Матфеё 10:2 - Библия - Пэ Балтитко Романи чиб (Романэс) 2019

² Акэ, дэшудуенгирэ – Апостолэнгирэ лава́: пэ́рво Си́моно, савэ́с кхардэ́ Пэ́три, и Ендри (Андреё), пшал лэ́скиро, Заведеёскиро Яково, и Иа́но, пшал лэ́скиро.

Biblija - Pe Baltitko Romani čib (Romanes) 2019

² Ake, dešudujengire – Apostolengire lavá: pérvo Símono, savés khardé Pétri, i Jendri (Andriejo), pšal léskiro, Zaviediejoskiro Jakovo, i Iáno, pšal léskiro.

Матфеё 10:2 Referans Kwoze

Apostolengiri Butý 1:13

И ке́ли ёнэ явнэ́ дро фо́ро, ёнэ скэдынэ́пэ дрэ бари шту́ба (комната), кай сыс: Пэ́три (Пётр) и Яково, Варфаламеё и Матфеё, Иа́но и Ендри (Андреё), Филипо и Фама, Яково Алфеёскиро и Си́моно Зилото, и пшал Яково́скиро, Юда.

Матфеё 4:21

И отгии одотхы́р дурэды́р, Ёв дыкхця́ дуе пшалэ́н, Яково́с чхавэ́с Заведеёскирэс и Иоанос, пшалэ́с лэскирэс, савэ́ сыс дрэ ба́рка (лодка) лэ́нгирэ дадэ́са Заведеёса, савэ́ кэрэ́нас пэ́скирэ кхудя: и Ёв кхардя́ лэн Пэ́са;

Joannostir 12:22

Филипо гия́ и пхэндя́ пал дава́ Ендрискэ; и ёнэ, Ендри и Филипо, гинэ́ дуйджинэ́ и пхэндлэ́ Исусо́скэ пал дава́.

Joannostir 6:8

Екх Лэ́скирэ сыкляибнытконэндыр, ґа́да, сыс Ендри (Андреё), пшал Симоноскирэ Пэтрискиро, ракирэ́ла Исусо́скэ:

Luka 5:10

Яково и Иа́но, Заведеёскирэ чхавэ́, мала́ Симоноскэ, дивиндлэ́пэ адя́кэ-паць. Тэ́ньци Ису́со пхэндя́ Симоноскэ: “На, андырша, Симоне, Мэ кэра́ва адя́кэ, со ту явэ́са тэ старэс манушэ́н.”

Матфеё 4:18

Гии пашы́л Галилеякиро мо́рё (дэрья́в), Ёв дыкхця́ дуе пшалэ́н, Симонос, савэ́с кхардэ́ Пэ́три, и Ендрис (Андреёс), лэ́скирэ пшалэ́с, савэ́ зачхурдэнас кхудя (сетки) дро мо́рё (дэрья́в), пал-дова́ со ёнэ сыс мачхибнарья (рыбаки).

Luka 11:49

Ваш дава́ и Дэвлэ́скирэ годя́са исын пхэндло́: ‘Мэ бичхава́ва лэ́нгэ пророкэ́н и Апостолэн; ёнэ замарэна екхэн, а явирэ́н ёнэ вытрадэна сыр джуклэн’,

Sykadyipén 1:9

Мэ сом Иа́но, тумаро́ пшал, и мал (дру́го), кон исын кхэтанэ́ тумэ́нца дрэ би́да и дро кралипэ́н и кхэтанэ́ вырикирэ́ла пал Исусо́стэ Христосо́стэ. Мэ со́мас пэ о́строво (джип), саво́ кхарэ́лапэ “Патмосо” пал Дэвлэ́скиро лав и пал дова́, со мэ допхэна́вас манушэ́нгэ пал Исусо́стэ Христосо́стэ.

