Матфеё 17:18 - Библия - Пэ Балтитко Романи чиб (Романэс) 2019

¹⁸ И Ису́со припхэндя́ зоралэ́с раклорэскэ, и гия́ яври́ лэ́стыр на́лачхо ду́хо (фа́но), и екха́тыр тэрнэ́-бэршэнгиро яця́ састо́.

Biblija - Pe Baltitko Romani čib (Romanes) 2019

¹⁸ I Isúso priphendiá zoralés rakloreske, i gijá javrí léstyr nálačho dúho (fáno), i jekhátyr terné-beršengiro jaciá sastó.

Матфеё 17:18 Referans Kwoze

Матфеё 9:22

И Ису́со рисия́ палэ, дыкхи́ ла, пхэндя́: “Яв муршканы, чха́е, тыро́ патяибэ́н зракхця́ тут.” И екха́тыр (сра́зу) ада́я джувлы́ яця́ састы.

Apostolengiri Butý 16:18

И ёй адя́кэ кэрдя́ бут дывэса́. А Па́вли, сыр холя́сыя, рисия́ и пхэндя́ налачхэ́ духоскэ: “Исусо́скирэ Христосо́скирэ лавэ́са Мэ припхэнава ту́кэ: выджа ла́тыр.” И ду́хо (фа́но) дро дова́-паць часо выгия́.

Luka 9:42

Ке́ли тэрнэ́-бэршэнтиро джа́лас, на́лачхо ду́хо (фа́но) радя лэс и лыя́ тэ издралякирэл лэс; нэ Ису́со припхэндя́ на́лачхо духоскэ; Ёв высастякирдя́ тэрнэ́-бэршэнгирэс и отдыя́ палэ лэс дадэ́скэ.

Luka 8:29

Пал-дова́ со Ису́со припхэндя́ налачхэ́ духоскэ (фаноскэ) тэ выджа́л далэ́ манушэ́стыр; на́лачхо ду́хо (фа́но) ґара́ мэнчындя лэс адя́кэ, со лэс пхандэнас цэпэ́нца (зандирье́нца) и састырэнца пэ ґэра́; и на́лачхо ду́хо (фа́но) традэлас лэс пэ чхучи́ пхув.”

Marko 5:8

Пал-дова́ со Ису́со припхэндя́ налачхэ́ духоскэ: “Джа́ яври́ адалэ́ манушэ́стыр, на́лачхо ду́хо (фа́но)!”

Marko 1:34

Дро дова́ дывэ́с Ису́со састякирдя древа́н бут самонэ пхарэ́ насвалыпнэндыр и Ёв традэлас яври налачхэ́ ду́хи, и припхэнэлас Ёв лэ́нгэ тэ на ракирэ́н, пал-дова́ со ёнэ джиндлэ́, со Ёв сыс Христо́со.

Матфеё 15:28

Тэ́ньци Ису́со отпхэндя́ ла́кэ: “Джувли́е, баро́ исын тыро́ патяибэ́н; мэк тэ явэ́л, сыр ту камэ́са.” И екха́тыр ла́кири чхай яця́ састы.

Матфеё 12:22

Тэ́ньци яндлэ́ кэ Ёв корорэ́ и кашукэ манушэ́с налачхэ́ духо́са и Ёв высастякирдя́ лэс адя́кэ, со короро́ и кашуко лыя́ тэ ракирэ́л и тэ дыкхэ́л.

Luka 4:41

и бут налачхэ́ ду́хи адя́кэ-паць выджа́нас бутэ́ манушэ́ндыр годла́са и ракирдэ́: “Ту сан Христо́со, Дэвлэ́скиро Чхаво́.” А Ёв припхэндя́ лэ́нгэ тэ на ракирэ́н, со ёнэ джинэ́на, со Ёв исын Христо́со.

Матфеё 17:17

Ису́со пхэндя́ дро отпхэныбэ́н: “Тумэ́ сан напатяибнаскиро и пхарэ́-манушэ́нгиро ро́до, кицы́ Мэ тэ явав тумэ́нца? Кицы́ Мэ ява́ва тэ вырикирав тумэн? Янэ́н лэс адари́к.”

Матфеё 17:19

Тэ́ньци подгинэ́ екх сыкляибны́тка кэ Ису́со и пхэндлэ́: “Со́скэ амэ на могиндям тэ традас яври́ лэс?”