Marko 9:41 - Библия - Пэ Балтитко Романи чиб (Романэс) 2019

⁴¹ Ко́ли вари-кон дэ́ла тумэ́нгэ тахта́й (чаша) шылалэ пане́са, ваш Миро лав, пал-дова́ со тумэ́ сан Христосо́скирэ, чачэс Мэ ракира́ва тумэ́нгэ: ёв на хасякирэ́ла отдыибэ́н Дэвлэ́стыр.

Biblija - Pe Baltitko Romani čib (Romanes) 2019

⁴¹ Kóli vari-kon déla tuménge tahtáj (čaša) šylale paniésa, vaš Miro lav, pal-dová so tumé san Xristosóskire, čačes Me rakiráva tuménge: jov na xasiakiréla otdyibén Devléstyr.

Marko 9:41 Referans Kwoze

Матфеё 10:42

И вари-кон, кон дэ́ла хоць тахта́й (чаша) шылало пани́ екхэ́скэ адалэ́ тыкнэндыр сыр сыкляибнытконэскэ, чачэс, Мэ ракира́ва тумэ́нгэ: ёв на хасякирэ́ла пэ́скиро отдыибэ́н.”

Матфеё 25:40

И отпхэнэ́ла лэ́нгэ Кра́ли: ‘Чачэс, ракира́ва тумэ́нгэ: ‘Дова́, со тумэ́ кэрдэ́ дава́ Мирэ́ пшалэ́нгэ, савэ́ндэ нанэ дасави́ зор, тумэ́, хай, кэрдэ́ Ма́нгэ.’

2 Коринфянэнгэ 10:7

Ци дыкхэ́на тумэ́ пэ манушы́тко муй? Ко́ли вари-кон зоралэ́с патя́ла дро дова́, со ёв исын Христосо́скиро, мэк ёв нэвэ́стыр тэ пиридуминэл пал дова́; лэ́скэ трэй тэ ґалёл, со амэ дасавэ́-паць сам Христосо́скирэ.

1 Коринфянэнгэ 15:23

Нэ кажно ману́ш пир пэ́скиро штэ́то: англэды́р Христо́со, тэ́ньчи Христосо́скирэ, ке́ли Ёв явэ́ла.

Римлянэнгэ 14:15

Ко́ли тыро́ пшал холясо́ла пал хабэ́н, тэды ту кэрэ́са на пир ило́. На хасякир тырэ́ хабнаса одолэ́с, пал конэ́стэ Христо́со мыя́.

Римлянэнгэ 8:9

Нэ ко́ли тумэ́ дживэ́на на пир лоча́кирэ-грэхо́скиро тырдыпэ́н, тэды, чачэс, Дэвлэ́скиро Ду́хо (Фа́но) дживэ́ла дрэ тумэ́ндэ; а, ко́ли вари-конэ́стэ нанэ Христосо́скиро Ду́хо (Фа́но), одова́ исын на Лэ́скиро:

Galatenge 5:24

И адалэ́ мануша́, савэ́ исын Христосо́скирэ, примардэ пэ́скири манушы́тко грэхи́тко натура пэ трушу́л пэ́скирэ налачхэ́ камибнаса и грэхоскирэ тырдыпнаса.

Galatenge 3:29

А ко́ли тумэ́ сан Христосо́скирэ, тэды тумэ́ сан Авраамо́скирэ родо́стыр; мануша́, савэ́ дорэсэ́на дова́, пал со Дэвэ́л дыя́ лав.

1 Коринфянэнгэ 3:23

и тумэ́ сан Христосо́скирэ, а Христо́со исын Дэвлэ́скиро.

Marko 4:10

Ке́ли мануша́ розгинэпэ и Исусо́са ячнэ́пэ дэшуду́й и яви́р мануша́, савэ́ шундлэ́ Лэс, ёнэ пхучнэ́ Лэ́стыр, со значынэна далэ́ примеры (сыкаибэна)?