Матфеё 2:13 - Библия - Пэ Балтитко Романи чиб (Романэс) 2019

¹³ Ке́ли ёнэ гинэ́, акэ, Дэвлэ́скиро Янго́ло, явдя́ дро суно́ Ёза́скэ и пхэндя́: “Ушты́, лэ Биятос и Да Лэскирья, наш дро Еги́пто, и яв одо́й анги́л дава́, сыр тэ пхэна́в ту́кэ: пал-дова́ со Иродо камэ́ла тэ родэ́л Биятос, соб (кай) тэ мулякирэ́л Лэс.”

Biblija - Pe Baltitko Romani čib (Romanes) 2019

¹³ Kiéli jone giné, ake, Devléskiro Jangólo, javdiá dro sunó Jozáske i phendiá: “Uštý, le Bijatos i Da Leskirja, naš dro Jegípto, i jav odój angíl davá, syr te phenáv túke: pal-dová so Irodo kaméla te rodél Bijatos, sob (kaj) te muliakirél Les.”

Матфеё 2:13 Referans Kwoze

Apostolengiri Butý 12:11

Ке́ли Пэ́три явдя́ дрэ пэ́стэ, ёв пхэндя́: “Мэ какана́, чачэс, дыкха́ва, со Дэвэ́л бичхадя́ Пэ́скирэ Янголо́с и ракхця́ ман Иродоскирэ вастэ́ндыр и сарэ́стыр, со камлэ́ Юдэя́кирэ мануша́ тэ кэрэ́н.”

Apostolengiri Butý 10:7

Ке́ли Янго́ло, саво́ ракирдя́ Корнилиёса, отгия́, тэды ёв кхардя́ кэ пэ дуе пэ́скирэ дынарье́ндыр (слугэ́ндыр) и екхэ халадэс, саво́ сыс дэвлы́тко и ўса́ды (сак) кхэтанэ́ лэ́са;

Apostolengiri Butý 5:19

Нэ Дэвлэ́скиро Янго́ло ратя́киро псирадя вудара́ дро штарибэ́н и вылыджия́ лэн, пхэни́:

Матфеё 2:12

И сыр ёнэ дорэснэ́ припхэныбэ́н тэ ракхэ́нпэ дро суно́, и тэ на рисён кэ Иродо, то дуринэ ёнэ пэ пэ́скири пхув явирэ дромэ́са.

Матфеё 1:20

Нэ сыр ёв подуминдя дава́, Дэвлэ́скиро Янго́ло явдя́ кэ ёв дрэ сунэ́ и пхэндя́: “Ёзэ, Давидо́скиро чхаво́, на андырша тэ прилэс Мари́я сыр ромня́, пал-дова́ со Кодова́, Савэс ёй биянэ́ла, исын Свэнтонэ́ Духо́стыр (Фаностыр);

Vygiiben 1:22

Тэды фарао́но припхэндя́ сарэ́нгэ пэ́скирэ манушэ́нгэ: “Кажнонэс чхавэ́с, саво́ бияндёла Юдэ́ндэ, чхурдэ́н дрэ рэка (лэнь); а кажнона чха ячкирэн тэ дживэ́л.”

Матфеё 2:16

Тэ́ньци Иродо, ке́ли дыкхця́, со тануки (маги) хохадэ лэс, древа́н холя́сыя и бичхадя́ тэ мулякирэ́н сарэ́н биятэ́н-муршорэн дро Вифлее́мо и дрэ сарэ́ пашатунэ́ штэ́ты, дуендыр бэршэ́ндыр и тыкнэды́р пир часо, саво́ ёв выґалыя танукэндыр.

Ióvo 33:15

Дэвэ́л сы́рбы пхэнэ́ла дро суно́, дрэ зданки (дыкхибэ́н) раты́, сыр хор соибэн пэрэ́ла пэ манушэ́стэ, ци сыр ману́ш линдрэла (дреминэла) пэ чхуибэ́н,

Ióvo 33:17

соб (кай) тэ обрикирэл манушэ́с тэ кэрэ́л чорэ́ рэ́нды, соб (кай) тэ гаравэл пхутькирибэ́н манушэ́стыр.

Isúso 4:18

И ке́ли рашая́, савэ́ лыджинэ́ Ра́скирэ-Дэвлэ́скиро завето́скиро ковчэго, выгинэ́ Иорданостыр, тэды, сыр лэ́нгирэ ґэра́ тэрдинэ́ пэ пхув, пани́ Иорданоскиро сы́гэс потхадыя пир пэ́скиро штэ́то и гия́, сыр тася́ и пэ три́то дывэ́с, вучэды́р сарэ́ пэ́скирэ брэгэндыр.

Sykadyipén 12:14

И ла́кэ сыс дынэ́ барэ́-орло́скирэ (кидо́скирэ) дуй пхака́ (крылы), соб (кай) ёй тэ вурнял пэ чхучи́ пхув пэ пэ́скиро штэ́то, кай ла чаравэнас трин пашэ́са бэрш криг сапэстыр.

