Marko 9:43 - Библия - Пэ Балтитко Романи чиб (Романэс) 2019

⁴³ Ко́ли тыро́ чачо́ васт злыджала кэ грэ́хо тут, чингир криг лэс. Фэды́р явэ́лас ту́кэ тэ заджас дро джиибэ́н екхэ вастэ́са, сыр дуе вастэ́нца тэ заджас дро лю́но (адо), дрэ яг, со ние́кхвар на мурдёла.

Biblija - Pe Baltitko Romani čib (Romanes) 2019

⁴³ Kóli tyró čačó vast zlydžala ke grého tut, čingir krig les. Fedýr javélas túke te zadžas dro džiibén jekhe vastésa, syr duje vasténca te zadžas dro liúno (ado), dre jag, so nijékhvar na murdjola.

Marko 9:43 Referans Kwoze

Матфеё 25:41

Тэ́ньци Ёв пхэнэ́ла кодолэ́нгэ, савэ́ исын пэ зэ́рво (ле́во) васт Лэ́стыр: ‘Джа́н криг Ма́ндыр, прокошнэ, дрэ яг ве́чно, со исын скэдыны ваш налачхэскэ и лэ́скирэ Янголэнгэ:

Юдэ́нгэ 12:1

Пал-дова́ со трусця́л амэ́ндэ адя́кэ-паць исын ада́кицы бут якхи́тка/якхалэ́ (свидетели), явэ́н чхурдаса пэ́стыр любо ґа́мо пхарипнаса и грэ́хо, саво́ припхандэлапэ кэ амэ сыр фэлы́ (сетка) и ява́са со исын зор тэ вырикирас, ява́са тэ причхувас зор тэ джас пир амаро́ джиибнытко дром, саво́ исын анги́л амэ́ндэ;

Матфеё 5:22

Нэ Мэ ракира́ва тумэ́нгэ: ‘Кажно, кон холясо́ла пэ пэ́скирэ пшалэ́стэ ни палсо́, джа́ла тэл сэ́ндо. Кон жа пхэнэ́ла пэ́скирэ пшалэ́скэ ‘дылыно́’, явэ́ла дрэ дар Синедрионостыр. И кон пхэнэ́ла ‘бигодякиро’, явэ́ла дрэ дар, со джа́ла дро лю́но (адо) яга́са.

Galatenge 5:24

И адалэ́ мануша́, савэ́ исын Христосо́скирэ, примардэ пэ́скири манушы́тко грэхи́тко натура пэ трушу́л пэ́скирэ налачхэ́ камибнаса и грэхоскирэ тырдыпнаса.

Матфеё 3:12

Лэ́скиро ґанадытко (лопата) исын дрэ Лэ́скиро васт, и Ёв жужакирэла (чыстинэла) Пэ́скиро шу́рна и скэдэ́ла Пэ́скиро парно́ гив дрэ пиралы́, а пхус хачкирэ́ла яга́са, сави́ на мурдёла.”

Titoske 2:12

саво́ сыклякирэ́ла амэн, соб (кай) амэ тэ на кэра́с магирипэ́н и тэ дурьёвас свэто́скирэ тырдыпнастыр, тэ джива́с дрэ дава́ ве́ко пир чачипэ́н и дара́са анги́л Дэвлэ́стэ,

Колосянэнгэ 3:5

Мулякирэ́н тумарэ́ налачхэ́ пхувитка рэ́нды: джиибэ́н дро блэ́ндо, магирипэ́н, тырдыпэ́н кэ грэ́хо, налачхэ́ мысли и зэвлыныпэ́н, саро́ дава́ исын дынарибэ́н идолэ́нгэ.

Римлянэнгэ 8:13

пал-дова́, со ко́ли тумэ́ дживэ́на пир лочакиро тырдыпэ́н, тэды тумэ́ ж мэрэ́на, нэ ко́ли тумэ́ мулякирэна тумарэ́ свэтытка рэ́нды Духо́са, тумэ́ явэ́на тэ дживэ́н:

Luka 14:13

Ке́ли ту кэрэ́са свэ́нко, кхар чорорэн, калекэн, лангалэн, корорэн,

1 Petr 2:1

Тэды мэкэ́н кажно холы́, фрэнтыма, дуемуиткима, зэвлыныпэ́н и кажна хоханэ́ лава́,

1 Коринфянэнгэ 9:27

Нэ мэ кхинякирава мирэ́ маса́ и рикирава лэс дрэ васта́, соб (кай) ке́ли мэ ява́ва тэ роспхэнав бахталы́ зан явирэ́нгэ, ма́нгэ тэ на ячавпэ налачхэса ваш прастаибэн.

Luka 14:21

И явдя́ писха́ри кхэрэ́ и пирипхэндя сарэ́ лава́ хула́скэ. Тэды кхэрэ́скиро хула́й пхэндя́ дрэ холы́ писхари́скэ: ‘Джа́н пир барэ́ вули́цы (га́сы) и гасыцы, и ян адари́к чорорэн, калекэн, лангалэн и корорэн’.

Isajos 1:31

Зорало́ явэ́ла сыр шмата, и лэ́скиро рэ́ндо сыр яг; явэ́на тэ хачон кхэтанэ́ и нико́н на мурдякирла.”

Ереме́ё 4:4

Обчхинэн пэс ваш Ма́нгэ, Ра́скэ-Дэвлэ́скэ, и злэн цы́па тумарэ́ илэндыр, тумэ́, мануша́лэ Юдэя́тыр, и кон дживэ́ла кэ Ерусалимо, соб (кай) тэ на пэрэ́л Миро холякирибэ́н сыр яг, и соб (кай) тэ захачол адя́кэ, со нико́н на мудькирэла, пал-дова́ со тумэ́ кэрдэ́ биба́хт.

Матфеё 17:27

Нэ, соб (кай) лэ́нгэ тэ на кэра́с фуипэ́н пал кадава́ приме́ро (сыкаибэ́н), джа́ пэ мо́рё (дэрья́в), зачхурдэ вэндка, и пэрвонэ́ мачхэстэ, саво́ попэрлапэ, откэр лэ́скиро муй и латхэса одо́й статиро; тырдэ лэс яври́ и дэ лэ́нгэ пал пэ́стэ и пал Ма́ндэ.”

Luka 3:17

Лэ́скиро ґанадытко (лопата) исын дро Лэ́скиро васт, и Ёв жужакирэла Пэ́скири шу́рна и скэдэ́ла парно́ гив дрэ Пэ́скири пиралы́, а пхус хачкирэ́ла яга́са, сави́ на мурдёла.”

Ióvo 20:13

мэк ёв и тэ пригаравэл ла, и тэ на мэкэл ла: а ёв рикирэ́ла ла дро пэ́скиро муй;