Матфеё 13:47 - Библия - Пэ Балтитко Романи чиб (Романэс) 2019

⁴⁷ Ишчо Кралипэ́н дро Болыбна́скиро Раё исын сы́рбы бари кхуды́ (сетка), со чхурдынэ́ дро мо́рё (дэрья́в) и сави́ скэдыя́ ра́зна мачхэ́,

Biblija - Pe Baltitko Romani čib (Romanes) 2019

⁴⁷ Iščo Kralipén dro Bolybnáskiro Rajo isyn sýrby bari khudý (sietka), so čhurdyné dro mórjo (derjáv) i saví skedyjá rázna mačhé,

Матфеё 13:47 Referans Kwoze

Joannostir 15:6

Нэ, кон на дрэ Ма́ндэ, одова́ исын сыр рандь, сави́ чхурдэлапэ яври́, сави́ зашутёла; нэ адасавэ́ рандя́ скэдэ́на и чхурдэна дрэ яг, и одо́й ёнэ схачона.

Sykadyipén 3:1

И чхин Янголоскэ Сардисоскирэ кхангирья́тыр: “Дава́ ракирэ́ла Одова́, Конэ́стэ исын эфта́ Дэвлэ́скирэ ду́хи и эфта́ чэргэня́: “Мэ джино́м (джина́в) тыри́ буты́, и со мануша́ дэн годы́ пэ́скэ (думинэ́на), со ту сан джидо́, нэ ту сан муло́.

Marko 1:17

И пхэндя́ лэ́нгэ Ису́со: “Джа́н пал Ма́ндэ, Мэ кэра́ва тумэ́ндыр манушэ́нгирэ старибнарьен.”

Galatenge 2:4

дава́ сыс пал хоханэ́ пшалэ́ндэ, савэ́ явнэ́ чораханэ́с тэ уджинэ́н пал амари́ вольныма, со амэ́ндэ исын пир екхипэ́н Исусо́са Христосо́са ваш дова́, соб (кай) тэ кэрэ́н амэн писхарье́нца;

2 Коринфянэнгэ 11:26

мэ со́мас бут мо́лы дрэ дрома́, дрэ дар пэ рэка (лэнь), дрэ розмарибнэнгирэ васта́, дрэ дар пэ́скирэ манушэ́ндыр, дрэ дар Юдэндыр, дрэ дар Наюдэндыр: дрэ дар дро фо́ро, пэ чхучи́ пхув, дрэ дар пэ мо́рё (дэрья́в), дрэ дар хоханэ́ пшалэ́ндыр;

Apostolengiri Butý 20:30

адя́кэ-паць и машки́р тумэ́ндэ явэ́на мануша́, савэ́ явэ́на тэ ракирэ́н хохано́ сыкляибэн, соб (кай) тэ злыджан пал пэ́стэ сыкляибнытконэ́н.

Luka 5:10

Яково и Иа́но, Заведеёскирэ чхавэ́, мала́ Симоноскэ, дивиндлэ́пэ адя́кэ-паць. Тэ́ньци Ису́со пхэндя́ Симоноскэ: “На, андырша, Симоне, Мэ кэра́ва адя́кэ, со ту явэ́са тэ старэс манушэ́н.”

Матфеё 4:19

И Ёв ракирэ́ла лэ́нгэ: “Явэ́н Ма́нца, и Мэ кэра́ва тумэ́ндыр манушэ́нгирэ мачхибнарьен”

1 Коринфянэнгэ 11:19

Ваш дава́ трэй, соб (кай) тэ явэ́н ра́зна групы машки́р тумэ́ндэ, соб (кай) тэ сыкавэ́н пэс одолэ́ мануша́, кон исын тэрдэ́ пэ чачуно́ дром машки́р тумэ́ндэ.

Joannostir 15:2

Кажно рандь (вэтка), сави́ исын дрэ Ма́ндэ, и сави́ на дэ́ла барьякирдо́ (пло́до), Ёв обчингирэла; и кажно рандь, сави́ дэ́ла барьякирдо́, Ёв жужакирэла (чыстинэла), соб (кай) ёй бутэды́р тэ дэл барьякирдо́.

Езэкилё 47:10

Явэ́на тэрдэ́ пашы́л лэ́стэ мануша́, савэ́ ухтылэна мачхэн Эн-Гадятыр (Ен-Гаддятыр) кэ Еглаимо, ёнэ явэ́на тэ зачхурдэн кхудя (сети). Одо́й явэ́ла мачхэ́, явэ́на бут мачхэ́ сыр дро Баро́ Мо́рё (дэрья́в).

Матфеё 13:44

Кралипэ́н дро Болыбна́скиро Раё исын сы́рбы дро́гима дро кучипэ́н, со исын гарады пэ фэ́лда, саво́ ману́ш, сыр латхя́, гарадя, и радыма́тыр джа́ла и саро́ бикнэла, со лэ́стэ исын, и кинэла кодоя фэ́лда.

Матфеё 13:46

и сыр латхя́ екх куч мутин (жэмчуго), гия́ и бикиндя саро́, со лэ́стэ исын и киндя ла.

Матфеё 13:48

и сыр кхуды́ сыс пхэрды́, мануша́ тырдынэ яври́ ла пэ брэ́го и бэшнэ́, скэдыи лачхэ́ мачхэ́ дрэ пирья, а налачхэ́ чхурдынэ́ яври́.