Матфеё 23:23 - Библия - Пэ Балтитко Романи чиб (Романэс) 2019

²³ Бида тумэ́нгэ, дуемуитка лылвари́тка и Фарисе́и: пал-дова́ со тумэ́ дэ́на дэ́што ме́ра мятатыр, укропостыр, кминостыр, нэ тумэ́ на кутякирэна дова́, со буты́р трэй дро Зако́но: чачуно́ сэ́ндо и тангипэ́н и патяибэ́н: дава́ трэиндя́ тэ кэрэ́н и адя́кэ-паць тэ на бистрэн пал яви́р.

Biblija - Pe Baltitko Romani čib (Romanes) 2019

²³ Bida tuménge, dujemuitka lylvarítka i Farisiéi: pal-dová so tumé déna déšto miéra miatatyr, ukropostyr, kminostyr, ne tumé na kutiakirena dová, so butýr trej dro Zakóno: čačunó séndo i tangipén i patiaibén: davá treindiá te kerén i adiáke-pac' te na bistren pal javír.

Матфеё 23:23 Referans Kwoze

Luka 11:42

Бида тумэ́нгэ, Фарисе́и; пал-дова́ со тумэ́ дэ́на дэ́што ме́ра мятатыр, рутатыр и кажнонэ́ чарьятыр, нэ тумэ́ на думинэ́на пал сэ́ндо и Дэвлэ́скири ла́ска; дава́ трэиндя́ тэ кэрэ́н и адя́кэ-паць тэ на бистрэн пал яви́р.

Mihiejo 6:8

О Рай Дэвэ́л сыкадя́ ту́кэ, о манушэ, со исын лачхипэ́н, и со трэй Ра́скэ-Дэвлэ́скэ ту́тыр: тэ кэрэ́с пир чачипэ́н, тэ выкэдэс тэ кэрэ́с лачхипэ́н, и тэ дживэ́с напхутькирдэс анги́л тырэ́ Дэвлэ́стэ!

Osija 6:6

Пал-дова́ со Ма́нгэ исын древа́н пир ило́ лачхэ́-илы́ткима, а на свэ́нто дыибэ́н, и джиныбэ́н пал Ма́ндэ, Дэвлэ́стэ, буты́р, сыр цэ́ло схачкирибэ́н.

Матфеё 9:13

нэ джа́н, сыклён, со дава́ значынэ́ла, со Библия раки́рла: “Ма́нгэ трэй лачхэ́-илы́ткима дрэ манушэ́ндэ, а на свэ́нта дыибэна́”, палдава́ Мэ явдём тэ кхарав кэ Пэ на чачунэ́ манушэ́н, а грэхэнгирэн”

1 Kralip 15:22

И отпхэндя́ Самуи́ло: “Нау́што цэ́ло схачкирибэ́н и свэ́нта яныбэна́ Ра́скирэ-Дэвлэ́скирэ пэ ада́кицы исын дро́га Ра́скэ-Дэвлэ́скэ сыр тэ кандэс Ра́скирэ-Дэвлэ́скири зан? Кандыпэн исын фэды́р свэнтонэ́ яныбнастыр и тэ пришунэспэ кэ Рай Дэвэ́л исын фэды́р бакрэскирэ масэстыр;

Pritčy 21:3

Тэ кэрэ́н чачипэ́н и чачуно́ сэ́ндо исын кучэдыр Ра́скэ-Дэвлэ́скэ сыр свэ́нта дыибэна́.

Левито 27:30

И кажно дэ́што паш, со пхув дэ́ла ци зя́рка, ци барьякирдо́ (пло́до) исын Ра́скирэ-Дэвлэ́скирэ: дава́ исын Ра́скирэ-Дэвлэ́скири свэнтыма.

Luka 18:12

Мэ постинава дуй мо́лы дро курко, мэ да́ва дэ́што паш долэ́стыр, со мэ закэрава дро чхон.’

Матфеё 12:7

Нэ ко́ли тумэ́ джинэнас, со дава́ значынэ́ла: ‘Ковлэ-илы́ткима трэй ма́нгэ, а на да́ро’, тэды тумэ́ на бангякирэнас манушэ́н, савэ́ндэ нанэ банг.

Isajos 28:25

Над, ко́ли ёв розроўнинэла пхув, то ёв чхувэ́ла дрэ ла́тэ вика, ци росчхувэла кмино, ёв барьякирэ́ла гив рядэнца, барьякирэ́ла джов дро штэ́то, саво́ ваш дава́ выкэдыя́, барьякирэ́ла пашы́л лэ́стэ просо.

Ереме́ё 22:3

Адя́кэ ракира́ва Мэ, Рай Дэвэ́л: Кэрэ́н чачуно́ сэ́ндо и пир чачипэ́н, и ракхэ́н обчордэ манушэ́с вастэ́стыр, саво́ традэ́ла лэс: и на кэрэ́н намиштэс, на кэрэ́н нахратэс чужонэ́ манушэ́скэ, пиротоскэ (сиротаскэ), пивлякэ (удовакэ), и на прочхувэн бибангипнаскиро (набанго) рат пэ дава́ штэ́то.

Матфеё 23:13

Бида тумэ́нгэ, дуемуитка лылвари́тка и Фарисе́и, савэ́ зачхакирэна вудара́ дро Кралипэ́н дро Болыбна́скиро Раё анги́л манушэ́ндэ; пал-дова́ со тумэ́ кокорэ́ на заджа́на, и тумэ́ сан тэрдэ́ пэ дром одолэ́ндэ, савэ́ камэ́на тэ заджа́н.