Матфеё 1:11 - Библия - Пэ Балтитко Романи чиб (Романэс) 2019

¹¹ Иосия сыс Иокимоскиро дад, Иокимо сыс дад Ехонияскэ и лэ́скирэ пшалэ́нгэ анги́л дова́, сыр Юдэ́н лыджинэ́ дро пле́но (пэ зор) тэ дживэ́н кэ Вавило́но.

Biblija - Pe Baltitko Romani čib (Romanes) 2019

¹¹ Iosija sys Iokimoskiro dad, Iokimo sys dad Jehonijaske i léskire pšalénge angíl dová, syr Judén lydžiné dro pliéno (pe zor) te dživén ke Vavilóno.

Матфеё 1:11 Referans Kwoze

Ереме́ё 27:20

сарэ́ долэ́ куч предме́ты, савэ́ на лыя́ Навуходоносо́ро пэ́са, ке́ли лыджия́ дро пле́но Иехонияс, Ехакимоскирэ чхавэ́с, крали́с пир Юдэ́я, Ерусалимо́стыр кэ Вавило́но, и сарэ́ лачхэ́-родоскирэн манушэ́н Юдэя́тыр и Ерусалимо́стыр,

Дание́лё 1:2

И дыя́ о Рай Дэвэ́л дро лэ́скиро васт э Иокимос, Юдэя́кирэ крали́с, и ада́кицы кхорэ́ (сасу́ды) Дэвлытконэ́ кхэрэ́стыр, и ёв бичхадя́ лэн пэ пхув Сеноар, кэ лэ́скирэ Дэвлэ́скиро кхэр, и яндя́ адалэ́ сарэ́ кхорэ́ дрэ пиралы́ ваш казна лэ́скирэ дэвлэскири.

Ереме́ё 39:9

И о Навузардано, о рай пэ крали́скири стрэ́га, лыджия́ криг дро пле́но кэ Вавило́но манушэ́н, савэ́ ячнэ́пэ дро фо́ро, и кодолэ́н, кон пиригия кэ ёв явирэ манушэ́нца, савэ́ ячнэ́пэ.

2 Паралипоменоно 36:20

И пирилыджия ёв манушэ́н, савэ́ ячнэ́пэ джидэ́ куртала́тыр дро Вавило́но; и сыс ёнэ лэ́скирэ дынарье́нца и лэ́скирэ чхавэнгирэнца, кэ Персиякирэ-крали́скиро кралипэ́н.

2 Паралипоменоно 36:10

Сыр гия бэрш, бичхадя́ кра́ли Навуходоносо́ро, и припхэндя́ тэ лэн лэс дро Вавило́но кхэтанэ́ дрогонэ́ кхорэнца Ра́скирэ-Дэвлэ́скирэ Кхэрэскир, и яця́ крали́са пэ Юдэе́ндэ и Ерусалимо о Сэдэки́я, лэ́скиро пшал.

4 Kralip 25:11

И яви́р мануша́, савэ́ ячнэ́пэ дро фо́ро, савэ́ пиригинэ́ кэ Вавилоно́скиро кра́ли, и яви́р простонэ манушэ́н выбичхадя Навузардано, барыдыро́ ракхибнарье́нгиро.

4 Kralip 23:31

Биш тэ трин бэрш сыс Иоахазоскэ, ке́ли ёв яця́ крали́са, и трин чхона́ ёв сыс крали́са дро Ерусалимо; лав лэ́скирэ-да́киро сыс Хамуталь, Еремеёскири чхай, Ливнатыр.

4 Kralip 24:14

И выбичхадя саро́ Ерусалимо, и сарэ́н тхагарье́н, и сарэ́н муршканэн халадэ́н, – дэш тысёнцы сыс выбичхадэ, – и сарэ́н кхэра́-кэрибнаскирэн (плотникэн) и фаурнарьен (пэталэнгирэн, кузнецэн); никонэ́с на яця́пэ, апри́ч чорорэ́ манушэ́ндэ пэ доя́ пхув.

Isajos 13:1

Ангилпхэныбэ́н пал Вавило́но, саво́ пхэндя́ Исаё, Амососкиро чхаво́.

Матфеё 1:12

Пало́ дава́, сыр лэн лыджинэ́ дро Вавило́но, Ехония сыс Салафиилоскиро дад; Салафиило сыс Зоровавелёскиро дад;

Матфеё 1:17

Адя́кэ сыс дэшуштар ро́ды Аврамостыр анги́л Давидо́стэ; Давидостыр анги́л дова́, сыр Юдэ́н лыджинэ́ дро Вавило́но исын дэшуштар ро́ды; и долэ́ дывэсэ́ндыр, сыр Юдэ́н лыджинэ́ дро Вавило́но анги́л Христосо́скиро бияныпэ́н исын дэшуштар ро́ды.