Матфеё 23:15 - Библия - Пэ Балтитко Романи чиб (Романэс) 2019

¹⁵ Бида тумэ́нгэ, дуемуитка лылвари́тка и Фарисе́и, со тумэ́ проджа́на мо́рё (дэрья́в) и пхув, соб (кай) тэ рискирэ́н екхэ манушэ́с тэ патял Наюдэндыр: и ке́ли ёв прилэ́ла лав, тэды кэрэ́на лэ́стыр кадасавэс, саво́ дрэ дуй мо́лы исын буты́р мол тэ джал дро лю́но (адо), сыр тумэ́ сан.

Biblija - Pe Baltitko Romani čib (Romanes) 2019

¹⁵ Bida tuménge, dujemuitka lylvarítka i Farisiéi, so tumé prodžána mórjo (derjáv) i phuv, sob (kaj) te riskirén jekhe manušés te patial Najudendyr: i kiéli jov priléla lav, tedy keréna léstyr kadasaves, savó dre duj móly isyn butýr mol te džal dro liúno (ado), syr tumé san.

Матфеё 23:15 Referans Kwoze

Эфесянэнгэ 2:3

амэ адя́кэ-паць сарэ́ вари-ке́ли и са́мас кадасавэ́ и дживдям пир на́лачхо лочакиро (плотякиро) тырдыпэ́н и кэрдя́м дова́, со амэ́нгэ подпхэнэла на́лачхо камибэн и со явэ́ла пэ годы́, и амэ са́мас пир бияныпэ́н сы́рбы чхавэ́, пэ конэ́стэ пэрэ́ла Дэвлэ́скири холы́, сыр и яви́р мануша́:

Apostolengiri Butý 13:43

Ке́ли мануша́, савэ́ сыс пэ скэдыибэ́н, лынэ́ тэ розджанпэ, тэды бут Юды и яви́р, савэ́ прилынэ́ Юды́тко сыклякирибэ́н, гинэ́ пал Павлистэ Варнаваса, савэ́ ракирдэ́ лэ́нца и мангэнас, упатякирэнас лэн тэ явэ́н дурэды́р дро Дэвлэ́скиро бахталыпэ́н.

Apostolengiri Butý 13:10

и пхэндя́: “Ту, сан налачхэскиро чхаво́ и вэ́рго сарэ́ чачипнаскэ: ту сан пхэрдо́ хохаибнаса и калэ́ рэндэ́нца; ци пириячэса ту тэ злыджас манушэ́н чачунэ́ Ра́скирэ-Дэвлэ́скирэ дромэ́стыр?

Apostolengiri Butý 14:2

Нэ Юды, савэ́ на патяндынэ́, ґаздынэ́пэ и подракирдэ Наюдэн проти пшалэ́ндэ.

Joannostir 8:44

Тумаро дад исын на́лачхо и тумэ́ камэ́на тэ кэрэ́н пир тумарэ́-дадэ́скири ла́ска. Нэ ёв саро́ джиибэ́н сыс манушэ́нгиро замарибнари, и ёв на дживдя́ дро чачипэ́н, пал-дова́ со нанэ чачипэ́н дрэ лэ́стэ; ке́ли ёв ракирэ́ла хохаибэ́н, ракирэ́ла пэ́скиро, пал-дова́ со ёв исын хохаибнари и хохаибнаскиро дад.

Galatenge 6:12

А одолэ́, савэ́ камэ́на тэ сыкавэ́н пэс пир лоч манушэ́нгэ, зачхувэна тумэн тэ обчхинэнпэ, екх ваш дова́, соб (кай) лэн тэ на традэ́н пал Христосо́скиро трушу́л.

Galatenge 4:17

Лэ́ндэ исын илэ́скиро хачкирибэ́н пал тумэ́ндэ, нэ дава́ ёнэ кэрэ́на на сарэ́ илэ́стыр, а ёнэ камэ́на тэ пиритырдэн тумэн кэ пэ, соб (кай) тумэ́ндэ тэ явэ́л дасаво илэ́скиро хачкирибэ́н пал лэ́ндэ.

