Матфеё 21:9 - Библия - Пэ Балтитко Романи чиб (Романэс) 2019

⁹ И мануша́, савэ́ джа́нас анги́л и пала́л Исусо́стэ, дэ́нас го́дла радыма́са: “Асанна, Чхавэ́скэ Давидоскирэскэ: тэ явэ́л бахтякирдо́, Саво́ джа́ла ваш лав Дэвлэ́скиро; асанна дрэ упратунэндэ!”

Biblija - Pe Baltitko Romani čib (Romanes) 2019

⁹ I manušá, savé džánas angíl i palál Isusóste, dénas gódla radymása: “Asanna, Čhavéske Davidoskireske: te javél bahtiakirdó, Savó džála vaš lav Devléskiro; asanna dre upratunende!”

Матфеё 21:9 Referans Kwoze

Luka 2:14

“Тэ славинэлпэ Дэвэ́л дрэ упратунэ болыбэна, и тэ явэ́л рама́нё (миро) пэ пхув машки́р манушэ́ндэ, савэ́ндыр Дэвэ́л радынэ́лапэ.”

Матфеё 23:39

Палдава́ Мэ ракира́ва тумэ́нгэ: тумэ́ на явэ́на тэ дыкхэ́н Ман кадалэ́ дывэсэ́стыр анги́л дова́, сыр тумэ́ пхэнэ́на: ‘Бахтякирдо́ исын Одова́, Саво́ джа́ла ваш Дэвлэ́скиро лав.’”

Матфеё 21:15

И ке́ли раша́нгирэ барыдыра́ и лылвари́тка дыкхнэ́ ди́вы, савэ́ Ёв кэрдя́, и биятэ́н, савэ́ дэ́нас го́дла: “Асанна Чхавэ́скэ Давидоскирэскэ”, ёнэ холясонас,

Матфеё 9:27

И ке́ли Ису́со джа́лас одотхы́р, дуй корорэ́ мануша́ гинэ́ пал Лэ́стэ, дыи го́дла: “Потангинэ (пожалин) амэн, Чхаво́ Давидо́скиро!”

Psalmy 148:1

Аллилуя! Шарэ́н Рас-Дэвлэ́с болыбна́стыр; шарэ́н Лэс, Кон дживэ́ла упра́л.

Матфеё 21:10

И ке́ли Ёв явдя́ дро Ерусалимо, баро́ ди́во ухтылдя саро́ фо́ро и мануша́ пхучэнас: “Кон да исын Адасаво́?”

Luka 13:35

Ѓа́да, кхэр тумаро́ явэ́ла мэкно́ чхучо́ тумэ́нгэ; и Мэ ракира́ва тумэ́нгэ: тумэ́ на явэ́на тэ дыкхэ́н Ман кадалэ́ дывэсэ́стыр, пака тумэ́ на пхэнэ́на: “Бахтякирдо́ исын Одова́, Саво́ джа́ла ваш Дэвлэ́скиро лав.”