Матфеё 10:23 - Библия - Пэ Балтитко Романи чиб (Романэс) 2019

²³ И ке́ли явэ́на тэ традэ́н тумэн дро екх фо́ро, нашэ́н дро яви́р; пал-дова́ со Мэ, чачэс, ракира́ва тумэ́нгэ: на кончынэна тумэ́ тэ обджан сарэ́ фо́рья Израилёскирэ, сыр явэ́ла Чхаво́ Манушэ́скиро.

Biblija - Pe Baltitko Romani čib (Romanes) 2019

²³ I kiéli javéna te tradén tumen dro jekh fóro, našén dro javír; pal-dová so Me, čačes, rakiráva tuménge: na končynena tumé te obdžan saré fórja Izrailjoskire, syr javéla Čhavó Manušéskiro.

Матфеё 10:23 Referans Kwoze

Матфеё 16:28

Чачэс, Мэ ракира́ва тумэ́нгэ: ада́й исын вари-савэ́ мануша́, савэ́ на мэрэ́на, ко́ли анги́л явэ́на тэ дыкхэ́н Чхавэ́с Манушэ́скирэ, саво́ явэ́ла сыр Кра́ли дро Кралипэ́н Пэ́скиро.”

Apostolengiri Butý 17:10

Пша́ла дрэ дова́-паць часо (моменто) ратя́киро отбичхадэ Павли́с и Силас дрэ Верия, а одолэ́, сыр явнэ́ одори́к, гинэ́ дрэ Юдэнгири синагога.

Apostolengiri Butý 8:1

Савло сыс одо́й и подрикирэлас Стехваноскиро замарибэн. Дро долэ́ дывэса́ сыс баро́ традыпэн пэ Кхангири́ дро Ерусалимо, и сарэ́, апри́ч Апостолэндэ, розгинэпэ пир кажно Юдэя́кирэ и Самариякирэ штэ́ты.

Marko 13:26

Тэды мануша́ дыкхэ́на Манушэ́скирэ Чхавэ́с, Саво́ явэ́ла тэ джал дрэ о́блоки барэ́ зорья́са и дрэ сла́ва.

Luka 21:27

И тэды мануша́ явэ́на тэ дыкхэ́н Манушэ́скирэ Чхавэ́с, Саво́ явэ́ла тэ джал тэлэ́ дрэ о́блоки зорья́са и ярконэ Дэвлэ́скирэ слава́са.

Luka 18:8

Мэ пхэна́ва тумэ́нгэ, со Ёв сы́гэс затэрдёла пал лэ́ндэ. А ке́ли Чхаво́ Манушэ́скиро явэ́ла, ци латхэ́ла Ёв патяибэ́н пэ пхув?”

Joannostir 7:1

Пало́ дава́ Ису́со псирдя́ пир Галиле́я, нэ Ёв на камдя́ тэ джал дрэ Юдэ́я, пал-дова́ со Юды родынэ тэ замарэ́н Лэс.

Матфеё 26:64

Ису́со пхэндя́ Лэ́скэ: “Адя́кэ, сыр Ту пхэндя́н; нэ Мэ пхэна́ва тумэ́нгэ: Ададывэсатунэ дывэсэ́стыр тумэ́ дыкхэ́на Чхавэ́с Манушэ́скирэ, Саво́ явэ́ла тэ бэшэ́л пэ о́блоки болыбна́скирэ пир чачи́ (право) риг Дэвлэ́скирэ Зорьякири.”

Матфеё 24:30

И тэды сыкадёла ґерты́к пэ болыбэ́н, сави́ дэ́ла манушэ́нгэ джиныбэ́н, со явэ́ла Чхаво́ Манушэ́скиро, и тэ́ньчи сарэ́ манушы́тка ро́ды явэ́на то ровэ́н пхарэ́с и дыкхэ́на Чхавэ́с Манушэскирэс, Саво́ явэ́ла тэ джал тэлэ́ дрэ о́блоки барэ́ зорья́са и ярконэ Дэвлэ́скирэ слава́са.

Apostolengiri Butý 17:14

И тэды пша́ла дрэ дова́-паць часо (моменто) бичхадэ́ Павли́с дрэ риг кэ морёскиро (дэрьявэ́скиро) брэ́го; а Сила и Хима ячнэ́пэ одо́й.

Матфеё 25:13

Палдава́ явэ́н пэ стрэ́га, на совэн, сыр тумэ́ на джинэ́на ни дывэ́с, ни мардо́ (шту́нда).”

Матфеё 24:48

Нэ ко́ли адава́ фуй писха́ри пхэнэ́ла пэ́скэ: ‘Миро рай зарикирэлапэ’,

Матфеё 24:27

Пал-дова́ со, сыр блискавица джа́ла вастоко́стыр и яснэдыр явэ́ла кэ западо, адя́кэ явэ́ла Чхаво́.

Матфеё 23:34

Акэ, палдава́ Мэ бичхава́ва кэ тумэ́ пророкэ́н и годьварэ́ манушэ́н и лылваритконэн; вари-савэ́н лэ́ндыр тумэ́ мулякирэна и примарэна пэ трушу́л, и явирэ́н явэ́на тэ шулякирэн дрэ синагоги и традэ́н штэто́стыр пэ штэ́то;

Матфеё 4:12

Сыр шундя́ Ису́со, со Ианос лынэ́, то дурия дрэ Галиле́я;

Матфеё 2:13

Ке́ли ёнэ гинэ́, акэ, Дэвлэ́скиро Янго́ло, явдя́ дро суно́ Ёза́скэ и пхэндя́: “Ушты́, лэ Биятос и Да Лэскирья, наш дро Еги́пто, и яв одо́й анги́л дава́, сыр тэ пхэна́в ту́кэ: пал-дова́ со Иродо камэ́ла тэ родэ́л Биятос, соб (кай) тэ мулякирэ́л Лэс.”

Apostolengiri Butý 20:1

Ке́ли кошыбэ́н штылыя, Па́вли кхардя́ сыкляибнытконэ́н, облыя лэн, а кокоро́ гия́ дрэ Македония.

Ереме́ё 26:21

И ке́ли кра́ли Иоакимо, и сарэ́ лэ́скирэ зормануша, и сарэ́ тхага́рья шундлэ́ лэ́скирэ лава́, тэды кра́ли родыя, сыр тэ мулякирэ́л лэс. Нэ сыр Урия шундя́ дава́, ёв дарандыя, и ёв насця и гия́ кэ Еги́пто.

Матфеё 16:27

Пал-дова́ со явэ́ла Чхаво́ Манушэ́скиро дрэ зорьякири сла́ва Пэ́скирэ Дадэ́скирэ Янголэнца, и тэды кажно (сва́ко) дорэсэ́ла, со явэ́ла мол пал пэ́скиро дова́, со кэрдя́ ёв дро джиибэ́н.

Матфеё 23:36

Чачэс, Мэ ракира́ва тумэ́нгэ: кадай сари́ ка́ра явэ́ла пэ дава́ ро́до.

Матфеё 24:34

Чачэс, Мэ ракира́ва тумэ́нгэ: на проджа́ла дава́ манушы́тко ро́до анги́л дова́, сыр саро́ дава́ кэрэ́лапэ.