Матфеё 2:11 - Библия - Пэ Балтитко Романи чиб (Романэс) 2019

¹¹ И ёнэ загинэ́ дро кхэр и дыкхнэ́ Биятос Марияса, даса Лэскирьяса, пынэ́ пэ чанга́ и поклониндлэпэ Лэ́скэ; тэ́ньчи отчхакирдэ пэ́скирэ кучипэна (сокровишчы) и дынэ́ Лэ́скэ да́ры: сувнака́й, ладано и смирна.

Biblija - Pe Baltitko Romani čib (Romanes) 2019

¹¹ I jone zaginé dro kher i dykhné Bijatos Marijasa, dasa Leskirjasa, pyné pe čangá i poklonindlepe Léske; tén'či otčhakirde péskire kučipena (sokroviščy) i dyné Léske dáry: suvnakái, ladano i smirna.

Матфеё 2:11 Referans Kwoze

Isajos 60:6

Бут верблюды кэ ту явэ́на, дромадары Мадиамостыр и Ефатыр; сарэ́ ёнэ Саватыр явэ́на, янэ́на сувнака́й и ладано, пхэнэ́на сарэ́нгэ пал барипэ́н Ра́скиро-Дэвлэ́скиро.

Psalmy 72:10

Фарсисоскирэ кра́лья, и савэ́ исын пир островы (джипа́), янэ́на дань, а Арабиякирэ и Абисиниякирэ кра́лья чхувэ́на анги́л да́ры:

Luka 2:16

И ёнэ сы́гэс явнэ́, и латхнэ́ Мари́я и Ёзас (Иосифос) и Тыкнэ́ Биятос, Саво́ сыс пашто́ дрэ ясла (кхурлы).

Матфеё 2:2

“Кай жа исын Юдэ́нгиро Кра́ли, Саво́ бия́ндыя? Сыр амэ дыкхцям чэргэн Лэ́скири пэ васто́ко, явдя́м тэ поклонинаспэ Лэ́скэ.”

Psalmy 95:6

Явэ́н тэ дас паты́в Лэ́скэ и тэ бандякирас тэлэ́ шэрэ́, явэ́н тэ пэрас пэ чанга́ анги́л Растэ-Дэвлэ́стэ, Саво́ создыя́ амэн.

Psalmy 72:15

И ёв явэ́ла тэ дживэ́л, и лэ́скэ явэ́на тэ дэн Арабиякиро сувнака́й, и пал лэ́стэ ўса́ды (сак) явэ́на тэ мангэ́нпэ Дэвлэ́скэ, Дэвэ́л явэ́ла тэ бахтякирэ́л лэс пэ сарэ́ дывэса́.

3 Kralip 10:2

И явдя́ ёй дро Ерусалимо древа́н барэ́ барвалыпнаса: верблюды сыс ландадэ (обубладэ) ароматытконэ чарье́нца и древа́н бут сувнака́са и дрогонэ́ барэ́нца; и явдя́ кэ Соломо́но, и ракирдя́ лэ́са пал саро́, со сыс ла́тэ пэ ило́.

Čysly 7:14

екх сувнакуны́ кадила дрэ дэш шэ́кели, чхуды́ пхэрдэ́с фимиамоса (гудлэ́ смолэнца),

Sykadyipén 19:10

И мэ пыём анги́л лэ́скирэ ґэра́ тэ поклонинавпэ патыва́са лэ́скэ. Нэ ёв пхэндя́ ма́нгэ: “Дыкх жа, на́ кэр дава́. Мэ сом дасаво-паць писха́ри, сыр ту сан, и мэ сом кхэтанэ́ тырэ́ пшалэ́нца тэ досыкавав пал Христосо́стэ. Дэ паты́в Дэвлэ́скэ, пал-дова́ со допхэныбэ́н пал Христосо́стэ исын Христосо́скиро лав.”

Матфеё 14:33

И кодолэ́, савэ́ сыс Лэ́са дрэ ба́рка, поклониндлэпэ Лэ́скэ и пхэндлэ́: “Чачэс, Ту сан Дэвлэ́скиро Чхаво́.”

Sykadyipén 5:8

И ке́ли Ёв лыя́ сви́тко, штар джидалэ (жывотна) и биш тэ штар годэпхурэ́ пынэ́ пэ чанга́ анги́л Свэнтонэ́ Бакрорэстэ. Кажнонэ́стэ лэ́ндыр сыс гусли и сувнакунэ́ тахтая́ (чашы), савэ́ сыс пхэрдэ́ фимиамоса дрогонэ́-смолакирэ тхувипнаса (фимиамоса), со исын патерья (молитвы), ке́ли свэ́нта мангэ́напэ Дэвлэ́скэ.

Luka 2:38

Дрэ дова́-паць мардо́ (шту́нда) ёй подги́я и славиндя Дэвлэ́с, и ракирдя́ пал Чхаворэстэ сарэ́нгэ, кон ужакирдя выракхибэн дро Израилё.

1 Kralip 10:27

А налачхэ́ мануша́ ракирдэ́: “Лэ́скэ ци тэ зракхэ́л амэн?” И на камлэ́ лэс, и на лыджинэ́ лэ́скэ да́ры; нэ ёв сы́рбы на дыкхця́ дава́.

