Матфеё 12:41 - Библия - Пэ Балтитко Романи чиб (Романэс) 2019

⁴¹ Мануша́ Ниневиятыр ґаздэ́напэ пэ сэ́ндо кадалэ́ манушэ́нца и допхэнэна пэ лэ́ндэ, пал-дова́ со ёнэ рисинэ́ пэ́скирэ грэхэ́ндыр кэ Дэвэ́л, ке́ли о Иона пхэнэлас, и, акэ, ада́й исын Екх, Саво́ исын буты́р Ионастыр.

Biblija - Pe Baltitko Romani čib (Romanes) 2019

⁴¹ Manušá Ninievijatyr ĥazdénape pe séndo kadalé manušénca i dophenena pe lénde, pal-dová so jone risiné péskire grehéndyr ke Devél, kiéli o Iona phenelas, i, ake, adáj isyn Jekh, Savó isyn butýr Ionastyr.

Матфеё 12:41 Referans Kwoze

Матфеё 12:42

Кра́лица Паш-Дывэсытконэ (Югоскирэ) Ригакири ґаздэ́лапэ пэ сэ́ндо манушэ́нца далэ́ родо́стыр и допхэнэ́ла пэ лэ́ндэ: пал-дова́ со ёй явэ́лас пхувья́кирэ ягоро́стыр (краёстыр) тэ шунэ́л Соломоно́скиро годьварипэн, и, ада́й исын Екх, Саво́ исын барэды́р Соломоностыр.

Юдэ́нгэ 11:7

Патяибна́са Ноё дорэсця́ подракхибэн пал дова́, со на сыс джиндло́ ни конэ́скэ; ёв свэнтонэ́ дара́са кэрдя́ ковчэго и зракхця́ пэ́скири сэ́м΄я (ири́). Патяибна́са ёв сэндиндя свэ́то, и Дэвэ́л приґалыя лэс чачипнаскирэ чхавэ́са пал лэ́скиро патяибэ́н.

Римлянэнгэ 2:27

И мануша́, савэ́ бияныпнастыр на сыс обчхиндлэ́, а кэрэ́на пир Зако́но, ци ёнэ явэ́на тэ сэндинэ́н тут, саво́ на кэрэ́ла пир Зако́но и джинэ́ла Свэ́нто Чхиныбэ́н?

Joannostir 3:31

Кодова́, Кон явдя́ вучипна́стыр, исын вучэды́р сарэ́ндыр; а кон бия́ндыя пэ пхув исын пхувитко, и ракирэ́ла сыр ману́ш, саво́ дживэ́ла пэ пхув. Кодова́, Кон явдя́ Болыбна́скирэ Раёстыр, исын вучэды́р сарэ́ндыр.

Матфеё 12:6

Нэ Мэ пхэна́ва тумэ́нгэ: кадава́, со исын ада́й, исын бутэды́р Кхангирья́тыр.

Jona 1:2

“Ушты́, джа́ кэ Ниневия, дава́ баро́ фо́ро, и ра́кир зоралэ́с проти лэ́стэ: пал-дова́ со далэ́ форо́скирэ-манушэ́нгирэ злыднитка рэ́нды (фуй де́лы) явнэ́ анги́л Ма́ндэ.”

Ереме́ё 3:11

Тэ́ньци пхэндя́ Рай Дэвэ́л ма́нгэ, Еремеёскэ: “Израиле, саво́ отгия́ патяибнастыр, сыкадя́ пэс чачунэдыр, сыр здыибнаскири Юдэ́я.

Joannostir 4:12

Ту, хай, на сан барэды́р амарэ́ дадэ́стыр Яковостыр, саво́ дыя́ дая ґаны́нг амэ́нгэ, пия ёв кокоро́, и чхавэ́ лэ́скирэ, и кхэри́тка мурдала́ лэ́скирэ (ското)?”

Luka 11:32

Ниневиякирэ мануша́ ґаздэ́напэ тэ сэндинэнпэ далэ́ родоса и ёнэ допхэнэна пэ лэ́ндэ, пал-дова́ со ёнэ на рисинэ́ грэхэ́ндыр кэ Дэвэ́л, ке́ли Иона пхэндя́ лав; и ада́й исын Екх, Саво́ исын барэды́р Ионастыр.

Матфеё 23:36

Чачэс, Мэ ракира́ва тумэ́нгэ: кадай сари́ ка́ра явэ́ла пэ дава́ ро́до.

Матфеё 17:17

Ису́со пхэндя́ дро отпхэныбэ́н: “Тумэ́ сан напатяибнаскиро и пхарэ́-манушэ́нгиро ро́до, кицы́ Мэ тэ явав тумэ́нца? Кицы́ Мэ ява́ва тэ вырикирав тумэн? Янэ́н лэс адари́к.”

Матфеё 16:4

Тумэ́ сан бибахтало́ и биладжаипнытко ро́до, саво́ родэ́ла ґерты́к, на явэ́ла тумэ́нгэ ґерты́к, апри́ч Ионаскири гертык.” И Ёв мэкця́ лэн и гия́ пэ́скэ.

Матфеё 12:45

То тэ́ньчи ёв джа́ла и лэ́ла пэ́са эфта́ яви́р ду́хи, со исын фуеды́р лэ́стыр, и ёнэ заджа́на и дживэ́на одо́й, и ячэ́лапэ ваш адалэ́ манушэ́скэ фуеды́р, сыр сыс анги́л дава́. Адя́кэ явэ́ла кадалэ́ налачхэ́ манушэ́нца.”

Матфеё 12:39

Нэ Ёв отпхэндя́ лэ́нгэ, ракири́: “Акэ, исын пэсьцёно и напатяибнытко ро́до, саво́ родэ́ла ґерты́к; на явэ́ла тумэ́нгэ ґерты́к апри́ч Ионаскирэ ґертыкатыр.

Isajos 54:17

Кон бы на ґаздэласпэ пэ ту́тэ вари-со́са, ничи́ ту́са на кэрэ́лапэ; со б на ракирэ́нас пал ту́тэ пэ сэ́ндо, ёнэ явэ́на бангэ́, а на ту. Дава́ исын да́ро сыр мэкно́ миштыпэ́н, со прилэ́на Ра́скирэ-Дэвлэ́скирэ писха́рья, ёнэ явэ́на отмэкнэ и дава́ исын Ма́ндыр,” – ракирэ́ла Рай Дэвэ́л.

Jona 3:4

И лыя́ Ёна тэ псирэ́л пир фо́ро пэ пэ́рво дывэ́с, и ёв миштопхэнэлас. Ёв дыя́ го́дла и пхэндя́ зоралэ́с: “Ишчо штардэша́ дывэса́, и Ниневия пхагирэна кэ руи́ны!”