Матфеё 1:18 - Библия - Пэ Балтитко Романи чиб (Романэс) 2019

¹⁸ Адя́кэ, сыр Ису́со Христо́со бия́ндыя: пало́ (после) доракирибэ́н тэ лэнпэ, сыр Лэ́скирэ да́кэ Мариякэ трэиндя́ тэ выджа́л палоро́м пал Ёзастэ, нэ анги́л, сыр лэ́нгэ тэ зджанпэ (тэ лэнпэ), выгия́, со Ёй сыс пхари́ Свэнтонэ́ Духо́стыр (Фаностыр).

Biblija - Pe Baltitko Romani čib (Romanes) 2019

¹⁸ Adiáke, syr Isúso Xristóso bijándyja: paló (poslie) dorakiribén te lenpe, syr Léskire dáke Marijake treindiá te vydžál paloróm pal Jozaste, ne angíl, syr lénge te zdžanpe (te lenpe), vygijá, so Joj sys pharí Sventoné Duhóstyr (Fanostyr).

Матфеё 1:18 Referans Kwoze

Ióvo 14:4

Ци сашты́ тэ бияндёл бидошэ́нгиро ману́ш манушэ́стэ дошэнца? Ние́кх!

Юдэ́нгэ 10:5

Палдава́, ке́ли Христо́со явдя́ пэ свэ́то, Ёв пхэндя́ Дэвлэ́скэ: “Ту́кэ исын на пир ило́ ни да́ры, ни свэ́нта дыибэна́; нэ Ту приготовиндян маса́ (лоч) ваш Ма́нгэ.

Džiibén 3:15

И нараманё (намиро) кэра́ва Мэ машки́р ту́тэ и джувля́тэ, и машки́р ро́до тыро́ и ла́киро; ёв явэ́ла дро шэро́ тэ дукхавэл тут, а ту явэ́са тэ дукхавэс лэс дрэ пента (кхур).

Юдэ́нгэ 7:26

Пал-дова́ со адасаво́ Англатуно́ Раша́й и трэй амэ́нгэ: свэ́нто, лачхэ́-илы́тко, на магирдо́ грэхоса; Дэвэ́л чхудя́ Лэс дрэ риг грэхитконэ́ манушэ́ндыр и ґаздыя́ Лэс вучэ́с дро Болыбна́скиро Раё.

Ióvo 15:14

Саво́ ж трэй тэ явэ́л ману́ш, соб (кай) ёв тэ явэ́л бидошэ́нгиро? Ци на кодова́, савэ́с джувлы́ бияндя́, соб (кай) ёв сашты́ тэ явэ́л чачипна́скиро?

Luka 1:25

“Адя́кэ, Рай Дэвэ́л кэрдя́ ваш ма́нгэ”, – пхэндя́ ёй, – “Ёв, ґа́да, кэрдя́ лачхипэ́н ма́нгэ, соб (кай) Ёв тэ лэл криг ма́ндыр ладж анги́л манушэ́ндэ.”

Матфеё 1:1

Лылвари́ (книга) пал Исусо́скиро Христосо́скиро ро́до, Давидо́скирэ Чхавэ́скиро, Аврамоскирэ Чхавэ́скиро.

Яви́р Зако́но 22:23

Ко́ли явэ́ла тэрны́ патывалы́ джувлы́ ангрустякирды (зарэнчындлы) ромэскэ, и вари-кон дыкхэлапэ ла́са дро фо́ро и пасёла ла́са,

Матфеё 2:11

И ёнэ загинэ́ дро кхэр и дыкхнэ́ Биятос Марияса, даса Лэскирьяса, пынэ́ пэ чанга́ и поклониндлэпэ Лэ́скэ; тэ́ньчи отчхакирдэ пэ́скирэ кучипэна (сокровишчы) и дынэ́ Лэ́скэ да́ры: сувнака́й, ладано и смирна.

Матфеё 12:46

Ке́ли Ёв ракирдя́ манушэ́нгэ, акэ, дай Лэ́скири и пша́ла Лэ́скирэ сыс тэрдэ́ дрэ риг манушэ́ндыр, и лэ́нгэ трэиндя́ тэ ракирэ́н Лэ́са.

Luka 2:5

тэ зачхинэлпэ Марияса, Сави́ гиндяпэ лэ́скэ сыр ромны́, и Сави́ сыс пхари́.