Marko 9:10 - Библия - Пэ Балтитко Романи чиб (Романэс) 2019

¹⁰ Ёнэ ракхнэ дава́ дрэ пэ́стэ, а машки́р пэ́стэ бут мо́лы ракирдэ́ пал дава́, сыр тэ ґалён Лэ́скирэ лава́ ‘отджидёла мулэ́ндыр’.

Biblija - Pe Baltitko Romani čib (Romanes) 2019

¹⁰ Jone rakhne davá dre péste, a maškír péste but móly rakirdé pal davá, syr te ĥaljon Léskire lavá ‘otdžidjola muléndyr’.

Marko 9:10 Referans Kwoze

Apostolengiri Butý 17:18

А вари-савэ́ Эпикуреинэ и Стоиконэ философэндыр гинэ́ тэ ханпэ лэ́са дро ракирибэ́н. И вари-савэ́ пхучнэ́: “Со дава́ балвалитко ману́ш камэ́ла тэ пхэнэ́л?” А яви́р ракирдэ́: “Ёв, здэлапэ, роспхэнэ́ла пал чужонэ́ наамарэ дэвлэндэ?” – пал-дова́ со Па́вли роспхэнэлас лэ́нгэ бахталы́ зан (звесь) пал Христосо́стэ и Лэ́скиро отджидыибэн мулэ́ндыр

Joannostir 12:16

Лэ́скирэ сыкляибны́тка на ґалынэ́ дава́; нэ, ке́ли Ису́со сыс славиндло, тэды ёнэ рипирдэ, со адя́кэ сыс чхиндло́ пал Лэ́стэ дро Свэ́нто Чхиныбэ́н, и адя́кэ ёнэ кэрдэ́ Лэ́скэ.

Marko 9:32

Нэ ёнэ усае́кх на ґалынэ́ далэ́ лава́, а тэ пхучэ́н Лэ́стыр дара́ндынэ.

Матфеё 16:22

И кхардя́ Пэ́три Лэс дрэ риг, и лыя́ тэ отракирэл: “Потангинэ Пэс, Раё Дэ́вла! Мэк тэ на явэ́л дава́ Ту́са.”

Džiibén 37:11

Пшалэ лэ́скирэ дэ́нас якхало лэ́скэ, а лэ́скиро дад зарипирдя дава́ лав.

Marko 9:9

Ке́ли ёнэ джа́нас тэлэ́ бэрга́тыр, Ису́со ангилприпхэндя лэ́нгэ, соб (кай) ёнэ ни конэ́скэ тэ на ракирэ́н, со ёнэ дыкхнэ́, пака Чхаво́ Манушэ́скиро на отджидёла мулэ́ндыр.

Marko 9:11

И пхучэнас Лэ́стыр, ракири́: “Со́скэ ж лылвари́тка (кни́жники) ракирэ́на, со Или́я англэды́р сыс банго́ (мусиндя) тэ явэ́л?”