Матфеё 10:5 - Библия - Пэ Балтитко Романи чиб (Романэс) 2019

⁵ Ису́со бичхадя́ адалэн дэшудуен и дыя́ лэ́нгэ строга упхэныбэна́: “На заджа́н дрэ штэ́ты, кай На́юды дживэ́на, на заджа́н дро Самаритянэнгиро фо́ро;

Biblija - Pe Baltitko Romani čib (Romanes) 2019

⁵ Isúso bičhadiá adalen dešudujen i dyjá lénge stroga uphenybená: “Na zadžán dre štéty, kaj Náiudy dživéna, na zadžán dro Samaritianengiro fóro;

Матфеё 10:5 Referans Kwoze

Joannostir 4:9

Самарянка ракирэ́ла Лэ́скэ: “Сыр? Ту сан Юдо, мангэса ма́ндыр, Самарянкатыр тэ пьес? Рэ́ндо (де́ло) дрэ дова́, со Юды на пинэ́ екхэ кучикатыр Самарянэнца.

1 Фесалоникийцэнгэ 2:16

савэ́ сыс тэрдэ́ пэ дром тэ ракирас Наюдэ́нгэ пал зракхибэ́н, и пир дава́ саро́ кэрэ́на барэды́р пэ́скирэ грэ́хи: нэ какана́ Дэвлэ́скири холы́ явдя́ пэ лэ́ндэ.

Luka 17:16

и ёв пыя́ мо́са кэ Исусо́скирэ ґэра́ и парикирдя Лэ́скэ; ёв сыс Самарянино.

Apostolengiri Butý 10:45

И Юдытка дэвлы́тка, савэ́ явнэ́ Пэтриса, дивиндлэ́пэ, со Свэ́нто Ду́хо (Фа́но) гия́ тэлэ́ и пэ Наюдэ́ндэ;

Luka 9:2

и бичхадя́ лэн тэ пхэнэ́н лав пал Дэвлэ́скиро Кралипэ́н дро Болыбна́скиро Раё;

Apostolengiri Butý 1:8

нэ тумэ́ндэ явэ́ла зор, ке́ли Свэ́нто Ду́хо (Фа́но) джал тэлэ́ пэ тумэ́ндэ, и тумэ́ явэ́на Мирэ́ якхи́тка (свидетели) дро Ерусалимо и пэ сари́ Юдэ́я и Сама́рия и адя́кэ-паць пир сари́ пхув.”

Joannostir 20:21

Ису́со пхэндя́ лэ́нгэ яви́р мо́ло: “Рама́нё тумэ́нгэ! Сыр Дад бичхадя́ Ман, адя́кэ и Мэ бичхава́ва тумэн.”

Joannostir 7:35

Тэды Юды лынэ́ тэ ракирэ́н машки́р пэ́стэ: “Карик да Ёв камэ́ла тэ джал адя́кэ, со амэ на латхаса Лэс? Ци на камэ́ла Ёв тэ джал пэ Элинэнгиро штэ́то и тэ сыклякирэ́л Елинэн (Грекэ́н / Баламэ́н)?

Joannostir 4:5

Ѓа́да, Ёв явдя́ дрэ Самариякиро фо́ро, саво́ кхардэ́ Сихарь, пашы́л фэ́лда, сави́ дыя́ Яково пэ́скирэ чхавэ́скэ Ёза́скэ.

Luka 10:33

Нэ екх самарянино, саво́ традыя́ долэ́ дромэ́са, латхя́ лэс, ке́ли дыкхця́ лэс, яця́ лэ́скэ танго (жалко) далэ́ манушэ́с;

Матфеё 4:15

“Пхув Завулоноскири и пхув Нафалимоскири, со исын пэ дром пашы́л мо́рё (дэрья́в), палэ Иорда́но, Наюдэнгири Галиле́я,

Apostolengiri Butý 8:1

Савло сыс одо́й и подрикирэлас Стехваноскиро замарибэн. Дро долэ́ дывэса́ сыс баро́ традыпэн пэ Кхангири́ дро Ерусалимо, и сарэ́, апри́ч Апостолэндэ, розгинэпэ пир кажно Юдэя́кирэ и Самариякирэ штэ́ты.

Joannostir 8:48

Пэ дава́ Юды пхэндлэ́ Лэ́скэ: “Ци на чачипэ́н амэ ракираса, со Ту сан Самарянино и на́лачхо ду́хо (фа́но) исын бэшто́ дрэ Ту́тэ?”

Joannostir 4:20

Амарэ́ дада́ мангнэпэ Дэвлэ́скэ пэ дая́ бэ́рга, нэ тумэ́ ракирэ́на, со штэ́то, кай трэй тэ мангэспэ Дэвлэ́скэ, исын дро Ерусалимо.”

Luka 10:1

Пало́ дава́ Рай Дэвэл выкэдыя́ яви́р эфтадэша́ сыкляибнытконэ́н и бичхадя́ лэн пир дуендэ анги́л Пэ́стэ дро кажно фо́ро и гав, карик Ёв Кокоро́ камдя́ тэ джал.

Матфеё 22:3

и бичхадя́ пэ́скирэ дынарье́н тэ кхарэ́н одолэ́н, савэ́н кхардэ́ пэ бьяв: и ёнэ на камлэ́ тэ явэ́н.

Marko 6:7

Ёв кхардя́ кхэтанэ́ Дэшудуен сыкляибнытконэ́н и бичхадя́ лэн пир дуендэ; дыи лэ́нгэ зор тэ традэ́н яври́ налачхэ́ ду́хи;

Luka 9:1

Ису́со кхардя́ кхэтанэ́ дэшудуен Апостолэн и дыя́ лэ́нгэ зоралыпэ́н и зор пэ сарэ́ налачхэ́ ду́хи и тэ састякирэн манушэ́н насвалыпнэндыр,

Joannostir 17:18

Сыр Ту бичхадян Ман дрэ свэ́то, адя́кэ-паць и Мэ бичхадём лэн дро дава́ свэ́то.