Матфеё 19:21 - Библия - Пэ Балтитко Романи чиб (Романэс) 2019

²¹ Ису́со пхэндя́ лэ́скэ: “Ко́ли ту́кэ исын пир ило́ тэ явэс бидошакиро, джа́, бикин саро́, со исын ту́тэ, и роздэ богэнгэ, соб (кай) тэ явэ́л ту́тэ кучипэ́н дро Болыбна́скиро Раё; яв’ и джа́ Ма́нца.”

Biblija - Pe Baltitko Romani čib (Romanes) 2019

²¹ Isúso phendiá léske: “Kóli túke isyn pir iló te javes bidošakiro, džá, bikin saró, so isyn túte, i rozde bogenge, sob (kaj) te javél túte kučipén dro Bolybnáskiro Rajo; jav’ i džá Mánca.”

Матфеё 19:21 Referans Kwoze

Marko 10:21

Ису́со ласкаса подыкхця́ пэ лэ́стэ и ракирэ́ла: “Ту́кэ екх на ухты́лла (на́доси): джа́, розбикин саро́ пэ́скиро барвалыпэ́н, и роздэ ловэ́ чорорэнгэ, тэды ту́тэ явэ́ла кучипэ́н пэ болыбэ́н; тэ́ньчи яв, джа́ пал Ма́ндэ.”

Luka 18:22

И ке́ли Ису́со шундя́ дава́, Ёв пхэндя́: “Екх ту́кэ на ухты́лла (на́доси): джа́, розбикин саро́ пэ́скиро барвалыпэ́н, и роздэ ловэ́ богэнгэ, тэды ту́тэ явэ́ла кучипэ́н пэ болыбэ́н; тэ́ньчи яв, джа́ пал Ма́ндэ.”

Luka 12:33

Бикнэн, со тумэ́ндэ исын и роздэн ловэ́ богэнгэ; кэрэ́н пэ́скэ муе́нгирэ (кошэльки), савэ́ на ячэ́на пхуранэ́, кэдэн пэ́скэ кучипэ́н, саво́ на тыкнёла дро Болыбна́скиро Раё, карик чор на подганавэлапэ, и моль (мэль) на хасякирэ́ла.

Luka 14:33

Палдава́ кажно тумэ́ндыр, кон на отпхэнэлапэ сарэ́стыр, со лэ́стэ исын, на могинэ́ла тэ явэ́л Миро сыкляибны́тко.

Apostolengiri Butý 2:45

ёнэ бикнэнас фэлатиня́ и саро́ пэ́скиро барвалыпэ́н, со лэ́ндэ сыс, и роздэнас сарэ́нгэ пир дова́, кон со трэбиндя.

Joannostir 12:26

Одова́, саво́ Ма́нгэ дынаринэла, мэк тэ джал пал Ма́ндэ, и кай Мэ сом одо́й и дына́ри Миро явэ́ла; и одолэ́скэ, кон Ма́нгэ явэ́ла тэ дынаринэ́л, одолэ́с Миро Дад славинэла.

Luka 9:23

И Ёв пхэндя́ лэ́нгэ сарэ́нгэ: “Ко́ли вари-кон камэ́ла тэ джал пал Ма́ндэ, мэк тэ на думинэл буты́р пал пэ́стэ, мэк тэ лэл трушу́л пэ́скиро и тэ джал пал Ма́ндэ;

Joannostir 10:27

Мирэ́ бакрэ́ шунэ́на зан Мири́, и Мэ джино́м (джина́в) лэн, и ёнэ джа́на пал Ма́ндэ;

Матфеё 5:48

Палдова́ явэ́н бидошакирэ, сыр бидошакиро исын тумаро́ Болыбна́скиро Дад.

Luka 16:9

И Мэ пхэна́ва тумэ́нгэ: малынэнпэ барвалыпнаса далэ́ свэто́стыр, саво́ могинэ́ла тэ явэ́л биба́хт адя́кэ, сыр исын лачхо́ Дэвлэ́скэ, соб (кай), ке́ли дава́ барвалыпэ́н кончынэлапэ, тумэ́ тэ явэ́н прилынэ́ дро ве́чно кхэр.’”

Матфеё 19:28

И Ису́со пхэндя́ лэ́нгэ: “Чачэс, Мэ ракира́ва тумэ́нгэ: тумэ́, савэ́ гинэ́ Ма́нца дро нэво́ свэ́то, саво́ Дэвэ́л кэрэ́ла, ке́ли бэшэ́ла Чхаво́ Манушэ́скиро пэ славу́тно престоло, тэды бэшэна адя́кэ-паць и тумэ́ пэ дэшуду́й троны, соб (кай) тэ сэндинэ́н дэшуду́й ро́ды Израилёскирэ.