Čysly 7:86

сувнакунэ́ кадилы, чхудэ́ пхэрдэ́с фимиамоса (гудлэ́ смолэнца), дэшуду́й, дрэ кажно кадила пир дэш шэ́кели, пир свэ́нто шэ́келё: саро́ сувнака́й дрэ кадилы сыс шэл тэ биш шэ́кели.

Левито 6:15

и мэк тэ лэл раша́й пэ́скирэ бурныкаса (жменяса) марунэ яныбнастыр и парнэ́-гивэскирэ яржэстыр и елеёстыр и саро́ ливано, саво́ пэ алта́рё: дава́ исын гудло́ тхув дро рипирибэ́н, лачхо́, анги́л Растэ-Дэвлэ́стэ;

Vygiiben 30:34

И пхэндя́ Рай Дэвэ́л Мойза́скэ: “Лэ пэ́скэ лачхэ́-кхандыпнытка чарьендыр: стакта, онихо, гудло́ халвано и жужо́ ливано, саро́ пир шэра́ (ра́внэс),

Džiibén 43:11

Лэ́нгиро дад, о Израилё, пхэндя́ лэ́нгэ: “Ко́ли адя́кэ, тэды, ґа́да, со кэрэ́н: лэн пэ́са далэ́ пхувья́кирэ барьякирдэ́ (пло́ды), и лыджа́н дро почастунко одолэ́скэ манушэ́скэ: вари-кицы́ бальзамо и вари-кицы́ авги́н (мэда), ароматы и ладано, фисташки и миндалитка пэґэнда́ (орехи);

Малахия 1:11

Мирэ́ лавэ́скэ явэ́ла бари паты́в машки́р Наюды́тка на́цыи (народы), одотхы́р, кай кхам уштэ́ла и кэ дова́ штэ́то, кай кхам заджа́ла. Пэ кажно штэ́то дрогонэ́-смолакиро тхувипэн явэ́ла Ма́нгэ, жужо́ свэ́нто дыибэ́н; ваш дова́, со Мирэ́ Лавэ́скэ явэ́ла бари паты́в машки́р Наюды́тка на́цыи,” – ракирэ́ла янголэ́нгирэ-болыбна́скиро Рай Дэвэ́л.

Psalmy 45:8

Ту́кэ исын дро́го чачипэ́н и ту бидыкхэса фуипэ́н, палдава́ Дэвэ́л, тыро́ Дэвэ́л, помакхця тут тэ свэнцякирэл бахтякирдэ дзэтэса (елеёса) анги́л тырэ́ малэндэ.

Psalmy 2:12

Кутякирэн Чхавэ́с, соб (кай) тумэ́ тэ на хасён дромэ́са, а Лэ́скири холы́ сашты́ тэ росхачол сы́гэс. Бахталэ́ исын одолэ́, савэ́ патя́на дрэ Лэ́стэ.

3 Kralip 10:10

И дыя́ дро да́ро ёй крали́скэ шэл тэ биш тала́нты сувнака́й и древа́н бут ароматытка чарья́ и дро́га бара́; нике́ли буты́р на сыс ада́кицы бут ароматытка чарья́, кицы́ дыя́ дро да́ро кра́лица Савакири крали́скэ Соломоно́скэ.

Vygiiben 30:23

“Лэ пэ́скэ са́мо фэдэды́р лачхэ́-кхандыпнытка чарьендыр (парфуны): смирна саматочно панджшэла́ шэ́кели, гудлы корица кхандуны паш проти дова́, дуй шэла́ пандждэша́ гудлы тришчына (троснико) дуй шэла́ пандждэша́,

Гиленгири (Соломоно́скири) Гилы́ 3:6

“Кон адава́ исын, саво́ уштэ́ла чхучэ́ прахэндыр, сы́рбы баро́ тхув ґаздэ́лапэ, саво́ исын тхувлякирдо миро́са и гудлэ́ смоласа, и кажнонэ́ лачхэ́-сунгакирэ драбэнца тылгарьендыр (купцэндыр).

Матфеё 1:18

Адя́кэ, сыр Ису́со Христо́со бия́ндыя: пало́ (после) доракирибэ́н тэ лэнпэ, сыр Лэ́скирэ да́кэ Мариякэ трэиндя́ тэ выджа́л палоро́м пал Ёзастэ, нэ анги́л, сыр лэ́нгэ тэ зджанпэ (тэ лэнпэ), выгия́, со Ёй сыс пхари́ Свэнтонэ́ Духо́стыр (Фаностыр).

Матфеё 2:10

Ке́ли ёнэ дыкхнэ́ чэргэн, ёнэ древа́н обрадындлэпэ.

Матфеё 12:46

Ке́ли Ёв ракирдя́ манушэ́нгэ, акэ, дай Лэ́скири и пша́ла Лэ́скирэ сыс тэрдэ́ дрэ риг манушэ́ндыр, и лэ́нгэ трэиндя́ тэ ракирэ́н Лэ́са.

Joannostir 19:39

И явдя́ адя́кэ-паць Никадимо, саво́ ґарэдыр явэ́лас кэ Ису́со раты́, и яндя́ пашэ́ шэл фунты лачхэ́-кхандыпнытко составо (дзэт), дро саво́ сыс змешындло миро алоёса.