Матфеё 1:22 - Библия - Пэ Балтитко Романи чиб (Романэс) 2019

²² Нэ саро́ дава́ сыс, соб (кай) тэ кэрэ́лпэ дова́, со Дэвэ́л пхэндя́ пир пророкостэ:

Biblija - Pe Baltitko Romani čib (Romanes) 2019

²² Ne saró davá sys, sob (kaj) te kerélpe dová, so Devél phendiá pir prorokoste:

Матфеё 1:22 Referans Kwoze

Luka 24:44

И пхэндя́ Ёв лэ́нгэ: “Ѓа́да, исын долэ́ лава́, савэ́ Мэ пхэндём тумэ́нгэ, пака Мэ ишчо (инкэ́) со́мас тумэ́нца: со саро́, со исын чхиндло́ дро Мойза́скиро Зако́но и дрэ пророкэ́нгирэ зачхиныбэна и дрэ псалмы пал Ма́ндэ, трэй тэ сполнинэ́лпэ (тэ кэрэ́лпэ кэ ко́нцо/яго́ро).”

Матфеё 2:23

И явдя́ ёв и лыя́ тэ дживэ́л кэ фо́ро Назарето, соб (кай) тэ кэрэ́лпэ пир дова́ лав, со проро́ко пхэндя́: “Со Лэ́скиро лав явэ́ла Назареё.”

3 Kralip 8:15

И пхэндя́ ёв: “Тэ явэ́л бахтякирдо́ Рай Дэвэ́л (Яхва́), Дэвэ́л Израилёскиро, саво́ пхэндя́ Пэ́скирэ уштэ́нца Давидо́скэ, мирэ́ дадэ́скэ, и акана́ кэрдя́ Пэ́скирэ вастэ́са! Ёв ракирдя́:

Apostolengiri Butý 3:18

нэ Дэвэ́л саро́ кэрдя́ кэ ко́нцо/яго́ро (сполниндя), со ракирдэ́ Лэ́скирэ проро́ки, со Лэ́скирэ Христосо́скэ явэ́на барэ́ мэ́ньки.

3 Kralip 8:24

Ту сполниндян Тырэ́ писхари́скэ Давидо́скэ, мирэ́ дадэ́скэ, со ракирдян лэ́скэ; со пхэндя́н Ту уштэ́нца Тырэнца дова́ дро дова́ дывэ́с кэрдя́н Тырэ́ вастэ́са.

Joannostir 18:9

мэк тэ кэрэ́лпэ лав, саво́ Ёв пхэндя́: “Одолэ́ндыр, савэ́н Ту Ма́нгэ дыя́н, Мэ ни екхэ́с на хасякирдём”.”

Матфеё 13:35

соб (кай) тэ сполнинэ́лпэ, со сыс пхэндло́ пир пророкостэ: “Мэ откэрава ушта́ Мирэ́ дрэ примеры (сыкаибэна); выпхэнава дова́, со гарадо́ одолэ́стыр, сыр свэ́то сыс создыно́.”

Е́здра 1:1

Дро пэ́рво бэрш крали́скирэ Кираскиро, ке́ли Ёв лыя́ тэ кралинэ́л пэ Пе́рсия, соб (кай) тэ сполнинэ́лпэ лав Ра́скирэ-Дэвлэ́скиро, саво́ ракирдя́ проро́ко Ереме́е, о Рай-Дэвэ́л джангадя ду́хо (фа́но) Кираскиро, Персиякирэ крали́скиро, и ёв дыя́ припхэныбэ́н тэ пхэнэ́н анги́л сарэ́ндэ пир саро́ кралипэ́н, и адя́кэ-паць тэ зачхинэн далэ́ лава́:

Joannostir 17:12

Ке́ли Мэ со́мас лэ́нца дро свэ́то, Мэ приракхавас лэн Тырэ́ лавэ́са; одолэ́н, савэ́н Ту дыя́н Ма́нгэ, Мэ приракхцём, и нико́н лэ́ндыр на хасия́ апри́ч чхавэ́стэ, савэ́скэ трэй тэ хасёл, мэк тэ сполнинэ́лпэ Свэ́нто Чхиныбэ́н.

Joannostir 15:25

Нэ мэк тэ кэрэ́лпэ лав, саво́ исын чхиндло́ дро лэ́нгиро Зако́но: ‘Ёнэ бидыкхэна Ман ни палсо́’.

Joannostir 10:35

Ко́ли Ёв кхардя́ дэвлэнца одолэ́н, кэ савэ́ сыс Дэвлэ́скиро лав, а Свэ́нто Чхиныбэ́н на могинэ́ла тэ парудёл,

Матфеё 13:21

нэ сыр дава́ лав на заджа́ла хор дро ило́ и патяибэ́н исын кротко, тэды, ке́ли явэ́на мэ́ньки и традыпэн пал лав, екха́тыр ёв мэкэ́ла тэ патял.

Матфеё 12:17

соб (кай) тэ сполнинэ́лпэ дова́, со Дэвэ́л пхэндя́ пирда́л пророкостэ Исаёстэ, саво́ ракирэ́ла:

Матфеё 2:15

и сыс одо́й анги́л дова́, сыр тэ мэрэ́л Иродоскэ, соб (кай) тэ сполнинэ́лпэ Дэвлэ́скиро ракирибэ́н пир пророкостэ: “Египто́стыр Мэ кхардём кэ Пэ Мирэс Чхавэ́с.”

Матфеё 8:17

соб (кай) тэ кэрэ́лпэ дова́, со пхэндя́ проро́ко Исаё: “Ёв лыя́ пэ Пэ́стэ амаро́ бизорьякирибэн и лыджия́ сарэ́ амарэ́ насвалыпэна.”

Матфеё 5:17

На думинэн, со Мэ явдём тэ отпарував Зако́но ци пророкэ́н, нэ тэ кэра́в кэ ко́нцо/яго́ро (тэ сполнинав).

Luka 21:22

пал-дова́ со дава́ явэ́ла ка́ра пэ манушэ́ндэ дрэ долэ́ дывэса́, соб (кай) тэ сполнинэ́лпэ, со исын чхиндло́ дро Свэ́нто Чхиныбэ́н.

Sykadyipén 17:17

Пал-дова́ со Дэвэ́л дыя́ лэ́нгирэ илэнгэ тэ кэрэ́н пир Лэ́скири годы́, тэ кэрэ́н екх задуминыбэн и тэ дэн лэ́нгиро Кралипэ́н рискирибна́скирэ мурдалэскэ, пака сполнинэнапэ Дэвлэ́скирэ лава́.

Римлянэнгэ 1:2

пал савэ́стэ Дэвэ́л англэды́р дыя́ лав пир Пэ́скирэ пророкэ́ндэ дрэ Свэ́нта Чхиныбэна,