Матфеё 24:22 - Библия - Пэ Балтитко Романи чиб (Романэс) 2019

²² И ко́ли далэ́ дывэса́ тэ на явэ́нас кроткэдыр, нико́н джидэндыр на зракхэласпэ; нэ ваш манушэ́нгэ, савэ́н Дэвэ́л выкэдыя́, явэ́на кроткэдыр далэ́ дывэса́.

Biblija - Pe Baltitko Romani čib (Romanes) 2019

²² I kóli dalé dyvesá te na javénas krotkedyr, nikón džidendyr na zrakhelaspe; ne vaš manušénge, savén Devél vykedyjá, javéna krotkedyr dalé dyvesá.

Матфеё 24:22 Referans Kwoze

Marko 13:20

И ко́ли Дэвэ́л тэ на тыкнякирэлас далэ́ дывэса́, тэды нико́н на выдживэлас. А ваш манушэ́нгэ, савэ́н Ёв Кокоро́ выкэдыя́, Ёв тыкнякирдя далэ́ дывэса́.

2 Ximaske 2:10

Палдава́ мэ саро́ вырикирава ваш манушэ́нгэ, савэ́н выкэдыя́ Дэвэ́л, соб (кай) и ёнэ тэ дорэсэн зракхибэ́н, саво́ явэ́ла пир Исусо́стэ Христосо́стэ вечнонэ слава́са.

Матфеё 24:31

И бичхавэ́ла Ёв Пэ́скирэ Янголэн барэ́ рогоса (трубаса), и скэдэ́ла кхэтанэ́, конэ́с Ёв выкэдыя́, штарэ́ ригэ́ндыр и екхэ болыбнытконэ ягоро́стыр (краёстыр) кэ яви́р.

Матфеё 24:24

Пал-дова́ со явэ́на хоханэ́ христосы, хоханэ́ проро́ки и ёнэ сыкавэ́на барэ́ ґертыка́ и кэрэ́на ди́вы, соб (кай) тэ хохавэн аж кодолэ́н, савэ́н Дэвэ́л выкэдыя́, ко́ли сашты́ явэ́ла.

Римлянэнгэ 9:11

и анги́л лэ́нгиро бияныпэ́н, ке́ли ёнэ ишчо (инкэ́) на кэрдэ́ нисаво́ лачхипэ́н ци фуипэ́н, Дэвэ́л кэрдя́ пэ́скиро выкэдыибэн,

Матфеё 22:14

Пал-дова́ со исын бут, савэ́н кхардэ́, нэ исын на́бут, савэ́н выкэдынэ́.”

Luka 18:7

И со ж, нау́што Дэвэ́л на затырдёла пал одолэ́ндэ, конэ́с Ёв выкэдыя́, савэ́ явэ́на тэ мангэ́нпэ роибнаса Лэ́скэ дывэ́с и рат, и Ёв явэ́ла тэ тырдэл отпхэныбнаса?

Заха́рия 14:2

И Мэ скэда́ва сарэ́н манушэ́н пэ марибэ́н проти Ерусалимо, и лэ́на фо́ро и обчорна кхэра́ и кэрна ладж джувленгэ, паш-фо́ро джа́ла дро пле́но; нэ яви́р мануша́, савэ́ ячэ́напэ, на хасёна форо́стыр.

Заха́рия 13:8

И явэ́ла адя́кэ пэ сари́ пхув, – ракирэ́л Рай-Дэвэ́л, – ‘Дуй трита пэ ла́тэ явэ́на хасякирдэ́, вымэрна, а три́то паш ячэ́лапэ пэ ла́тэ.

Isajos 6:13

И ко́ли ячэ́лапэ дэ́што паш пэ ла́тэ и рисёла, усае́кх явэ́ла пхув чхучи́, нэ сыр теревинфостыр и дэмбостыр, ко́ли ёнэ исын чингирдэ тэлэ́, исын ячаибэ́н, адя́кэ свэ́нто ячаибэ́н ячэ́лапэ.”

1 Petr 1:1

Пэтристыр, Исусо́скирэ Христосо́скирэ Апостолостыр, манушэ́нгэ, конэ́с Дэвэ́л выкэдыя́, савэ́ лодэна и исын росчхурдынэ пир свэ́то, дро Понто, Галатия, Кападокия, Асия и Вифиния,