Матфеё 16:24

Тэ́ньци Ису́со пхэндя́ Пэ́скирэ сыкляибнытконэ́нгэ: “Ко́ли вари-конэ́скэ пир ило́ тэ джал Ма́нца, мэк тэ на думинэл буты́р пал пэ́стэ, и мэк тэ лэл трушу́л пэ́скиро, и мэк тэ джал пал Ма́ндэ.”

Luka 6:40

Сыкляибны́тко исын на барэды́р сыклякирибнаскирэстыр; нэ ке́ли сыкляибны́тко высыклёла саро́, ёв явэ́ла сыр сыклякирибна́скиро.

Luka 5:27

Пало́ дава́ Ису́со выгия́ и дыкхця́ мытытконэ (таксытконэ) скэдыибнарис пир лав Левиё, саво́ сыс бэшто́ дро мытытко кхэр, и раки́рла лэ́скэ: “Яв Ма́нца”,

Marko 8:34

И Ёв кхардя́ манушэ́н и Пэ́скирэ сыкляибнытконэ́н и пхэндя́ лэ́нгэ: “Конэ́стэ исын пэ ило́ тэ джал пал Ма́ндэ, мэк тэ отпхэнэлпэ пэ́стыр, мэк тэ лэл трушу́л пэ́скиро и тэ джал пал Ма́ндэ.

Матфеё 9:9

И сыр Ису́со джа́лас пашы́л одотхы́р, Ёв дыкхця́ манушэ́с, саво́ сыс бэшто́ дро мытытко (налогитко) кхэр, Матфеёс, и раки́рла Лэ́скэ: “Яв Ма́нца”, и ёв уштыя́ и гия́ пал Лэ́стэ.

Юдэ́нгэ 10:34

Тумэ́ пиридживэнас кхэтанэ́ манушэ́нца, савэ́ сыс бэштэ́ дро штарибэ́н, и ке́ли лынэ́ зорья́са тумаро́ миштыпэ́н, тумэ́ дава́ прилынэ́ радыма́са, пал-дова́ со тумэ́ джинэ́на, со тумэ́ндэ исын дро Болыбна́скиро Раё фэдэды́р миштыпэ́н, саво́ ячэ́лапэ ве́чнэс.

Marko 2:14

Прогии дурэды́р, Ёв дыкхця́ Левиёс, Алфеёскирэ чхавэ́с. Одова́ сыс бэшто́ дро мытытко кхэр. “Яв Ма́нца”, – ракирэ́ла Лэ́скэ Ису́со. Левиё уштыя́ и гия́ пал Лэ́стэ.

Матфеё 8:22

Нэ Ису́со ракирэ́ла лэ́скэ: “Яв Ма́нца; мэк мулэ́ тэ гаравэн пэ́скирэ мулэн.”

Матфеё 4:19

И Ёв ракирэ́ла лэ́нгэ: “Явэ́н Ма́нца, и Мэ кэра́ва тумэ́ндыр манушэ́нгирэ мачхибнарьен”

Psalmy 37:37

Придыкхпэ ваш приме́ро (сыкаибэ́н) кэ бидошэ́нгиро ману́ш и дыкх пэ чачунэ́ манушэ́стэ, пал-дова́ со штылэ манушэ́стэ, саво́ тырдэлапэ кэ рама́нё (миро), явэ́на патомки.

Ióvo 1:1

Екх ману́ш сыс пэ пхув Уц, лэ́скиро лав сыс Ио́во, ёв сыс бибангипнаскиро и дэвлы́тко ману́ш. Ёв дарандыя (дардяпэ) Дэвлэ́стыр и обрикирэлас пэс тэ кэрэ́л биба́хт.

Džiibén 17:1

Аврамоскэ сыс енядэша еня́ бэрш, и Рай Дэвэ́л сыкадыя́ Аврамоскэ и пхэндя́ лэ́скэ: “Мэ сом Сарэзорья́киро Рай Дэвэ́л; псир анги́л Ма́ндэ и яв бидошэ́нгиро;

Džiibén 6:9

Ѓа́да, исын лав пал Ноёскиро ро́до: Ноё сыс чачуно́ ману́ш и би грэхоскиро дро пэ́скиро ро́до, Ноё псирдя́ дро екхипэ́н анги́л Дэвлэ́стэ.

Матфеё 19:20

Раки́рла Лэ́скэ тырно ману́ш: “Дава́ саро́ мэ кэрдём; со ишчо (инкэ́) на ухты́лла (на́доси) ма́нгэ?”

Матфеё 19:22

Нэ ке́ли тырно ману́ш шундя́ дава́, ёв гия́ криг пхарипнаса пэ ило́, пал-дова́ со лэ́стэ сыс баро́ барвалыпэ́н.