Матфеё 11:11 - Библия - Пэ Балтитко Романи чиб (Романэс) 2019

¹¹ Чачэс, Мэ ракира́ва тумэ́нгэ: нанэ барэды́р Иано́стыр Болдэипнаристыр машки́р одолэ́ндэ, савэ́н джувля́ биянэна, нэ най тыкнэды́р дро Болыбна́скиро Раё исын барэды́р Иано́стыр.

Biblija - Pe Baltitko Romani čib (Romanes) 2019

¹¹ Čačes, Me rakiráva tuménge: nane baredýr Ianóstyr Boldeipnaristyr maškír odolénde, savén džuvliá bijanena, ne naj tyknedýr dro Bolybnáskiro Rajo isyn baredýr Ianóstyr.

Матфеё 11:11 Referans Kwoze

Luka 7:28

Палдава́ Мэ ракира́ва тумэ́нгэ: нанэ барэды́р пророко́с Иано́стыр Болдэипнаристыр машки́р одолэ́ндэ, савэ́н джувля́ биянэна, нэ най тыкнэды́р дро Болыбна́скиро Раё исын барэды́р Иано́стыр.”

Эфесянэнгэ 3:8

Ма́нгэ, кон исын най тыкнэды́р сарэ́ дэвлытконэндыр, сыс дыно́ дава́ бахтякирибэ́н тэ роспхэнав Наюдэ́нгэ пал Христосо́скиро барвалыпэ́н, саво́ ние́кхвар на хасёла.

Joannostir 1:15

Иа́но допхэнэ́ла пал Лэ́стэ и ракирэ́ла радыма́са: “Ёв исын Одова́, пал Савэ́стэ мэ пхэндём: ‘Саво́ джа́ла пал Ма́ндэ, исын барэды́р Ма́ндыр, пал-дова́ со ёв сыс англэды́р Ма́ндыр’”

Матфеё 5:19

Адя́кэ, ко́ли вари-кон отпарувэла хоць екх лав припхэныбнастыр и сыклякирэ́ла адя́кэ манушэ́н, одова́ явэ́ла най тыкнэды́р дро Кралипэ́н дро Болыбна́скиро Раё. Нэ кон кандэ́ла и кэрэ́ла пир лав, явэ́ла най барэды́р дро Кралипэ́н дро Болыбна́скиро Раё.

Матфеё 3:11

Мэ болава тумэн пане́са пал тумаро́ при ґалыибэ́н дрэ грэ́хи, нэ Ёв, Саво́ джа́ла пал ма́ндэ, исын зоралэды́р ма́ндыр, Конэ́скэ ґэритка мэ на сом мол тэ злав; Ёв явэ́ла тэ болэл тумэн Свэнтонэ́ Духо́са (Фаноса) и яга́са.

Luka 9:48

и пхэндя́ лэ́нгэ: “Кон прилэ́ла кэ пэ екхэ́с адасавэ́ биято́с ваш Миро лав, одова́ и Ман прилэ́ла, а кон прилэ́ла Ман, одова́ прилэ́ла Одолэ́с, Кон бичхадя́ Ман, кон исын тыкнэды́р машки́р тумэ́ндэ, мэк тэ явэ́л ёв са́мо барэды́р.”

1 Petr 1:10

Кадава́ зракхибэ́н родэнас пхарэ́с и сыклякирэнас лачхэ́с проро́ки, савэ́ англэды́р пхэнэнас тумэ́нгэ пал бахтякирибэ́н, саво́ явэ́ла дыно́ тумэ́нгэ.

Юдэ́нгэ 11:40

Пал-дова́ со Дэвэ́л придуминдя анги́л тэ кэрэ́л ваш амэ́нгэ вари-со фэдэды́р, соб (кай) ёнэ кхэтанэ́ амэ́нца тэ ячэн бидошакирэнца.

1 Коринфянэнгэ 15:9

Палдава́ мэ сом най тыкнэды́р мол сарэ́ явирэ Апостолэндыр, и мэ на сом лачхо́ тэ кхаравпэ Апостолоса, пал-дова́ со мэ традавас Дэвлэ́скиро скэдыибэ́н.

1 Коринфянэнгэ 6:4

А ке́ли тумэ́ндэ исын далэ́ джиибна́скирэ рэндорэ́, тэды со́скэ тумэ́ чхувэ́на пэ́скирэ сэндарьенца дасавэ́ манушэ́н, савэ́н на кутякирэна мануша́ кхангирья́тыр.

Joannostir 10:41

Кэ Ёв явэ́нас бут мануша́ и ракирдэ́, со Иа́но на кэрдя́ нисаво́ ди́во; нэ саро́, со пхэндя́ Иа́но пал Лэ́стэ, сыс чачипэ́н.

Joannostir 3:30

Лэ́скэ трэй тэ барьёл, а ма́нгэ тэ тыкнёвав.

Psalmy 51:5

Пал-дова́ со мэ приґалыём мирэ́ фуй рэ́нды (де́лы) и миро грэ́хо исын ўса́ды (сак) анги́л ма́ндэ.

Ióvo 15:14

Саво́ ж трэй тэ явэ́л ману́ш, соб (кай) ёв тэ явэ́л бидошэ́нгиро? Ци на кодова́, савэ́с джувлы́ бияндя́, соб (кай) ёв сашты́ тэ явэ́л чачипна́скиро?

