Матфеё 16:13 - Библия - Пэ Балтитко Романи чиб (Романэс) 2019

¹³ И ке́ли Ису́со явдя́ пэ пхувья́ Кесария Филипоскири, Ёв пхучэлас Пэ́скирэ сыклытконэндыр, ракири́: “Пал Конэ́стэ мануша́ гинэ́на Ман, Манушэ́скирэ Чхавэ́с?”

Biblija - Pe Baltitko Romani čib (Romanes) 2019

¹³ I kiéli Isúso javdiá pe phuvjá Kiesarija Filiposkiri, Jov phučelas Péskire syklytkonendyr, rakirí: “Pal Konéste manušá ginéna Man, Manušéskire Čhavés?”

Матфеё 16:13 Referans Kwoze

Дание́лё 7:13

Дыкха́вас мэ дро рати́тко дыкхибэ́н, акэ, болыбнытконэ облокэ́нца джа́лас о Чхаво́ манушэ́нгиро, догия́ кэ Пхурыдыр, ґаратунэ́-дывэсэнгиро и сыс лыджино кэ Ёв.

Joannostir 5:27

и Ёв дыя́ Чхавэ́скэ право тэ сэндинэл, пал-дова́ со Ёв исын Манушэ́скиро Чхаво́.

Матфеё 9:6

А соб (кай) тумэ́ тэ джинэ́н, со Чхавэ́стэ Манушэскирэстэ исын зор пэ пхув тэ отмэкэ́л грэ́хи,” тэды Ёв ракирэ́ла насвалэскэ: “Ушты́, лэ матрацо пэ́скиро, и джа́ дро пэ́скиро кхэр.”

Матфеё 13:37

И Ёв пхэндя́ дро отпхэныбэ́н: “Кон сеинэла (чхувэ́ла) дрэ пхув лачхи́ зя́рка исын Чхаво́ Манушэ́скиро;

Матфеё 12:8

Пал-дова́ со Манушэ́скиро Чхаво́ исын хула́й и пэ са́вато.”

Матфеё 8:20

И ракирэ́ла лэ́скэ Ису́со: “Локхнендэ (лисэндэ) исын норы, болыбна́скирэ чириклендэ исын гня́зды (ку́фы), а Манушэ́скирэ Чхавэ́скэ нанэ кай шэро́ тэ чхувэ́л.”

Apostolengiri Butý 10:38

пал Исусо́стэ Назаретостыр: сыр Дэвэ́л дыя́ Свэ́нто Ду́хо (Фа́но) Лэ́скэ и зор, и, сыр Ёв псирдя́ пир сари́ пхув, кэрдя́ лачхипэ́н и састякирдя сарэ́н, савэ́ндэ сыс налачхэскири зор, пал-дова́ со Дэвэ́л сыс Лэ́са.

Apostolengiri Butý 7:56

И пхэндя́ ёв: “Дыкхэ́н! Мэ дыкха́ва отчхакирдо болыбэ́н и Манушэ́скирэ Чхавэ́с, Саво́ сыс тэрдо́ пир чачи́ риг Дэвлэ́стыр.”

Joannostir 12:34

Мануша́ отпхэндлэ́ Лэ́скэ: “Амэ уджиндям Законо́стыр; со Христо́со на мэрэ́ла ние́кхвар; сыр Ту ракирэ́са, со Чхаво́ Манушэ́скиро явэ́ла ґаздыно́? И кон адава́ исын Манушэ́скиро Чхаво́?”

Marko 10:45

Адя́кэ и Чхаво́ Манушэ́скиро явдя́ на ваш дова́, соб (кай) Лэ́скэ тэ дынаринэ́н (тэ служынэн), нэ соб (кай) Ёв кокоро́ тэ дынаринэ́л и тэ отдэ́л Пэ́скиро джиибэ́н, сыр выкиныбэ́н пал бутэндэ.”

Marko 8:38

Кон кадава́ грэхитконэ́ и биладжаипнытконэ родо́стыр ладжала Ма́ндыр и лавэ́ндыр Мирэндыр, одолэ́стыр и Чхаво́ Манушэ́скиро ладжала, ке́ли явэ́ла дрэ Дадэ́скирэ – Пэ́скири ярко сла́ва свэнтонэ́ Янголэнца.”

Матфеё 25:31

И ке́ли явэ́ла Чхаво́ Манушэ́скиро кралитконэ слава́са и сарэ́ Лэ́скирэ Янголэнца, тэды Ёв бэшэ́ла пэ Лэ́скиро славу́тно троно;

Матфеё 15:21

И гия́ пэ́скэ Ису́со одотхы́р и дурия пэ Тироскирэ и Сидоноскирэ штэ́ты;

Матфеё 13:41

бичхавэ́ла Чхаво́ Манушэ́скиро Пэ́скирэ Янголэн, и скэдэ́на Лэ́скирэ Кралипнастыр саро́, со злыджала манушэ́н кэ грэ́хо, и сарэ́н, кон кэрэ́ла на пир Зако́но;

Матфеё 12:32

И ко́ли вари-кон пхэнэ́ла лав пэ Чхавэ́стэ Манушэскирэстэ, лэ́скэ грэ́хо явэ́ла отмэкно, нэ кодова́, саво́ пхэнэ́ла лав пэ Свэ́нто Ду́хо (Фа́но), лэ́скиро грэ́хо на явэ́ла отмэкно ни дро дава́ ве́ко, ни дро ве́ко, саво́ явэ́ла.

Joannostir 3:14

Сыр Мо́йза (Моисеё) ґаздыя́ сапэс пэ чхучи́ пхув, адя́кэ Чхавэ́скэ Манушэскирэскэ трэиндя́ тэ явэ́л ґаздыно́,

Joannostir 1:51

И Ёв пхэндя́ лэ́скэ: “Чачэс, чачэс, Мэ ракира́ва тумэ́нгэ: тумэ́ дыкхэ́на отчхакирдо (псирадо) болыбэ́н и Дэвлэ́скирэ Янголэн, савэ́ явэ́на тэ ґаздэ́нпэ кэ Манушэ́скиро Чхаво́ и тэ джа́н тэлэ́ кэ Ёв!”

Матфеё 12:40

Адя́кэ, сыр Иона сыс дро китоскиро пэр трин дывэса́, адя́кэ-паць явэ́ла Чхаво́ Манушэ́скиро дро пхувья́киро хорипэ́н трин дывэса́ и трин ратя.

Матфеё 16:27

Пал-дова́ со явэ́ла Чхаво́ Манушэ́скиро дрэ зорьякири сла́ва Пэ́скирэ Дадэ́скирэ Янголэнца, и тэды кажно (сва́ко) дорэсэ́ла, со явэ́ла мол пал пэ́скиро дова́, со кэрдя́ ёв дро джиибэ́н.

Матфеё 16:28

Чачэс, Мэ ракира́ва тумэ́нгэ: ада́й исын вари-савэ́ мануша́, савэ́ на мэрэ́на, ко́ли анги́л явэ́на тэ дыкхэ́н Чхавэ́с Манушэ́скирэ, саво́ явэ́ла сыр Кра́ли дро Кралипэ́н Пэ́скиро.”