Матфеё 10:41 - Библия - Пэ Балтитко Романи чиб (Романэс) 2019

⁴¹ И вари-кон, кон прилэ́ла пророко́с сыр пророко́с, кодова́ дорэсэ́ла (долэла) отдыибэ́н сыр проро́ко и вари-кон, кон прилэ́ла патяибнытконэ манушэ́с сыр патяибнытконэс, кодова́ дорэсэ́ла отдыибэ́н сыр патяибны́тко ману́ш.

Biblija - Pe Baltitko Romani čib (Romanes) 2019

⁴¹ I vari-kon, kon priléla prorokós syr prorokós, kodová doreséla (dolela) otdyibén syr proróko i vari-kon, kon priléla patiaibnytkone manušés syr patiaibnytkones, kodová doreséla otdyibén syr patiaibnýtko manúš.

Матфеё 10:41 Referans Kwoze

Юдэ́нгэ 6:10

Пал-дова́ со Дэвэ́л нанэ напатяибнаскиро и Ёв на бистрэла тумари́ буты́ и паты́в кэ яви́р мануша́, савэ́ тумэ́ кэрдэ́ ваш Лэ́скиро лав, ке́ли тумэ́ помогинэнас (дэ́нас васта́) и какана́ помогинэна дэвлытконэнгэ.

2 Ian 1:8

Дыкхэ́н пал пэ́стэ, соб (кай) амэ тэ на нашавас дова́, ваш со амэ кэрдя́м буты́, а соб (кай) тумэ́ тэ дорэсэн пхэрды́ мазу́ри (награда) Ра́стыр-Дэвлэ́стыр.

Džiibén 20:7

акана́ ри́скир ромня́ палэ ромэскэ: пал-дова́ со ёв исын проро́ко, и ёв явэ́ла тэ мангэ́лпэ пал ту́тэ, и ту явэ́са джидо́; а ко́ли на рискирэса, тэды джин, со ту, и сарэ́ тырэ́, мэрэ́на.”

1 Коринфянэнгэ 9:17

Пал-дова́ со, ко́ли мэ кэра́ва дава́ пир пэ́скири во́ля, ма́нгэ исын отдыибэ́н, а ко́ли на пир пэ́скири во́ля, тэды мэ кэра́ва допхэндлы ма́нгэ буты́.

Матфеё 16:27

Пал-дова́ со явэ́ла Чхаво́ Манушэ́скиро дрэ зорьякири сла́ва Пэ́скирэ Дадэ́скирэ Янголэнца, и тэды кажно (сва́ко) дорэсэ́ла, со явэ́ла мол пал пэ́скиро дова́, со кэрдя́ ёв дро джиибэ́н.

Матфеё 6:18

соб (кай) тэ на сыкавэспэ явирэ́нгэ, со ту постинэса, нэ екхэ Дадэ́скэ тырэ́скэ, Саво́ исын надыцьло; и Дад тыро́, Саво́ дыкхэ́ла дова́, со на дыкхэ́на яви́р мануша́, отдэ́ла ту́кэ лачхипна́са.

Римлянэнгэ 16:23

Пиридэла “рама́нё” тумэ́нгэ Гаё, саво́ прилыя́ ман и сари́ кхангири́. Пиридэла “рама́нё” тумэ́нгэ Ерасто, ракхибна́ри пэ фори́тко тыкнори́ (сокровишчы́тко) и пшал Кварто.

Матфеё 6:6

Ке́ли ту мангэсапэ, заджа́ дрэ андратуны́ шту́ба пэ́скири, пхандэ вуда́р, и мангпэ Дадэ́скэ тырэ́скэ, Саво́ исын надыцьло; и Дад тыро́, Саво́ дыкхэ́ла тут, со явирэ́нгэ на дыцьло, отдэ́ла ту́кэ.

Apostolengiri Butý 16:15

Пало́ (после) дава́, сыр ёй и ла́кирэ кхэри́тка болдэпэ, ёй помангдя: “Ко́ли тумэ́ гинэ́на ман сыр дэвлыткона, то заджа́н дрэ миро кхэр и дживэ́н одо́й.” И ёй уракирдя амэн.

Матфеё 6:4

Соб (кай) тыро́ дыибэ́н тэ на явэ́л дыцьло; и Дад тыро́, Саво́ дыкхэ́ла саро́, отдэ́ла ту́кэ тыро́ отдыибэ́н.

Матфеё 6:1

Дыкхэ́н, и на сыкавэ́н пэ́скиро патяибэ́н пэ якха́ манушэ́нгэ; ко́ли на адя́кэ, на явэ́ла тумэ́нгэ отдыибэ́н Болыбна́скирэ Дадэ́стыр.

Isajos 3:10

Пхэнэ́н дэвлытконэ́ манушэ́скэ: куч лэ́скэ, ёв прилэ́ла барьякирдэ́ (пло́ды) пэ́скирэ рэндостыр.

Матфеё 7:8

Пал-дова́ со кажно, кон мангэ́ла, дорэсэ́ла пэ́скиро; кажно, кон родэ́ла, латхэ́ла; кажнонэ́скэ, кон марэла дро вуда́р, явэ́ла псирадо (отпхандло).

Матфеё 25:44

Тэды отпхэнэна и ёнэ: ‘Раё Дэ́вла, ке́ли амэ дыкхцям Тут, со Ту са́нас бокхало, ци сыр ту́тэ сыс трэ́бима тэ пьес, ци Ту са́нас чу́жо ману́ш, ци би урибнаскиро, ци насвало́ ци дро штарибэ́н и на дыям васт Ту́кэ?’

Матфеё 25:45

Тэды Ёв отпхэнэ́ла лэ́нгэ, пхэни́: ‘Чачэс, Мэ ракира́ва тумэ́нгэ: ‘Сыр тумэ́ на кэрдэ́ дава́ Мирэ́ пшалэ́нгэ, савэ́ндэ нанэ дасави́ зор, тумэ́ на кэрдэ́ и Ма́нгэ.’