2 Ian 1:1

Пхурэстыр, – Ранякэ, Савья Дэвэ́л выкэдыя́, и Ла́кирэ чхавэ́нгэ, савэ́ исын дро́га ма́нгэ чачунэ́с, нэ на со мэ екх, а сарэ́, савэ́ уджиндлэ́ чачипэ́н,

2 Petr 1:1

Симоностыр Пэтристыр, Исусо́скирэ Христосо́скирэ писхаристыр и Апостолостыр, сарэ́ манушэ́нгэ, кон прилыя́ дасаво-паць дро́го патяибэ́н кхэтанэ́ амэ́нца пир чачипэ́н амарэ́ Дэвлэ́скиро и Зракхибнарискиро, Исусо́скирэ Христосо́скиро,

1 Petr 1:1

Пэтристыр, Исусо́скирэ Христосо́скирэ Апостолостыр, манушэ́нгэ, конэ́с Дэвэ́л выкэдыя́, савэ́ лодэна и исын росчхурдынэ пир свэ́то, дро Понто, Галатия, Кападокия, Асия и Вифиния,

Юдэ́нгэ 3:1

Палдава́, пшала́лэ свэ́нта, савэ́н Дэвэ́л адя́кэ-паць прикхардя, дыкхэ́н пэ Исусо́стэ, Савэс Дэвэ́л бичхадя́ тэ явэ́л англатунэ́ Раша́са пир амаро́ патяибэ́н,

Эфесянэнгэ 4:11

и Ёв чхудя́ вари-конэ́с Апостолэнца, вари-конэ́с пророкэнца, вари-конэ́с тэ роспхэнэ́н манушэ́нгэ бахталы́ зан, вари-конэ́с Дэвлытконэ́-манушэ́нгирэ ракхибнарье́нца и вари-конэ́с сыклякирибнаскирэ́нца,

1 Коринфянэнгэ 15:7

Тэ́ньци Ёв сыкадя́ Пэс Яково́скэ, тэ́ньчи и сарэ́ Апостолэнгэ;

Apostolengiri Butý 12:2

И мулякирдя́ Яково́с, Ианоскирэ пшалэ́с куртала́са.

Apostolengiri Butý 3:1

Пэ́три и Иа́но е́кхвар гинэ́ кхэтанэ́ дрэ Кхангири́ пэ бэльвэлитко мангипэ́н:

Apostolengiri Butý 1:26

И ёнэ чхурдынэ́ жре́биё, и жре́биё пыя́ пэ Матфеёстэ; и ёв сыс прилыно кэ дэшуекх Апо́столы.

Joannostir 21:24

Кадава́-паць кокоро́ сыкляибны́тко, саво́ и допхэндя пал дава́, и саро́ дава́ зачхиндя́: и амэ джина́са, со лэ́скиро допхэныбэ́н исын чачуно́.

Joannostir 21:20

Пэ́три порисия и дыкхэ́ла, со пал лэ́стэ джа́ла сыкляибны́тко, савэ́скэ Ису́со сыкадя́ и саво́, ке́ли ёнэ ханэ́, чхудя́ шэро́ кэ Исусо́скиро колы́н и пхуця́: “Раё Дэ́вла! Кон здэла Тут?”

Joannostir 21:2

Си́моно Пэ́три сыс кхэтанэ́ Фамаса, Савэс кхарэнас “Близняко”, Нафанаило Канатыр Галилеякирьятыр, и Зеведеёскирэ чхавэ́, и дуй яви́р Лэ́скирэ сыкляибны́тка.

Joannostir 20:2

Ёй ада́й жэ прастындой явдя́ кэ Си́моно Пэ́три и кэ яви́р Лэ́скиро сыкляибны́тко, саво́ сыс дро́го Исусо́скэ, и ракирэ́ла лэ́нгэ: “Ёнэ лыджинэ́ Рас-Дэвлэ́с коплицатыр криг, и амэ на джина́са, карик ёнэ чхудэ́ Лэс.”

Joannostir 13:23

Екх Лэ́скирэ сыкляибнытконэндыр, саво́ сыс дро́го Исусо́скэ, сыс пашто́ пашы́л Исусо́скиро колы́н.

Luka 22:14

И ке́ли явдя́ мардо́ (часо), Ису́со бэсця́ пал сками́нд кхэтанэ́ дэшудуе́ Апостолэнца.

