Матфеё 13:15 - Библия - Пэ Балтитко Романи чиб (Романэс) 2019

¹⁵ пал-дова́ со адалэ́ манушэ́нгиро ило́ кашталыя, и ёнэ шунэ́на фуес пэ́скирэ канэнца и якха́ пэ́скирэ закэрдэ, соб (кай) тэ на дыкхэ́н якхэ́нца, и тэ на шунэ́н канэнца, и тэ на ґалён илэ́са, и тэ на рисён кэ Мэ, соб (кай) Мэ тэ высастякирав лэн.’

Biblija - Pe Baltitko Romani čib (Romanes) 2019

¹⁵ pal-dová so adalé manušéngiro iló kaštalyja, i jone šunéna fujes péskire kanenca i jakhá péskire zakerde, sob (kaj) te na dykhén jakhénca, i te na šunén kanenca, i te na ĥaljon ilésa, i te na risjon ke Me, sob (kaj) Me te vysastiakirav len.’

Матфеё 13:15 Referans Kwoze

Isajos 6:10

Пал-дова́ со наковло яця́ далэ́-народоскиро ило́, пхарэ́с лэ́нгэ тэ шунэ́н закэрдэ якхэ́нца, и на дыкхэ́на якхэ́нца, и на шунэ́на канэнца, и на ґалёна илэ́са, и на обрисёна, соб (кай) Мэ тэ высастякирав лэн.”

Marko 4:12

Ёнэ дыкхэ́на якхэ́нца, и на дыкхэ́на, ёнэ шунэ́на, и на ґалёна; а ко́ли ёнэ рискирэнас пэ́скиро джиибэ́н кэ Дэвэ́л, тэды ёнэ явэ́нас примангнэ.”

Заха́рия 7:11

Нэ ёнэ на камлэ́ тэ кандэ́н, отрисинэ Ма́ндыр, и кана́ пэ́скирэ оттырдынэ, соб (кай) тэ на шунэ́н.

Малахия 4:2

Нэ ваш тумэ́нгэ, кон дарэ́ла Мирэ́ лавэ́стыр, ґаздэ́лапэ Кхам чачипна́скиро, со явэ́ла тэ састякирэл лучэнца, и тумэ́ джа́на яври́ и тумэ́ явэ́на тэ ухтэн, кхэлындой, сы́рбы тхулэ целянты.

Ереме́ё 17:14

Састякир ман, Раё Дэ́вла, и мэ ява́ва састякирдо; зра́кх ман, и мэ ява́ва зракхно, пал-дова́ со пал Ту́тэ исын миро шарибэ́н.

Юдэ́нгэ 5:11

Амэ́нгэ трэй тэ ракирас бут пал дава́, нэ дава́ исын пхаро́ тэ пирипхэнас тумэ́нгэ, пал-дова́ со тумэ́ ґалёна пово́линькэс (насыгэс).

2 Ximaske 4:4

Ёнэ отрискирэна пэ́скирэ кана́ тэ шунэ́н чачипэ́н, а ёнэ рискирэна кана́ тэ шунэ́н манушэ́нгирэ парамыси.

Apostolengiri Butý 7:57

Нэ ёнэ задынэ го́дла и закэрдэ пэ́скирэ кана́, и сарэ́ кхэтанэ́ чхурдынэпэ пэ лэ́стэ;

Psalmy 119:70

Лэ́нгиро ило́ исын тхуло, на шунэ́ла нисо́, нэ ма́нгэ исын древа́н дро́го Тыро́ Зако́но.

Sykadyipén 22:2

Машкир форо́скири ґаса (вули́ца), пэ екх и пэ яви́р рэкакири (лэнякири) риг сыс джиибна́скиро кашт (дрэ́во), со дэ́лас дэшуду́й барьякирдэ́ (пло́ды), кажно чхон пэ́скиро барьякирдо́. И каштэ́скирэ патря́ (листы) сыс тэ састякирэн манушы́тка на́цыи (народы).

Apostolengiri Butý 3:19

Рискирэ́н пэ́скиро джиибэ́н и рисён кэ Дэвэ́л, соб (кай) тумарэ́ грэ́хи тэ явэ́н кхослэ тумэ́ндыр;

Osija 14:4

Асуро (Асирия) буты́р на явэ́ла тэ ракхэ́л амэн, амэ на ява́са тэ традас уклистэ́, и амэ на ява́са буты́р тэ ракирас пэ буты́ амарэ́ вастэнгири: ‘Тумэ́ сан амарэ́ дэвэла́’; пал-дова́ со и пироты (бидадэнгирэ чхаворэ́) латхэ́на ла́ска Ту́тэ.”

Ереме́ё 33:6

Акэ, Мэ причхувава састякирибнытко шмата (пластырё) и Мэ выдрабакирава лэн, и Мэ састякирава лэн, и Мэ сыкава́ва лэ́нгэ бут мо́лы рама́нё и патяибэ́н.

Isajos 57:18

Мэ дыкхцём лэ́скирэ дрома́; Мэ састякирава лэс, Мэ ява́ва тэ лыджав лэс, Мэ ла́ва тэ подрикирав лэс и одолэ́н, кон тугинэла лэ́са.

Isajos 44:20

Ёв ха́ла, хохавэлапэ, хохадо ило́ лыджа́ла явирэ дромэ́са лэс; и нисыр ёв на вырискирэла пэ́скиро ило́, на пхэнэ́ла: “Ци нанэ хохаибэ́н дро Миро чачо́ васт?”

Ереме́ё 3:22

Рисён тумэ́, отгиибнытка чхаворалэ, и Мэ састякирава тумаро́ начачипэ́н. И ёнэ пхэндлэ́: ‘Акэ, амэ джа́са кэ Ту, пал-дова́ со Ту сан, Рай Дэвэ́л, амаро́ Дад.’

Ереме́ё 17:9

Ило́ исын хоханэдыр сарэ́стыр и древа́н бибахтало́, кон сашты́ тэ джинэ́л лэс?

Luka 19:42

и пхэндя́: “Ко́ли ту хоць ададывэ́с джинэсас, со ту́кэ трэй ваш тыро́ рама́нё (миро)! Нэ дава́ ишчо (инкэ́) гарадо́ якхэ́ндыр”;

Apostolengiri Butý 28:27

Пал-дова́ со кадалэ́ манушэ́нгиро ило́ яця́ пхаро́ тэ ґалёл, и ёнэ на́бут шунэ́на канэнца, и ёнэ зачхакирдэ якха́ пэ́скирэ, соб (кай) тэ на дыкхэ́н якхэ́нца и тэ на шунэ́н канэнца, и ёнэ на ґалёна илэ́са и на явэ́на кэ Мэ, соб (кай) Мэ тэ высастякирав лэн’.

Pritčy 16:30

Кон марэла якхаса (пришчуринэ́лапэ), одова́ придуминэла чорипэ́н; кон дандырэла пэ́скирэ ушта́, одова́ кэрэ́ла чорипэ́н.