Apostolengiri Butý 16:36

Ракхибнари пхэндя́ далэ́ лава́ Павлискэ: “Сэндарья пхэндлэ́ тэ вымэкэн тумэн штарибнастыр: и адя́кэ, выджа́н какана́ и джа́н пэ́скэ Дэвлэ́са.”

Apostolengiri Butý 10:22

Ёнэ отпхэндлэ́ лэ́скэ: “Корнилиё бичхадя́ амэн, шэлэнгиро барыдыро́, ману́ш чачуно́ и саво́ дарэ́ла Дэвлэ́стыр и сарэ́ Юды лэс шунэ́на, а свэ́нто Янго́ло пхэндя́ лэ́скэ тэ кхарэл тут дро лэ́скиро кхэр и тэ шунэ́л тырэ́ лава́.”

Apostolengiri Butý 7:19

Ёв хохаибнаса отлыджаласпэ кэ амарэ́ мануша́ и ёв на дэ́лас джиибэ́н амарэ́ дадэ́нгэ; ёв зачхувэлас лэн тэ вычхурдэн пэскирэн тыкнэ́ биятэ́н, соб (кай) одолэ́ тэ на дживэ́н.

Матфеё 10:23

И ке́ли явэ́на тэ традэ́н тумэн дро екх фо́ро, нашэ́н дро яви́р; пал-дова́ со Мэ, чачэс, ракира́ва тумэ́нгэ: на кончынэна тумэ́ тэ обджан сарэ́ фо́рья Израилёскирэ, сыр явэ́ла Чхаво́ Манушэ́скиро.

Isúso 3:17

И мануша́ пириджанас проти Ерихо́но; рашая́, савэ́ лыджинэ́ Ра́скирэ-Дэвлэ́скиро завето́скиро ковчэго, сыс тэрдэ́ пэ шуки́ пхув машки́р Иорда́но твардонэ ґэрьяса. Сарэ́ Израилёскирэ чхавэ́ пиригинэ́ пир шуки́ пхув, пака сарэ́ мануша́ пиригинэ́ пирда́л Иорда́но.

Sykadyipén 12:6

Джувлы́ насця пэ чхучи́ пхув пэ штэ́то, саво́ Дэвэ́л приготовиндя ла́кэ, соб (кай) ёнэ тэ чалякирэн ла екх бар и дуйшэла́ шовдэша́ дывэса́.

Isúso 4:10

Рашая́, савэ́ лыджинэ́ ковчэго, сыс тэрдэ́ машки́р Иорда́но, пака кэрдо́ сыс саро́, со Рай Дэвэ́л припхэндя́ Исусо́скэ тэ пхэнэ́с манушэ́нгэ, – адя́кэ, сыр ракирдя́ Мо́йза Исусо́скэ; а мануша́ далэ́ часоса бахталэс пириджанас.

Isúso 3:13

И сыр фэ́ни (то́ка) раша́нгирэ ґэра́, савэ́ лыджа́на Ра́скирэ-Дэвлэ́скиро ковчэго, сарэ́ пхувья́кирэ Хуласкирэ, тэрдёна дрэ Иорданоскиро пани́, Иорданоскиро пани́ хасёла, а пани́, саво́ тхадыя упра́л пани́, дова́ тэрдёла вантаса”.

Sykadyipén 12:4

и лэ́скири пори тырдэла три́то паш болыбна́скирэ чэргэнендыр и ёв чхурдыя́ тэлэ́ лэн пэ пхув. И драконо тэрдия́ анги́л джювлятэ, савьякэ трэиндя́ тэ биянэ́л, соб (кай), сыр ёй биянэ́ла, ёв могиндя́ тэ хал тыкнорэ́с.

Матфеё 2:22

Нэ ке́ли ёв шундя́, со Архелаё сыс кра́ли пири́ Юдэ́я пало́ лэ́скирэ дадэ́стэ Иродостэ, тэды пыя́ дар пэ лэ́стэ одорик тэ джал; и, сыр Дэвэ́л подпхэндя лэ́скэ тэ ракхэлпэ анги́л дро суно́, Ёза гия́ пэ штэ́ты Галилеякирэ.

3 Kralip 3:5

Дро Гавао́но явдя́ Рай Дэвэ́л Соломоно́скэ дро сунэ́ раты́, и пхэндя́ Дэвэ́л: “Манг, со тэ дав ту́кэ.”

Матфеё 2:14

И ёв уштыя́, лыя́ Биятос и Да Лэскирья ратя́киро, и гия́ дро Еги́пто,

Apostolengiri Butý 12:7

И, ґа́да, явдя́ Дэвлэ́скиро Янго́ло, тэрдия́ пашы́л, и яг зазяиндя дро штарибэ́н; Янго́ло пэкадя́ Пэтрис дро пашваро, джангадя лэс, пхэни́: “Ушты́ сыгэды́р.” И зандирья́ (цэ́пи) пынэ́ лэ́скирэ вастэ́ндыр.

3 Kralip 11:17

то тэды дава́ Адэро настя́ дро Еги́пто и лэ́са вари-кицы́ Идумеянэн, савэ́ дынариндлэ́ лэ́скирэ дадэ́скэ; Адэро тэды сыс тыкно́ чхаворо́.