Luka 22:8

И бичхадя́ Ису́со Пэтрис и Ианос, пхэни́: “Джа́н и кэрэ́н Патрадитко Хабэ́н ваш амэ́нгэ, соб (кай) амэ тэ хас лэс.”

Luka 9:10

Апо́столы явнэ́ палэ и роспхэндлэ́ Исусо́скэ пал саро́, со ёнэ кэрдэ́. Ёв лыя́ Пэ́са лэн и ёнэ дуринэ пэ чхучо́ штэ́то, пашы́л фо́ро, саво́ кхардяпэ Вифсаида.

Marko 13:3

Ке́ли Ису́со сыс бэшто́ пэ Оливитконэ-бэрга́киро склоно анги́л Кхангири́, сыкляибны́тка Пэ́три, Яково, Иа́но и Ендри пхучэнас Лэ́стыр екх пэ екх явирэндыр:

Marko 1:29

И екха́тыр (сра́зу), выгии синагогатыр, ёнэ явнэ́ дро кхэр Симоноскиро и Ендрискиро, Яковоса и Ианоса.

Матфеё 26:37

И лыя́ Ёв Пэ́са Пэтрис и дуе́н чхавэ́н Заведеёскирэн, и обухтылдя Лэс бари ту́га и траш (дар).

Матфеё 20:20

Тэ́ньци гия́ пашылэды́р кэ Ёв Заведеёскирэ-чхавэнгири дай пэ́скирэ чхавэ́нца, и клониндяпэ и помангдя вари-со Лэ́стыр.

Матфеё 17:1

Пир шов дывэса́ лыя́ Ису́со Пэтрис и Яково́с и Ианос, лэ́скирэ пшалэ́с, и лыджия́ лэн тринджинэн пэ вучи́ бэ́рга.

Sykadyipén 22:8

Мэ сом, Иа́но, саво́ дыкхця́ и шундя́ кадава́. И ке́ли мэ шундём и дыкхцём, тэды мэ пыём мо́са тэ поклонинавпэ патыва́са анги́л Янголоскирэ ґэра́, Саво́ сыкавэлас ма́нгэ сарэ́ далэ́ рэ́нды.

Sykadyipén 1:1

Сыкадыипэ́н (об΄явлениё) Исусо́стыр Христосостыр, Саво́ Дэвэ́л дыя́ Лэ́скэ тэ сыкавэ́л Пэ́скирэ писхарье́нгэ (рабэ́нгэ), со трэй сыг тэ явэ́л. И Христо́со пхэндя́ зорья́са дава́, ке́ли Ёв бичхадя́ Пэ́скирэ Янголо́с кэ Пэ́скиро писха́ри Иа́но (Иоано),

3 Ian 1:1

Пхурэстыр, мирэ́ дрогонэ́ Гаёскэ, кон исын дро́го ма́нгэ чачипна́са.

Sykadyipén 18:20

Ра́дынпэ форо́скирэ пхагипнастыр, Болыбна́скиро Раё, свэ́нта, Апо́столы и проро́ки! Долэскэ, со Дэвэ́л сэндякирдя ла пал тумэ́ндэ.

Marko 6:30

Апо́столы скэдынэ́пэ кэ Ису́со, и роспхэндлэ́ Лэ́скэ саро́, со ёнэ кэрдэ́, пал со ёнэ сыклякирэнас манушэ́н.

Joannostir 6:67

Тэды Ису́со пхэндя́ дэшудуенгэ: “Ци на камэ́на и тумэ́ тэ джа́н пэ́скэ?”

Joannostir 6:70

Ису́со отпхэндя́ лэ́нгэ: “Ци на Мэ выкэдыём дэшудуен тумэн, нэ екх тумэ́ндыр исын на́лачхо.”

Joannostir 6:71

Ёв ракирдя́ пал Юдастэ, Симоноскирэ-Искариотоскирэ чхавэ́стэ, саво́ сыс екх дэшудуендыр, пал-дова́, со ёв кэдэласпэ тэ бикнэл Лэс.