Marko 8:33 - Библия - Пэ Балтитко Романи чиб (Романэс) 2019

³³ Ису́со рисия́ и дыкхця́ Пэ́скирэ сыкляибнытконэ́н и припхэндя́ шылалэс Пэтрискэ: “Криг Ма́ндыр, на́лачхо! Ту думинэса пал манушы́тко, а на пал Дэвлы́тко.”

Biblija - Pe Baltitko Romani čib (Romanes) 2019

³³ Isúso risijá i dykhciá Péskire sykliaibnytkonén i priphendiá šylales Petriske: “Krig Mándyr, nálačho! Tu duminesa pal manušýtko, a na pal Devlýtko.”

Marko 8:33 Referans Kwoze

Матфеё 4:10

Тэ́ньци ракирэ́ла лэ́скэ Ису́со: “Джа́ Ма́ндыр, на́лачхо, исын чхиндло́: ‘Дэвлэ́скэ тырэ́скэ клонинпэ и Лэ́скэ екхэ́скэ дынарин.’”

1 Ian 2:15

На дэн паты́в свэтоскэ, и дова́, со исын дро свэ́то: кон дэ́ла паты́в свэтоскэ, кодолэ́ манушэ́скэ исын надрого Дад:

Filipiicenge 3:19

ёнэ исын тэрдэ́ пэ дром кэ хасибэ́н, лэ́нгиро дэвэл исын кужум (жэлудко), и лэ́нгири сла́ва исын дрэ ладж, ёнэ думинэ́на екх пал далэ́ свэто́скирэ рэ́нды:

Sykadyipén 3:19

Сарэ́нгэ, кон исын дро́го Ма́нгэ, Мэ пхэна́ва зорья́са лэ́нгири банг и сыклякирава лэн кэ дукха́. Палдава́ яв хачкирдэ́ илэ́са кэ Дэвэ́л и ри́скир пэ́скиро джиибэ́н кэ Ёв.

Psalmy 141:5

Мэк чачипнаскирэ мануша́ тэ пэкавэн ман, дава́ явэ́ла куч. И мэк ёв тэ сыкавэ́л мири́ банг, дава́ явэ́ла сы́рбы оливи́тко дзэт (елеё), савэ́стыр миро рама́нё (миро) на рисёла криг; нэ сароекх мэ ява́ва тэ мангавапэ, соб (кай) ёнэ тэ на кэрэ́н чорипэ́н.

1 Petr 4:1

И палдава́, сыр Христо́со пирилыджалас пхарипэ́н дрэ лоч, адя́кэ-паць и тумэ́нгэ приявэлапэ тэ лыджа́н пхарипэ́н; пал-дова́ со кон злыджала пхарипэ́н лочаса, одова́ ману́ш мэкэ́ла тэ кэрэ́л грэ́хи,

1 Ximaske 5:20

Манушэ́н, савэ́ кэрдэ́ грэ́хо, бангякир маму́й анги́л сарэ́ндэ, соб (кай) яви́р тэ дарэ́н.

1 Коринфянэнгэ 5:5

тэ отдэ́н адасавэ́ манушэ́с налачхэскэ тэ мэнчынэл лэс лэ́скири лоч (плоть), сави́ исын дро грэ́хо, соб (кай) тэ зракхэн лэ́скиро ду́хо (фа́но) дро Ра́скирэ-Дэвлэ́скиро дывэ́с, амарэ́ Исусо́скиро Христосо́скиро.

Luka 22:61

И Рай Дэвэ́л рискирдя́ шэро́, подыкхця́ пэ Пэтристэ; и пририпирдя Пэ́три Исусо́скиро лав, сыр Ёв пхэндя́ Лэ́скэ: “Анги́л, сыр пробагала башно, ту трин мо́лы отпхэнэсапэ Ма́ндыр.”

Marko 3:34

Ёв облыджия якхэ́нца сарэ́н, кон сыс бэштэ́ пашы́л Лэ́стэ и ракирэ́ла: “Дава́ исын дай Мири́ и пша́ла Мирэ́;

Marko 3:5

Тэды Ису́со облыджия лэн холямэ́ дыкхибнаса, и тугиндя пал лэ́нгирэ пхарэ́ илэ, и пхэндя́ калекаскэ: “Протырдэ тыро́ васт!” Ёв протырдыя́, и васт лэ́скиро яця́ састо́ сарэ́са.”

Матфеё 15:23

Нэ Ёв нисо́ на отпхэндя́ ла́кэ. И Лэ́скирэ сыкляибны́тка подгинэ́ кэ Ёв и помангнэ Лэс: “Отмэк ла, пал-дова́ со ёй адя́кэ дэ́ла го́дла пал амэ́ндэ.”

2 Kralip 19:22

И пхэндя́ Дави́до: “Со ма́нгэ и тумэ́нгэ, Саруяскирэ чхавэ́, со тумэ́ какана́ кэрэ́напэ вэргэнца (наветникэнца). Ци какана́ тэ мулякирэс вари-конэ́с дро Израилё? Ци на дыкха́ва мэ, со какана́ мэ – кра́ли пэ Израилё?”

Левито 19:17

На рикир холы́ дрэ тыро́ ило́ пэ тырэ́ пшалэ́стэ; сыка́в банг тырэ́ пашатунэскэ, и на явэ́ла пал лэ́стэ грэ́хо.

Titoske 1:13

Кадава́ допхэныбэ́н исын чачуно́; пир дава́ бангякир шылалэс лэн, соб (кай) лэ́нгиро патяибэ́н тэ явэ́л чачуно́,

Luka 9:55

Нэ Ису́со порисия и выракирдя лэ́нгэ, пхэни́: “Тумэ́ на джинэ́на, саво́ ду́хо (фа́но) исын тумэ́ндэ.

Luka 4:8

Ису́со отпхэндя́ Лэ́скэ: “Исын чхиндло́: ‘Дэвлэ́скэ тырэ́скэ клонинпэ и Лэ́скэ екхэ́скэ дынарин (служын)’”

Ióvo 2:10

Нэ ёв пхэндя́ ла́кэ: “Ту ракирэ́са сыр е́кх пхарэ́-шэрэскирэ джувлендыр, сави́ пхэнэлас: амэ адя́кэ-паць дорэсцям лачхипэ́н Дэвлэ́стыр, и ци амэ́нгэ адя́кэ-паць тэ на прилас биба́хт?” Пало́ саро́ дава́ Ио́во на пхэндя́ грэ́хо пэ́скирэ уштэ́нца.

Матфеё 16:23

Нэ Ёв рисия́ кэ Пэ́три и пхэндя́: “Джа́ криг Ма́ндыр, на́лачхо; ту Ма́нгэ сан, сыр бар пэ дром, пал-дова́ со ту думинэса на пал Дэвлы́тко, а пал манушы́тко.”