Матфеё 10:3 - Библия - Пэ Балтитко Романи чиб (Романэс) 2019

³ Филипо и Варфаламеё; Тамашо и Матфеё, мытоскиро скэдыибнари, Алфеёскиро Яково и Фадеё,

Biblija - Pe Baltitko Romani čib (Romanes) 2019

³ Filipo i Varfalamiejo; Tamašo i Matfiejo, mytoskiro skedyibnari, Alfiejoskiro Jakovo i Fadiejo,

Матфеё 10:3 Referans Kwoze

Apostolengiri Butý 1:13

И ке́ли ёнэ явнэ́ дро фо́ро, ёнэ скэдынэ́пэ дрэ бари шту́ба (комната), кай сыс: Пэ́три (Пётр) и Яково, Варфаламеё и Матфеё, Иа́но и Ендри (Андреё), Филипо и Фама, Яково Алфеёскиро и Си́моно Зилото, и пшал Яково́скиро, Юда.

Marko 3:18

Ендри (Андреё), Филипо, Варфаламеё, Матфеё, Яково (чхавэ́ Алфеёскирэ) Фадеё, Си́моно Кананито

Marko 2:14

Прогии дурэды́р, Ёв дыкхця́ Левиёс, Алфеёскирэ чхавэ́с. Одова́ сыс бэшто́ дро мытытко кхэр. “Яв Ма́нца”, – ракирэ́ла Лэ́скэ Ису́со. Левиё уштыя́ и гия́ пал Лэ́стэ.

Матфеё 9:9

И сыр Ису́со джа́лас пашы́л одотхы́р, Ёв дыкхця́ манушэ́с, саво́ сыс бэшто́ дро мытытко (налогитко) кхэр, Матфеёс, и раки́рла Лэ́скэ: “Яв Ма́нца”, и ёв уштыя́ и гия́ пал Лэ́стэ.

Joannostir 21:2

Си́моно Пэ́три сыс кхэтанэ́ Фамаса, Савэс кхарэнас “Близняко”, Нафанаило Канатыр Галилеякирьятыр, и Зеведеёскирэ чхавэ́, и дуй яви́р Лэ́скирэ сыкляибны́тка.

Joannostir 11:16

Тэды Фама, Савэс пэ яви́р кхарэ́на ‘Близнято,’ пхэндя́ сыкляибнытконэ́нгэ: “Явэ́н и амэ мэраса лэ́са кхэтанэ́.”

Juda 1:1

Юдастыр, Исусо́скирэ Христосо́скирэ писхаристыр, Яково́скирэ пшалэстыр, манушэ́нгэ, савэ́ ячнэ́ дро́га Дэвлэ́скэ Дадэ́скэ, и савэ́н Ёв прикхардя, и савэ́н зракхця́ Ису́со Христо́со:

Jakov 1:1

Яково, саво́ исын Дэвлэ́скиро и Ра́скирэ-Дэвлэ́скиро, Исусо́скирэ Христосо́скиро писха́ри (рабо), бичхавэ́ла миро (рама́нё) Юдэ́нгирэ дэшудуе́ родэ́нгэ, савэ́ исын росчхурдынэ пир свэ́то машкира́л Наюдэ́ндэ.

Galatenge 2:9

и ке́ли Яково, Пэ́три и Иа́но, конэ́с гиндлэ́ пал шэралэндэ, шундлэ́, со ма́нгэ сыс дыно́ бахталыпэ́н пэ дасави́ буты́, ёнэ подынэ васт ваш кхэтаныпэн ма́нгэ и Варнаваскэ, соб (кай) амэ тэ джас кэ На́юды, а ёнэ тэ джа́н кэ Юды;

Galatenge 1:19

нэ мэ на дыкхцём ни савэ́ явирэ Апостолос, екхэ Яково́с, Ра́скирэ-Дэвлэ́скирэ пшалэ́с.

Apostolengiri Butý 21:18

Пэ яви́р дывэ́с амэ Павлиса явдя́м кэ Яково, одо́й скэдынэ́пэ сарэ́ кхангирьенгирэ годэпхурэ́.

