Marko 9:26 - Библия - Пэ Балтитко Романи чиб (Романэс) 2019

²⁶ Тэ́ньци на́лачхо ду́хо (фа́но) дыя́ го́дла, тринскирдя зоралэ́с лэс и гия́ криг лэ́стыр. И адава́ ману́ш яця́ сы́рбы муло́, палдава́ бут мануша́ пхэндлэ́: “Ёв исын муло́.”

Biblija - Pe Baltitko Romani čib (Romanes) 2019

²⁶ Tén'ci nálačho dúho (fáno) dyjá gódla, trinskirdia zoralés les i gijá krig léstyr. I adavá manúš jaciá sýrby muló, paldavá but manušá phendlé: “Jov isyn muló.”

Marko 9:26 Referans Kwoze

Marko 9:20

Тэ́ньци ёнэ яндлэ́ лэс кэ Ёв. И ке́ли ёв дыкхця́ Лэс, екха́тыр на́лачхо ду́хо (фа́но) зоралэ́с тринскирдя лэс, и ёв пыя́ пэ пхув и радяпэ, и мэкэлас пена мо́стыр.

Marko 1:26

На́лачхо ду́хо (фа́но) тринскирдя зоралэ́с манушэ́с и годла́са выгия́ лэ́стыр.

Sykadyipén 12:12

Палдава́ ра́дынпэ, Болыбна́скиро Раё! Радынэ́нпэ одолэ́, кон дживэ́ла одо́й! Нэ би́да пэ пхув и пэ мо́рё (дэрья́в), пал-дова́ со на́лачхо гия́ тэлэ́ даранэ холя́са, джининдой, со яця́пэ лэ́скэ на́бут часо.

Marko 9:18

И кай на́лачхо ду́хо (фа́но) лэс тэ на ухтылэл, то ёв равэла лэс тэлэ́, адава́ ману́ш мэкэ́ла пена мо́стыр, ёв скрежытынэла дандэнца и ячэ́лапэ сыр кашт. И адя́кэ мэ ракирдём Тырэ́ сыкляибнытконэ́нгэ, соб (кай) ёнэ тэ вытрадэн дава́ на́лачхо ду́хо (фа́но) яври́, нэ ёнэ на дынэ́ ра́да.

Vygiiben 5:23

пал-дова́ со долэ́ часостыр, сыр мэ явдём кэ фарао́но и лыём тэ ракира́в Тырэ́ лавэ́са, ёв лыя́ фуеды́р тэ обджалпэ адалэ́ манушэ́нца, тэ зракхэс лэн, – Ту на зракхця́н Тырэ́ манушэ́н.”

Матфеё 15:22

и, акэ, Хананеенгири джувлы́, сави́ сыс до-паць штэто́стыр, гия́ анги́л и задыя го́дла: “Потангинэ (пожалин) ман, Раё Дэ́вла, Чхаво́ Давидо́скиро, на́лачхо ду́хо (фа́но) древа́н рикирэ́ла зор пэ мирэ́ чхатэ.”

Marko 9:25

Ке́ли Ису́со дыкхця́, со мануша́ лынэ́ тэ прастан кэ дава́ штэ́то, ёв штылякирдя на́лачхо ду́хо (фа́но), пхэни́ лэ́скэ: “Ду́хо (Фа́но) кашуко и муто (немо), мэ припхэнава ту́кэ, тэ джас криг лэ́стыр, и, соб (кай) буты́р тэ на заджас!”

Marko 9:27

Нэ Ису́со лыя́ тэрнэ́-бэршэнгирэс пало́ васт, помогиндя (дыя́ васт) тэ ґаздэлпэ и одова́ уштыя́ пэ ґэра́.