Матфеё 21:1 - Библия - Пэ Балтитко Романи чиб (Романэс) 2019

¹ Сыр ёнэ подгинэ́ пашылэды́р кэ Ерусалимо, и явнэ́ дрэ Вифагия пашы́л Оливи́тко (Елеоноскири) бэ́рга, Ису́со бичхадя́ дуе́н сыкляибнытконэ́н, пхэни́ лэ́нгэ:

Biblija - Pe Baltitko Romani čib (Romanes) 2019

¹ Syr jone podginé pašyledýr ke Jerusalimo, i javné dre Vifagija pašýl Olivítko (Jelieonoskiri) bérga, Isúso bičhadiá dujén sykliaibnytkonén, phení lénge:

Матфеё 21:1 Referans Kwoze

Заха́рия 14:4

И тэрдёна ґэра́ Лэ́скирэ дро дова́ дывэ́с пэ Оливи́тко (Елеоноскири) бэ́рга, со анги́л Ерусалимо кэ/жы́ко васто́ко; и роспхарьёла пэ паш бэ́рга Оливи́тко вастоко́стыр кэ/жы́ко западо (кэ пал-паня) древа́н барэ́ фэлдаса, и паш бэ́рга отджала кэ паш-рати́тко риг, а яви́р паш-кэ паш-дывэсы́тко (южно) риг пэ древа́н баро́ до́ло.

Joannostir 8:1

Ису́со гия́ пэ Оливи́тко бэ́рга.

Luka 21:37

И Ису́со сыклякирэлас со дывэ́с дрэ Кхангири́, и тэл рат Ёв джа́лас яври́, кай сыс Ёв пэ бэ́рга, сави́ кхардэ́ “Оливи́тко Бэ́рга”;

Матфеё 26:30

И ке́ли ёны багандлэ шардытко гилы́ Дэвлэ́скэ, то тэды гинэ́ пэ Оливи́тко (Елеоноскири) бэ́рга.

Матфеё 24:3

И ке́ли Ёв сыс бэшто́ пэ Оливи́тко бэ́рга, подгинэ́ Лэ́скирэ сыкляибны́тка кэ Ёв екхджинэ и пхучнэ́: “Пхэн амэ́нгэ, ке́ли дава́ саро́ явэ́ла, и сави́ ґерты́к (знаме́ниё) явэ́ла анги́л, сыр Ту явэ́са и ваш свэтоскиро ко́нцо (яго́ро)?”

Apostolengiri Butý 1:12

Пало́ дава́ Апо́столы явнэ́ палэ дро Ерусалимо, сыр гинэ́ тэлэ́ Оливитконэ (Елеоноскирэ) бэрга́тыр; дромэ́са долэ́ бэрга́тыр сашты́ (можна) тэ доджас кэ Ерусалимо пал са́вато (субо́та).

Luka 22:39

И гия́ Ису́со форо́стыр и сыр Ёв присыклыя, гия́ пэ Оливи́тко бэ́рга, и Лэ́скирэ сыкляибны́тка адя́кэ-паць гинэ́ пал Лэ́стэ.

Marko 14:26

И ке́ли ёнэ збагандлэ шардытко гилы́ Дэвлэ́скэ, тэды гинэ́ пэ Оливи́тко Бэ́рга.

Матфеё 20:34

И потангиндя лэн Ису́со, чиладя́ лэ́нгирэ якха́; и екха́тыр (сра́зу) ёнэ лынэ́ тэ дыкхэ́н и гинэ́ Лэ́са сыр сыкляибны́тка.

Матфеё 21:2

“Джа́н дро гав, саво́ исын анги́л тумэ́ндэ, и екха́тыр тумэ́ латхэ́на ослица́ (мегарица́), сави́ исын припхандлы, и ослёнко исын ла́са; отпхандэн лэн и янэ́н лэн адари́к.

Marko 13:3

Ке́ли Ису́со сыс бэшто́ пэ Оливитконэ-бэрга́киро склоно анги́л Кхангири́, сыкляибны́тка Пэ́три, Яково, Иа́но и Ендри пхучэнас Лэ́стыр екх пэ екх явирэндыр: