Матфеё 21:3 - Библия - Пэ Балтитко Романи чиб (Романэс) 2019

³ И ко́ли вари-кон пхучэла тумэ́ндыр вари-со, тумэ́ пхэнэ́н: ‘Ёнэ трэй Ра́скэ-Дэвлэ́скэ,’ ёв екха́тыр (сра́зу) бичхавэ́ла лэн.”

Biblija - Pe Baltitko Romani čib (Romanes) 2019

³ I kóli vari-kon phučela tuméndyr vari-so, tumé phenén: ‘Jone trej Ráske-Devléske,’ jov jekhátyr (srázu) bičhavéla len.”

Матфеё 21:3 Referans Kwoze

Apostolengiri Butý 17:25

Лэ́скэ на трэй, соб (кай) мануша́ тэ дынаринэ́н (тэ служынэн) Лэ́скэ пэ́скирэ вастэ́нца; Ёв Кокоро́ дэ́ла сарэ́нгэ джиибэ́н и саро́;

2 Коринфянэнгэ 8:9

Тумэ́ джинэ́на бахталыпэ́н амарэ́ Ра́стыр-Дэвлэ́стыр, саво́ исын Исусо́скиро Христосо́скиро, Саво́ сыс барвало́, нэ яця́ чороро́, соб (кай) тумэ́ тэ явэ́н барвалэ́ Лэ́скирэ чорорипнастыр.

Joannostir 3:35

Дадэ́скэ исын дро́го лэ́скиро Чхаво́ и Ёв саро́ отдыя́ дрэ Лэ́скирэ васта́.

Joannostir 17:2

адя́кэ-паць, сыр Ту дыя́н Лэ́скэ право пэ кажно лоч (плоть), адя́кэ-паць и Ёв дэ́ла ве́чно джиибэ́н одолэ́нгэ, конэ́с Ту дыя́н Лэ́скэ.

Psalmy 24:1

Давидо́скиро Пса́лмо. Сари́ пхув исын Дэвлэ́скири и саро́, со исын дро свэ́то, исын Лэ́скиро, и сарэ́, кон дживэ́ла пэ дава́ свэ́то (лот).

Е́здра 7:27

“Мэк тэ явэ́л бахтякирдо́ Рай Дэвэ́л, Дэвэ́л амарэ́-дадэ́нгиро, Саво́ чхудя́ кадасави дума дро крали́скиро ило́, соб (кай) тэ шукарьякирэн Кхэр (Кхангири́) Ра́скирэ-Дэвлэ́скиро, саво́ исын кэ Ерусалимо;

Е́здра 1:5

Тэ́ньци шэралэ́ пэ стрэ́чы /дадэнги́рэ-ро́ды (поколении) Юдастыр и Веньяминостыр, и рашая́, и Леви́ты, кажно ману́ш, дрэ савэ́ндэ Дэвэ́л джангадя ду́хо (фа́но), ґаздынэ́пэ тэ джа́н тэ чхувэ́н нэвэ́с Кхэр (Кхангири́), Ра́скирэ-Дэвлэ́скиро, саво́ исын дро Ерусалимо.

2 Коринфянэнгэ 8:16

Амэ парикираса Дэвлэ́скэ пал дова́, со Ёв дыя́ дасаво илэ́скиро хачкирибэ́н Титоскэ тэ дэл васт тумэ́нгэ.

Е́здра 1:1

Дро пэ́рво бэрш крали́скирэ Кираскиро, ке́ли Ёв лыя́ тэ кралинэ́л пэ Пе́рсия, соб (кай) тэ сполнинэ́лпэ лав Ра́скирэ-Дэвлэ́скиро, саво́ ракирдя́ проро́ко Ереме́е, о Рай-Дэвэ́л джангадя ду́хо (фа́но) Кираскиро, Персиякирэ крали́скиро, и ёв дыя́ припхэныбэ́н тэ пхэнэ́н анги́л сарэ́ндэ пир саро́ кралипэ́н, и адя́кэ-паць тэ зачхинэн далэ́ лава́:

3 Kralip 17:9

“Джа́ дрэ Сирепта Сидоноскири, и ячпэ одо́й. Мэ припхэндём джувля́кэ ўдовакэ (пивлякэ) тэ чалякирэл тут”

1 Kralip 10:26

Адя́кэ-паць и Са́уло гия́ дро пэ́скиро кхэр, дрэ Гива́; и лэ́са гинэ́ муршканэ́, савэнгирэ ило́ Дэвэ́л чиладя́.

Jakov 1:17

кажно лачхипэ́н и кажно бидошакиро тала́но бичхадэ́ амэ́нгэ вучипна́стыр, дудэнгирэ (свэтэнгирэ) Дадэ́стыр, Саво́ на парудёла, и на пирикэрэлапэ.

Матфеё 21:2

“Джа́н дро гав, саво́ исын анги́л тумэ́ндэ, и екха́тыр тумэ́ латхэ́на ослица́ (мегарица́), сави́ исын припхандлы, и ослёнко исын ла́са; отпхандэн лэн и янэ́н лэн адари́к.

Матфеё 21:4

Дава́ исын, соб (кай) тэ кэрэ́лпэ дова́, со пхэндя́ проро́ко: