Матфеё 1:25 - Библия - Пэ Балтитко Романи чиб (Романэс) 2019

²⁵ и ёв на джиндя́ Ла сыр ромня́, анги́л дова́, сыр Ёй бияндя́ Чхавэ́с; и ёв дыя́ лав Лэ́скэ Ису́со.

Biblija - Pe Baltitko Romani čib (Romanes) 2019

²⁵ i jov na džindiá La syr romniá, angíl dová, syr Joj bijandiá Čhavés; i jov dyjá lav Léske Isúso.

Матфеё 1:25 Referans Kwoze

Luka 2:21

И ке́ли прогинэ́ охто́ (бидуе́нгиро дэш) дывэса́, соб (кай) тэ обчхинэн Тыкнэ́ Биятос, дынэ́ Лэ́скэ лав Ису́со, лав, саво́ дыя́ Янго́ло анги́л дава́, сыр Лэ́скири Дай яця́ пхари́ Лэ́са.

Luka 2:7

и Ёй бияндя́ Пэ́скирэ Пэрвонэ́ Чхавэ́с, и патькирдя Лэс дрэ пхэрнэ, и чхудя́ Лэс дрэ ясла (кхурлы), пал-дова́ со на сыс лэ́нгэ штэ́то дро затрадыпнытко кхэр (гостиница).

Матфеё 1:21

ёй биянэ́ла Чхавэ́с, ту дэ́са Лэ́скэ лав Ису́со, пал-дова́ со Ёв зракхэ́ла Пэ́скирэ манушэ́н грэхэ́ндыр.”

Vygiiben 22:29

На зарикир тэ янэс Ма́нгэ пэ́рва барьякирдэ́ (пло́ды) тырэ́ гумностыр (гиваобкэрибнаскирэ шурнатыр) и тырэ́ пресостыр (точылостыр); отдэ́ Ма́нгэ одолэ́ чхавэ́ндыр, кон бия́ндыя англатуно́;

Vygiiben 13:2

“Высвэнцын Ма́нгэ кажнонэс англатунэс (пэрвонэс) биято́с, саво́ откэрэла кажно лочови́ (утроба) машкира́л Израилёскирэ чхавэ́ндэ, манушэ́стыр кэ кхэри́тка мурдала́ (кэ ското): ёнэ исын Мирэ́.”

Римлянэнгэ 8:29

Палдова́ со, конэ́с Ёв кокоро́ англэды́р выкэдыя́, одолэ́н и освэнцындя тэ кэрэ́н, соб (кай) ёнэ тэ подджан пэ Лэ́скирэ Чхавэ́стэ, адя́кэ, соб (кай) Ёв тэ явэ́л англатуно́ машки́р бутэндэ пшалэ́ндэ.

Матфеё 1:24

Ке́ли Ёза уштыя́ соибнастыр, ёв кэрдя́, сыр Дэвлэ́скиро Янго́ло (А́нгело) припхэндя́ лэ́скэ; ёв прилыя́ ромня́ пэскирья́,

Luka 1:31

И Ту явэ́са пхари́, и биянэса Чхавэ́с, и Ту дэ́са лав Лэ́скэ Ису́со.

2 Kralip 6:23

И Мелхолатэ, Сауло́скирэ чхатэ, на сыс биятэ́н (чхавэ́н) кэ ла́киро мэрибнаскиро дывэ́с.

3 Kralip 1:4

Патывалы́ джувлы́ сыс древа́н шука́р, и псирдя́ ёй пал крали́стэ, и дынариндя́ лэ́скэ, нэ кра́ли на уґалыя ла.