Матфеё 5:22

Нэ Мэ ракира́ва тумэ́нгэ: ‘Кажно, кон холясо́ла пэ пэ́скирэ пшалэ́стэ ни палсо́, джа́ла тэл сэ́ндо. Кон жа пхэнэ́ла пэ́скирэ пшалэ́скэ ‘дылыно́’, явэ́ла дрэ дар Синедрионостыр. И кон пхэнэ́ла ‘бигодякиро’, явэ́ла дрэ дар, со джа́ла дро лю́но (адо) яга́са.

Apostolengiri Butý 17:13

Нэ ке́ли Юды Фесалоникатыр уджиндлэ́, со и дрэ Верия Па́вли роспхэнэлас Дэвлэ́скиро лав, ёнэ явнэ́ и одори́к тэ подракирэн манушэ́н.

Apostolengiri Butý 14:19

Нэ явнэ́ Юды Антиохиятыр и Икониятыр и, ке́ли Апо́столы маму́й (прямэс) пхэндлэ́ лав, ёнэ патякирдэ́ манушэ́н тэ отджан лэ́ндыр, ракири́, со ёнэ на ракирэ́на нисаво́ чачипэ́н, а саро́ хохавэна. И подракирдэ манушэ́н и лынэ́ лофо пэ лэ́ндэ: ёнэ домардэ́ Павли́с барэ́нца и вытырдынэ лэс пал фо́ро, сыр ёнэ гиндлэ́ лэс пал мулэстэ.

Apostolengiri Butý 2:10

Фригиятыр и Памфилиятыр, Египто́стыр, адя́кэ-паць сыс мануша́ Ливиякирэ штэто́стыр, саво́ сыс на́дур Кириниятыр, явнэ́ мануша́ Римостыр, Юды и прозелиты.

Apostolengiri Butý 6:5

Дасаво ракирибэ́н сыс сарэ́нгэ пир ило́; и ёнэ выкэдынэ́ Стехванос (Стефанос), манушэ́с, саво́ сыс пхэрдо́ Свэнтонэ́ Духо́са и патяибна́са и Филипос, и Прохорос, и Никанорос, и Тимонос, и Парменос, и Микалаёс (Николаёс), нэвонэ́-патяибнаскирэс, Наюдос Антиохиятыр,

Ester 8:17

И дрэ кажно провинцыя и дро кажно фо́ро, и пэ кажно штэ́то, карик догия́ припхэныбэ́н крали́скиро и лэ́скиро упхэныбэ́н, сыс ра́дыма Юдэ́ндэ и лош (веселиё), свэ́нко и свэнкитко дывэ́с. И бут мануша́ рига́тыр ячнэ́ Юдэнца, пал-дова́ со пыя́ пэ лэ́ндэ дар анги́л Юдэ́ндэ.

Матфеё 5:29

Ко́ли ж чачи́ якх злыджала тут кэ грэ́хо, ри́скир ла яври́ и вычхурдэ; пал-дова́ со фэды́р ваш ту́кэ тэ нашавэс екх якх, сыр саро́ тэ джал дро лю́но (адо).

Матфеё 3:7

Нэ сыр ёв дыкхця́, со бут Фарисе́и и Садукеи джа́нас тэ болэнпэ кэ ёв, пхэндя́ лэ́нгэ: “Тумэ́ сан сапитко ро́до! Кон сыклякирдя́ тумэн тэ нашэ́н Дэвлэ́скирэ холя́тыр, со явэ́ла сыг?

Матфеё 23:13

Бида тумэ́нгэ, дуемуитка лылвари́тка и Фарисе́и, савэ́ зачхакирэна вудара́ дро Кралипэ́н дро Болыбна́скиро Раё анги́л манушэ́ндэ; пал-дова́ со тумэ́ кокорэ́ на заджа́на, и тумэ́ сан тэрдэ́ пэ дром одолэ́ндэ, савэ́ камэ́на тэ заджа́н.