Матфеё 2:6 - Библия - Пэ Балтитко Романи чиб (Романэс) 2019

⁶ “И ту, Вифлее́мо, пхув Юдаскири, ту на сан тыкнэды́р Хуландыр Юдэя́тыр; пал-дова́ со ту́тыр выджа́ла Шэрало́, Саво́ явэ́ла тэ хулаинэ́л пэ Израилёскирэ манушэ́ндэ.”

Biblija - Pe Baltitko Romani čib (Romanes) 2019

⁶ “I tu, Vifliejémo, phuv Judaskiri, tu na san tyknedýr Xulandyr Judejátyr; pal-dová so tútyr vydžála Šeraló, Savó javéla te xulainél pe Izrailjoskire manušénde.”

Матфеё 2:6 Referans Kwoze

Mihiejo 5:2

“Нэ ту, Вифлее́мо-Ефрафэ! На дыкхи́ пэ дова́, со ту сыр фо́ро сан тыкно́ машки́р тысёнцы штэ́ты пэ Юдаскири пхув, ту́тыр явэ́ла Ма́нгэ Одова́, Савэ́скэ трэй тэ явэ́л Барэ́ Ра́са пэ Израилё; Савэскиро ро́до джа́ла ґаратунэ́ англыпна́стыр, вечнонэ дывэсэ́ндыр.”

Joannostir 7:42

Ци на пхэндло́ дрэ Свэ́нто Чхиныбэ́н, со Христо́со явэ́ла Давидо́скирэ родо́стыр, и со Ёв бияндёла дро фо́ро Вифлее́мо, одолэ́ штэто́стыр, каты́р сыс Дави́до?”

Džiibén 49:10

На отджала Юдастыр скипетро и законоскиро дыибнари лэ́скирэ трушулэндыр, кэ дава́ часо, пака явэ́ла Раманёскиро (Примирителё), и лэс явэ́на тэ кандэ́н мануша́.

Sykadyipén 11:15

И эфта́то (битринэнтиро дэ́што) Янго́ло пхурдыя дрэ пэ́скиро ро́го (труба): и сыс зоралэ́ заня́ пэ болыбэ́н, со ракирдэ́: “Свэтытко Кралипэ́н амарэ́ Ра́скирэ-Дэвлэ́скиро и Лэ́скирэ Христосо́скиро явдя́ и Ёв явэ́ла тэ кралинэн пэ сарэ́ ве́ки.”

Матфеё 28:18

На Ису́со явдя́ и пхэндя́ лэ́нгэ; “Саро́ право дыно́ Ма́нгэ, сыр пэ болыбэ́н, адя́кэ пэ пхув.

Isajos 40:11

Сыр чхупна́ри Ёв ракхэ́ла Пэ́скирэ бакрэ́н; а бакрорэ́н лэ́ла Ёв пэ васта́ и явэ́ла тэ лыджа́л пэ Пэ́скиро колы́н, и савэ́ дэ́на тхуд тэ лыджа́л.

Sykadyipén 2:27

и ёв явэ́ла тэ хулаинэ́л пэ лэ́ндэ саструнэ́ дэстэса: ёнэ пхарадёна пэ котэра́ сыр глэяна (глинытка) пирья, и лэ́скири зор пэ лэ́ндэ явэ́ла дасави́-паць, сави́ мэ дорэсцём (долыём) Мирэ́ Дадэ́стыр,

2 Kralip 5:2

ишчо (инкэ́) тася́ и три́то дывэ́с, ке́ли Са́уло сыс крали́са пэ амэ́ндэ, ту вылыджиян и залыджиян Израилё; и пхэндя́ Рай Дэвэ́л ту́кэ: “Ту явэ́са тэ ракхэ́с Мирэ́ манушэ́н, Израилёскирэн, и ту явэ́са Израилёскирэ шэралэса.”

Колосянэнгэ 1:18

Ёв исын Кхангирья́кирэ – Духоскиро Шэро́, Ёв исын Англатуно́, Екх, Саво́ отджидыя́, соб (кай) Лэ́скэ тэ рикирэ́л упралыпэ́н дро саро́:

Матфеё 2:1

Ке́ли Ису́со бия́ндыя дро Вифлее́мо пэ пхув Юдэ́я, кай Иродо сыс кра́ли, явнэ́ тануки (маги) вастоко́стыр дро Ерусалимо и ракирэ́на:

Эфесянэнгэ 1:22

и Дэвэ́л чхудя́ саро́ тэлэ́ тэл Исусо́скирэ ґэра́, и чхудя́ Лэ́скэ зор тэ явэ́л Шэрэ́ Хула́са пэ саро́, Шэралэса ваш Кхангири́.

1 Паралипоменоно 5:2

пал-дова́ со Юда сыс зоралэды́р пэ́скирэ пшалэ́ндыр, и тхагариса яця́ ёв, нэ англатуныбэн зачхиндло́ сыс пэ Ёзастэ (Иосифостэ).

Čysly 24:19

Кон бияндёла Яковостыр, одова́ заухтылэла и хасякирэ́ла, со яця́пэ форо́стыр.”

Joannostir 21:16

И яви́р мо́ло нэвэ́стыр Ису́со ракирэ́ла лэ́скэ: “Симоне, Ианоскиро Чхаво́! Ци сом Мэ дро́го ту́кэ?” Пэ́три ракирэ́ла Лэ́скэ: “Адя́кэ, Раё Дэ́вла!” Ту джинэ́са, со мэ Ту сан дро́го ма́нгэ.” Ису́со ракирэ́ла лэ́скэ: “Чара́в Мирэ́ бакрэ́н.”

Е́здра 2:21

мануша́ Вифлеемостыр екх шэл и биш тэ трин;

Юдэ́нгэ 7:14

Амэ джина́са, со амаро́ Рай Дэвэ́л сыс Юда́скирэ родо́стыр, пал Савэ́стэ Мо́йза (Моисеё) нисо́ на пхэндя́ пал рашандэ кадалэ́ родо́стыр.

Sykadyipén 7:17

сыр Свэ́нто Бакроро́, Саво́ исын машкира́л троно, явэ́ла тэ чалякирэл лэн и тэ лыджа́л кэ ґанынгорья джидэ́-панескирэ. И Дэвэ́л выкхосэла кажно ясвин лэ́нгирэ якхэ́ндыр.”

1 Паралипоменоно 2:51

Салма, Вифлеемоскиро дад; Харе́фо, Бефгадероскиро дад.