Apostolengiri Butý 12:17

Ёв сыкадя́ вастэ́са, соб (кай) тэ на ракирэ́н, роспхэндя́ лэ́нгэ, сыр Дэвэ́л вылыджия́ лэс штарибнастыр и пхэндя́: “Пиридэ́н дая́ зан Яково́скэ и явирэ пшалэ́нгэ.” Ёв гия́ и гия́ одотхы́р пэ яви́р штэ́то.

Luka 5:27

Пало́ дава́ Ису́со выгия́ и дыкхця́ мытытконэ (таксытконэ) скэдыибнарис пир лав Левиё, саво́ сыс бэшто́ дро мытытко кхэр, и раки́рла лэ́скэ: “Яв Ма́нца”,

Apostolengiri Butý 15:13

Пало́ (после) дова́, сыр ёнэ пириячнэ тэ ракирэ́н, Яково отпхэндя́: “Мануша́лэ-Пшала́лэ! Вышунэн какана́ ман:

Joannostir 14:22

Юда, саво́ на сыс Искариото, ракирэ́ла Лэ́скэ: “Раё Дэ́вла! Сыр да Ту скэдэсапэ тэ сыкадёс амэ́нгэ, а на свэтоскэ?”

Joannostir 14:9

Ису́со пхэндя́ лэ́скэ: “Ци на ґара́” (длу́гэс) Мэ сом тумэ́нца, и ту на джинэ́са Ман, Филипо? Одова́, кон дыкхця́ Ман, дыкхця́ и Дадэ́с; сыр ту ракирэ́са: ‘Сыка́в амэ́нгэ Дадэ́с?’

Матфеё 27:56

машки́р савэ́ндэ сыс Мари́я Магдалина, и Мари́я, дай Яковоскири и Ёзаскири, Заведеёскири ромны́, дай лэ́скирэ чхавэ́нгэ.

Матфеё 18:17

Нэ ко́ли ёв отпхэнэлапэ тэ кандэл лэн, тэды пхэн дрэ Кхангири́; и ко́ли на закамэ́ла Кхангири́ тэ кандэл, мэк тэ явэ́л ёв ту́кэ сыр Наюдо и мытоскиро скэдыибнари.

Marko 15:40

Дрэ риг сыс тэрдэ́ джувля́ и дыкхэнас дурипнастыр: машки́р лэ́ндэ сыс Мари́я Магдалина, Мари́я, дай Тыкнэдырэскири Яковоскири и Иосияскири, Саломия,

Luka 18:10

“Дуй мануша́ явнэ́ дрэ кхангири́ тэ мангэ́нпэ Дэвлэ́скэ; екх сыс Фарисеё, яви́р мытоскиро скэдыибнари.

Luka 18:11

Фарисее уштыя́ и мангдя́пэ Дэвлэ́скэ: ‘Дэ́вла, парикира́в Ту́кэ, со мэ на сом адасаво́, сыр яви́р мануша́: розмарибнарья; мануша́, савэ́ кэрэ́на биба́хт явирэ́нгэ; мануша́, савэ́ кэрэ́на биладжаипэ́н; ци сыр кадава́ мытоскиро скэдыибнари.

Luka 18:13

Нэ мытоскиро скэдыибнари сыс тэрдо́ дурэды́р и ёв на могиндя́ аж тэ ґаздэл якха́ пэ́скирэ кэ болыбэ́н, а мардя пэс дро колы́н и ракирдя́: ‘Дэ́вла! Потангинэ ман, грэхитконэ́ манушэ́с’.

Luka 19:2

И, ґа́да, екх ману́ш, пир лав Закхеё, кон сыс барыдыро́ пэ мытытко (таксытко) кхэр и сыс древа́н барвало́,

Joannostir 1:48

Нафанаило ракирэ́ла Лэ́скэ: “Ту каты́р джинэ́са ман?” “Анги́л дава́, сыр Филипо кхардя́ тут, Мэ дыкхцём тут тэл инжыритко кашт (дрэ́во)”, – отпхэндя́ лэ́скэ Ису́со.

Joannostir 14:5

Фама пхэндя́ Лэ́скэ: “Раё Дэ́вла! Амэ на джина́са, карик Ту джа́са; сыр амэ могинаса тэ джинас дром одори́к?”