Ióvo 14:4

Ци сашты́ тэ бияндёл бидошэ́нгиро ману́ш манушэ́стэ дошэнца? Ние́кх!

Ióvo 14:1

О ману́ш, савэ́с джувлы́ бияндя́, дживэ́ла наґара, и лэ́стэ исын бут пхарипэна пэ ило́.

Joannostir 5:35

Иа́но сыс момолы́тко (свети́льнико), саво́ хачолас и дэ́лас яг и тумэ́ вари-саво́ часо радындлэпэ паш лэ́скири яг.

Joannostir 1:27

Дава́ исын Ёв, Саво́ джа́ла пал ма́ндэ, Саво́ яця́ анги́л ма́ндэ, Савэ́скэ мэ на сом мол тэ роспхандав симири пэ Лэ́скирэ ґэритка (обув).”

Заха́рия 12:8

Дро дова́ дывэ́с лэ́ла тэ затэрдёл Рай Дэвэ́л пал манушэ́ндэ Ерусалимоскирэн, тэ най бизорья́киро лэ́ндыр дро до дывэ́с явэ́ла сыр Дави́до, нэ кхэр Давидо́скиро явэ́ла сыр Дэвэ́л, сыр Дэвлэ́скиро Янго́ло анги́л лэ́ндэ.

Joannostir 7:39

Ису́со адя́кэ ракирдя́ пал Ду́хо (Фа́но), саво́ явэ́ла тэ одолэ́ндэ, кон явэ́ла тэ патял дрэ Лэ́стэ; пал-дова́ со на сыс пэ лэ́ндэ Свэ́нто Ду́хо (Фа́но), пал-дова́ со Ису́со ишчо (инкэ́) на сыс славиндло.

Isajos 30:26

Чхон явэ́ла тэ хачол сыр кхам, а кхамитко яг явэ́ла дрэ эфта́ мо́лы яснэдыр (зоралэды́р); саро́ дава́ явэ́ла дро дова́ дывэ́с, ко́ли обпхандэла Рай Дэвэ́л дукхано штэ́то лэ́скирэ народоскиро, высастякирэла лэ́скирэ дукха́.

Ióvo 25:4

Сыр ману́ш могинэ́ла тэ явэ́л чачуно́ анги́л Дэвлэ́стэ? Ци сыр могинэ́ла вари-кон тэ явэ́л жужо́, кон бия́ндыя джувлятыр?

1 Kralip 2:30

Палдава́ адя́кэ ракирэ́ла Рай Дэвэ́л, Рай Дэвэ́л Израилёскиро: ‘Мэ пхэндём тэды: ‘Тыро́ кхэр и тырэ́-дадэ́скиро кхэр явэ́на тэ псирэ́н анги́л Миро муй дро ве́ко.’ Нэ какана́ ракирдя́ Рай Дэвэ́л: ‘Мэк тэ на явэ́л адя́кэ, пал-дова́ со Мэ прославинава манушэ́н, савэ́ славинэна Ман, а кон на славинэла Ман, одолэ́ явэ́на ладжакирдэ́.

Эфесянэнгэ 2:3

амэ адя́кэ-паць сарэ́ вари-ке́ли и са́мас кадасавэ́ и дживдям пир на́лачхо лочакиро (плотякиро) тырдыпэ́н и кэрдя́м дова́, со амэ́нгэ подпхэнэла на́лачхо камибэн и со явэ́ла пэ годы́, и амэ са́мас пир бияныпэ́н сы́рбы чхавэ́, пэ конэ́стэ пэрэ́ла Дэвлэ́скири холы́, сыр и яви́р мануша́:

2 Ximaske 1:10

Саво́ сыкадя́ пэс какана́ амэ́нгэ пир дава́ бахталыпэ́н, сыр явдя́ пэ пхув амаро́ Зракхибнари, Ису́со Христо́со, Саво́ хасякирдя́ мэрибэ́н и отчхакирдя́ дуд (свэ́то) и дыя́ ве́чно джиибэ́н пир бахталы́ зан (звесь);

Luka 1:15

Пал-дова́ со ёв явэ́ла баро́ анги́л Растэ-Дэвлэ́стэ, и ёв на явэ́ла тэ пьел мол (вино) и зоралэ́ пибэна, и Свэ́нто Ду́хо (Фа́но) явэ́ла дрэ лэ́стэ ада́й жэ, сыр ёв бияндёла,

Матфеё 3:1

Дрэ долэ́ дывэса́ явэ́ла Иа́но Болдэипнари тэ пхэнэ́л лав пир чхучи́ (пусто) пхув дрэ Юдэ́я,

Матфеё 11:10

дава́ исын кодова́, пал савэ́стэ исын чхиндло́: ‘Акэ, Мэ бичхава́ва Мирэ́ выкэдынэ́ Манушэ́с анги́л Ту́тэ, Саво́ кэрэ́ла дром Тыро́ анги́л Ту́тэ.’

Матфеё 11:12

Ианоскирэ Болдэипнарискирэ дывэсэ́ндыр кэ/жы́ко какана́ Кралипэ́н дро Болыбна́скиро Раё зорья́са лэ́лапэ, нарта (упорна) мануша́ лэ́на лэс зорья́са.