Матфеё 23:9 - Библия - Пэ Балтитко Романи чиб (Романэс) 2019

⁹ И никонэ́с пэ пхув тэ на кхарэ́н ‘дадэ́са’, пал-дова́ со тумэ́ндэ исын екх Дад, Саво́ исын дро Болыбна́скиро Раё.

Biblija - Pe Baltitko Romani čib (Romanes) 2019

⁹ I nikonés pe phuv te na kharén ‘dadésa’, pal-dová so tuménde isyn jekh Dad, Savó isyn dro Bolybnáskiro Rajo.

Матфеё 23:9 Referans Kwoze

1 Ian 3:1

Дыкхэ́н! Сави́ бари ра́дыма дыя́ амэ́нгэ Дад, соб (кай) тэ кхарэ́н амэн Дэвлэ́скирэ чхаворэнца. Палдава́ свэ́то на джинэ́ла тумэн, пал-дова́ со на приґалыя Лэс.

Юдэ́нгэ 12:9

И ишчо (инкэ́): ке́ли амэ́ндэ сыс дада́ пир амаро́ рат, савэ́ сыклякирдэ́ амэн, и палдава́ амэ кутякирдям лэн, тэды ци пэ бут буты́р амэ́нгэ трэй тэ кандас амарэ́ Дадэ́с пэ ду́хо (фа́но), соб (кай) тэ джива́с?

Малахия 1:6

“О чхаво́ кэрэ́ла паты́в пэ́скирэ дадэ́скэ, и о писха́ри лэ́скирэ ра́скэ: ко́ли Мэ сом Дад, кай жа исын хор паты́в Ма́нгэ? Ко́ли Мэ сом Рай Дэвэ́л, кай жа исын паты́в Ма́нгэ?”, – ракирэ́ла янголэ́нгирэ-болыбна́скиро Рай Дэвэ́л тумэ́нгэ, рашая́, савэ́ндэ нанэ дрэ паты́в Миро лав. Нэ тумэ́ пхэнэ́на: “Дро со амэ на сыкаваса паты́в Тырэ́ лавэ́скэ?”

Матфеё 7:11

Ко́ли тумэ́ сан налачхэ́, и джинэ́на тэ кэрэ́н лачхипэ́н пэ́скирэ чхавэ́нгэ, пэ кицы́ буты́р тумэ́ндыр тумаро́ Болыбна́скиро Дад кэрэ́ла лачхипэ́н одолэ́нгэ, савэ́ мангэна Лэ́стыр.

1 Коринфянэнгэ 4:15

Палдава́, ко́ли тумэ́ндэ исын дэш тысёнцы сыклярьен (наставникэн) пир патяибэ́н дрэ Христосо́стэ, нэ усае́кх тумэ́ндэ исын екх дад; пал-дова́ со мэ яцём сы́рбы дад ваш тумэ́нгэ пир бахтало́ лав, со мэ яндём.

2 Коринфянэнгэ 6:18

и Мэ ява́ва ваш тумэ́нгэ и тумэ́ явэ́на мирэ́ чхавэ́ и чхая́, – ракирэ́ла Рай Дэвэ́л Сарэзорья́киро.”

Apostolengiri Butý 22:1

“Мурша́лэ, пшала́лэ, дадолэ! Шунэ́н какана́ миро лав тэ чачакирав (тэ опрадынав) пэс анги́л тумэ́ндэ.”

4 Kralip 2:12

Елисе́ё дыкхця́ и дыя́ го́дла: “Да́до миро, да́до миро, вурдэ́н Израилёскиро и грая лэ́скирэ!” И на дыкхця́ лэс буты́р. И ухтылдя ёв и́ди пэ́скирэ, и роскустя лэн пэ дуй паша́.

Матфеё 6:32

Пал-дова́ со саро́ дава́ родэ́на На́юды, и пал-дова́ со Дад тумаро́ Болыбна́скиро джинэ́ла, со тумэ́ндэ исын трэ́бима дро дава́ саро́.

4 Kralip 13:14

О Елисе́ё занасвалыя насвалыпнаса, савья́тыр ёв коригэды́р (позжэ) и мыя́. И явдя́ кэ ёв Иоа́со, Израилёскиро кра́ли, и рондя́ пэ лэ́стэ, и ракирдя́: “Да́до миро! Да́до миро! Марибны́тко вурдэ́н Израилёскиро и грая лэ́скирэ!”

4 Kralip 6:21

И пхэндя́ Израилёскиро кра́ли Елисеёскэ, дыкхи́ лэн: “Ци тэ на домарэс лэн, миро да́до?”

Матфеё 23:10

И тэ на кхарэ́н тут ‘сыклякирибна́скиро’; пал-дова́ со исын екх тумэ́ндэ Сыклякирибна́скиро Христо́со.